ବିଜେଡିର ଅନ୍ୟତ୍ତମ ନେତା ତଥା ପୂର୍ବତ୍ତନ ସାଂସଦ ବୈଜୟନ୍ତଙ୍କ ପରେ ଅନ୍ୟତମ ନେତା ଡାକ୍ତର ଦାମୋଦର ରାଉତ ପାଳିପଡିଲା। ନବୀନ ନିବାସରେ ଜଗତସିଂହପୁର ଜିଲ୍ଲାର ବିଜେଡି ନେତାମାନେ ଦଳର ସଭାପତି ନବୀନ ପଟ୍ଟନାୟକଙ୍କୁ ଭେଟି ଦାମଙ୍କୁ ବହସ୍କାର ଦାବୀ କଲେ। ଏହାପରେ ମୁଖ୍ୟମନ୍ତ୍ରୀ ତଥା ଦଳର ସୁପ୍ରିମୋ ନୀବନ ପଟ୍ଟନାୟକ ଏହାକୁ ତର୍ଜମା କରିବେ ବୋଲି କହିଲେ। ସେତେବେଳେ ଆଭାସ ମିଳିଲା ଯେ, ଦାମୋଦରଙ୍କୁ ନବୀନ ବହିସ୍କାର କରିବେ। ଶେଷରେ ତାହା ହିଁ ହେଲା। ତେବେ ବହିସ୍କାର ଖବର ପାଇବା ପରେ ଦାମ ରାଗି ଲାଲ ପଡିଯାଇଥିଲେ। ତେବେ ଧର୍ଯ୍ୟର ସହ ସେ ଗଣମାଧ୍ୟମକୁ ଗୋଟିଏ ପରେ ଗୋଟିଏ ଉତ୍ତର ଦେଉଥିଲେ। ଦାମୋଦରଙ୍କ ପ୍ରତିକ୍ରିୟା ହେଲା ସେ ଅନ୍ୟ ଦଳକୁ ଯିବି ନାହିଁ କିନ୍ତୁ ସାଧାରଣ ଜୀବନରେ ରହିବେ। ଆଗାମୀ ନିର୍ବାଚନରେ ଲଢ଼ିବି ଓ ଓଡ଼ିଶାର ଯେକୌଣସି ସ୍ଥାନରୁ ଲଢ଼ିବାର ସାମର୍ଥ୍ୟ ମୋର ଅଛି” ବରିଷ୍ଠ ନେତା ଡାକ୍ତର ଦାମୋଦର ରାଉତ ଗଣମାଧ୍ୟମକୁ କହିଛନ୍ତି।
ବିଜେଡିରୁ ବହିଷ୍କାର ହେବା ପରେ ଡାକ୍ତର ରାଉତ କହିଛନ୍ତି ଯେ, ଗତ ୮ ମାସ ହେଲା ବିଜେଡିରେ ନଥିଲି। ରାତି ଅଧରେ ତାଙ୍କୁ ବିନା କାରଣରେ ମନ୍ତ୍ରୀ ପଦରୁ ବହିଷ୍କାର କରାଗଲା। ଦଳର ଉପସଭାପତି ଓ ପର୍ଯ୍ୟବେକ୍ଷକ ପଦବୀରୁ ବହିଷ୍କାର କରାଗଲା। ଗତ ୮ ମାସ ହେଲା ତାଙ୍କ ସହ ଦଳର କୌଣସି ନେତା କଥା ହେଉନଥିଲେ କିମ୍ବା ଦଳୀୟ କାର୍ଯ୍ୟରେ ତାଙ୍କୁ ଖୋଜା ଯାଉନଥିଲା। ତେଣୁ ଆଜି କେବଳ ତାଙ୍କୁ ଅଫିସିଆଲ ଭାବେ ବହିଷ୍କାର କରାଯାଇଛି। ଯାହା ସେ ଗଣମାଧ୍ୟମରୁ ଶୁଣିଛନ୍ତି।
ଦଳ ଓ ଦଳର ନେତାଙ୍କୁ କଡ଼ା ଭାଷାରେ ସମାଲୋଚନା କରି ଡା ରାଉତ କହିଛନ୍ତି ଯେ ବିଜେଡିରେ ସମ୍ବିଧାନ ବୋଲି କିଛି ନାହିଁ। ଦଳର କାର୍ଯ୍ୟକାରିଣୀ ବସେ ନାହିଁ କିମ୍ବା ଗଣତାନ୍ତ୍ରିକ ପଦ୍ଧତିରେ କୌଣସି କାର୍ଯ୍ୟ ହୁଏ ନାହିଁ। ତେଣୁ ବିଜେଡିରେ ସମ୍ବିଧାନ ଅଛି ବୋଲି ସେ ଜାଣନ୍ତି ନାହିଁ। ନବୀନ ପଟ୍ଟନାୟକଙ୍କ ଭଳି ସ୍ଥିତି ରକ୍ଷା ପାଇଁ ନୀତି ବଦଳାଉଥିବା ନେତା ସିଏ ନୁହଁନ୍ତି ବୋଲି କହିଛନ୍ତି।
ମୁଖ୍ୟମନ୍ତ୍ରୀ ଭାବେ ସେ ୬ଟି ବୈଧାନିକ କମିଟିର ମୁଖ୍ୟ ଅଛନ୍ତି। କିନ୍ତୁ ଦିନେକାଳେ ଏହି କମିଟିଗୁଡ଼ିକର ବୈଠକ ବସେନି। ଶ୍ରୀମନ୍ଦିର କମିଟିରେ ଅଛନ୍ତି କିନ୍ତୁ ରତ୍ନଭଣ୍ଡାରରୁ ଚୋରି ହେଲା। ଓପେପା କମିଟିରେ ଅଧ୍ୟକ୍ଷ ଅଛନ୍ତି ସେଠାରେ ୬କୋଟି ଟଙ୍କାର ଦୁର୍ନୀତି ହୋଇଛି। ତେଣୁ ଦୁର୍ନୀତି, ଭ୍ରଷ୍ଟାଚାର ଓ ଲୁଟର ହିରୋ କିଏ ତାହା ସେ ଖୁବଶୀଘ୍ର ପର୍ଦ୍ଦାଫାସ କରିବେ ବୋଲି ଚେତାବନୀ ଦେଇଛନ୍ତି।
ଯେଉଁମାନେ ଦୁର୍ନୀତିରେ ବୁଡ଼ି ରହିଛନ୍ତି, ସିବିଆଇ ଓ ଅନ୍ୟାନ୍ୟ ଦୁର୍ନୀତିରେ ଲିପ୍ତ ଅଛନ୍ତି ସେମାନେ ଏବେ ବିଜେଡିକୁ କବଜା କରି ରଖିଛନ୍ତି ବୋଲି ଡା ରାଉତ କହିଛନ୍ତି।
ତାଙ୍କ ପାଇଁ ନିଜର ସ୍ୱାଭିମାନ ହେଉଛି ବଡ଼, ନୀତି ହେଉଛି ବଡ଼ ଓ ସେ ନୀତି ଆଦର୍ଶରେ ରହି ଆସିଛନ୍ତି। ବିଜୁ ବାବୁଙ୍କ ଅନୁଗତ ଭାବେ ସେ ଚାରି ଦଶନ୍ଧି ଧରି ରାଜନୀତିରେ ରହିଛନ୍ତି ଓ ଆଗାମୀ ଦିନରେ ମଧ୍ୟ ସାଧାରଣ ଜୀବନରେ ରହିବେ ବୋଲି ଡାକ୍ତର ରାଉତ ସ୍ପଷ୍ଟ କରିଛନ୍ତି ।
