ନୂଆଦିଲ୍ଲୀ, କଣ୍ଟେଣ୍ଟମେଣ୍ଟ ଜୋନ୍ ବାହାରେ ଥିବା ଅଞ୍ଚଳରେ ଅଧିକ କାର୍ୟ୍ୟକଳାପ ଖୋଲିବା ପାଇଁ ଗୃହ ମନ୍ତ୍ରଣାଳୟ ଆଜି ନୂତନ ନିର୍ଦ୍ଦେଶାବଳୀ ଜାରି କରିଛି।,ଅନଲକ୍ ୪.୦। ଏହା ସେପ୍ଟେମ୍ବର ୧, ୨୦୨୦ ଠାରୁ କାଯ୍ୟକାରୀ ହେବ, ପଯ୍ୟାୟ କ୍ରମେ ପୁଣି ବିଭିନ୍ନ କାଯ୍ୟକଳାପ ଖୋଲିବାର ପ୍ରକ୍ରିୟା ଆହୁରି ବୃଦ୍ଧି କରାଯାଇଛି। ଆଜି ଜାରି କରାଯାଇଥିବା ନୂତନ ନିର୍ଦ୍ଦେଶାବଳୀ, ରାଜ୍ୟ ଏବଂ କେନ୍ଦ୍ରଶାସିତ ରୁ ପ୍ରାପ୍ତ ମତାମତ ଏବଂ ସମ୍ପୃକ୍ତ କେନ୍ଦ୍ରୀୟ ମନ୍ତ୍ରଣାଳୟ ଏବଂ ବିଭାଗ ସହିତ ବ୍ୟାପକ ପରାମର୍ଶ ଉପରେ ଆଧାରିତ।
ନୂତନ ନିର୍ଦ୍ଦେଶାବଳୀର ପ୍ରମୁଖ ନିଷ୍ପତିଗୁଡିକ ହେଉଛି
୧-ମେଟ୍ରୋ ରେଳକୁ ୭ ସେପ୍ଟେମ୍ବର ୨୦୨୦ ଠାରୁ ପର୍ୟ୍ୟାୟ କ୍ରମେ ଗୃହ ଏବଂ ନଗର ବ୍ୟାପାର ମନ୍ତ୍ରଣାଳୟ, ରେଳ ମନ୍ତ୍ରଣାଳୟ ଦ୍ୱାରା ଗୃହ ବିଭାଗ ସହିତ ପରାମର୍ଶ କରି କାର୍ୟ୍ୟ କରିବାକୁ ଅନୁମତି ଦିଆଯିବ ଜ୍ଝ ଏହି ପରିପ୍ରେକ୍ଷୀରେ ଏକ ଷ୍ଟାଣ୍ଡାର୍ଡ ଅପରେଟିଂ ପ୍ରଣାଳୀ ଜାରି କରାଯିବ।
୨-ସାମାଜିକ, ଏକାଡେମିକ୍, କ୍ରୀଡା, ମନୋରଞ୍ଜନ, ସାଂସ୍କୃତିକ, ଧାର୍ମିକ,ରାଜନୈତିକ କାର୍ୟ୍ୟ ଏବଂ ଅନ୍ୟାନ୍ୟ ମଣ୍ଡଳୀକୁ ୨୧ ସେପ୍ଟେମ୍ବର ୨୦୨୦ ଠାରୁ ୧୦୦ ଜଣ ବ୍ୟକ୍ତିଙ୍କୁ ଅନୁମତି ଦିଆଯିବ। ତଥାପି, ଏପରି ସୀମିତ ସମାବେଶ ବାଧ୍ୟତାମୂଳକ ଭାବରେ ମାସ୍କ ପିନ୍ଧିବା ସହିତ ସାମାଜିକ ଦୂରତା ଦୂରତା, ଥର୍ମାଲ୍ ସ୍କାନିଂ ଏବଂ ହାତ ଧୋଇବା କିମ୍ବା ସାନିଟାଇଜର ପାଇଁ ବ୍ୟବସ୍ଥା ରହିବ।
୩-୨୧ ସେପ୍ଟେମ୍ବର ୨୦୨୦ ରୁ ମୁକ୍ତକାଶ ପ୍ରେକ୍ଷାଳୟ ଖୋଲିବାକୁ ଅନୁମତି ଦିଆଯିବ
୪-ରାଜ୍ୟ ଏବଂ କେନ୍ଦ୍ରଶାସିତ ଅଞ୍ଚଳ ସହିତ ବ୍ୟାପକ ପରାମର୍ଶ ପରେ, ନିଷ୍ପତ୍ତି ନିଆଯାଇଛି ଯେ ବିଦ୍ୟାଳୟ, କଲେଜ, ଶିକ୍ଷାଗତ ତଥା କୋଚିଂ ଅନୁଷ୍ଠାନ ୩୦ ସେପ୍ଟେମ୍ବର ୨୦୨୦ ପର୍ୟ୍ୟନ୍ତ ଛାତ୍ର ତଥା ନିୟମିତ ଶ୍ରେଣୀ କାଯ୍ୟକଳାପ ପାଇଁ ବନ୍ଦ ରହିବ।
୫-ଅନଲାଇନ୍ ଏବଂ ଦୂରତ୍ୱ ଶିକ୍ଷା ଅନୁମତି ରହିଛି ତେବେ ତାହା କେବଳ କଣ୍ଟେନମେଣ୍ଟ ଜୋନ୍ ବାହାରେ ଥିବା ଅଞ୍ଚଳରେ, ୨୧ ସେପ୍ଟେମ୍ବର ୨୦୨୦ ରୁ କାର୍ୟ୍ୟକାରୀ ହେବ,
୬-ଅନ୍ଲାଇନ୍ ଶିକ୍ଷାଦାନ, ଟେଲି କାଉନସେଲିଂ ଏବଂ ଆନୁଷଙ୍ଗିକ କାର୍ୟ୍ୟ ପାଇଁ ରାଜ୍ୟଗୁଡିକ ୫୦% ପର୍ୟ୍ୟନ୍ତ ଶିକ୍ଷକ ଏବଂ ଅଣଶିକ୍ଷକ କର୍ମଚାରୀଙ୍କୁ ବିଦ୍ୟାଳୟକୁ ଡାକିବାକୁ ଅନୁମତି ଦେଇପାରନ୍ତି ।
୭- ୯ମ ରୁ ୧୨ଶ ଶ୍ରେଣୀର ଛାତ୍ରଛାତ୍ରୀମାନେ ସେମାନଙ୍କ ଶିକ୍ଷକମାନଙ୍କଠାରୁ ମାର୍ଗଦର୍ଶନ ପାଇଁ କେବଳ ସ୍ୱେଚ୍ଛାକୃତ ଭିତ୍ତିରେ, କେବଳ କଣ୍ଟେନମେଣ୍ଟ ଜୋନ୍ ବାହାରେ ଥିବା ବିଦ୍ୟାଳୟଗୁଡ଼ିକୁ ପରିଦର୍ଶନ କରିବାକୁ ଅନୁମତି ଦିଆଯାଇପାରେ। ଏହା ସେମାନଙ୍କ ପିତାମାତା ବା ଅଭିଭାବକଙ୍କ ଲିଖିତ ସମ୍ମତି ଅନୁଯାୟୀ ହେବ।
୮-ନ୍ୟାସନାଲ ସ୍କିଲ୍ ଟ୍ରେନିଂ ଇନଷ୍ଟିଚ୍ୟୁଟ୍, ଇଣ୍ଡଷ୍ଟ୍ରିଆଲ୍ ଟ୍ରେନିଂ ଇନଷ୍ଟିଚ୍ୟୁଟ୍ (ଆଇଟିଆଇ), ନ୍ୟାସନାଲ ସ୍କିଲ୍ ଡେଭଲପମେଣ୍ଟ କର୍ପୋରେସନ୍ କିମ୍ବା ଷ୍ଟେଟ୍ ସ୍କିଲ୍ ଡେଭଲପମେଣ୍ଟ ମିଶନ୍ କିମ୍ବା ଭାରତ ସରକାର କିମ୍ବା ରାଜ୍ୟ ସରକାରଙ୍କ ଅନ୍ୟାନ୍ୟ ମନ୍ତ୍ରଣାଳୟରେ ପଞ୍ଜୀକୃତ ସ୍ୱଳ୍ପକାଳୀନ ତାଲିମ କେନ୍ଦ୍ରରେ ଦକ୍ଷତା କିମ୍ବା ଉଦ୍ୟୋଗୀ ତାଲିମ ଅନୁମତି ଦିଆଯିବ।
୯-ନ୍ୟାସନାଲ୍ ଇନଷ୍ଟିଚ୍ୟୁଟ୍ ଫର୍ ଏଣ୍ଟରପ୍ରାଇଜର୍ସିପ୍ ଏବଂ କ୍ଷୁଦ୍ର ବ୍ୟବସାୟ ବିକାଶ (NIESBUD)), ଇଣ୍ଡିଆନ୍ ଇନଷ୍ଟିଚ୍ୟୁଟ୍ ଅଫ୍ ଏଣ୍ଟରପ୍ରାଇଜର୍ସିପ୍ (IIE) ଏବଂ ସେମାନଙ୍କ ତାଲିମ ପ୍ରଦାନକାରୀଙ୍କୁ ମଧ୍ୟ ଅନୁମତି ଦିଆଯିବ।
୧୦-ଉଚ୍ଚଶିକ୍ଷା ପ୍ରତିଷ୍ଠାନଗୁଡ଼ିକ କେବଳ ପିଏଚଡି ଏବଂ ବୈଷୟିକ ଏବଂ ବୃତ୍ତିଗତ ପ୍ରୋଗ୍ରାମର ସ୍ନାତକୋତ୍ତର ଛାତ୍ରମାନଙ୍କ ପାଇଁ ଲାବୋରେଟୋରୀ କିମ୍ବା ପରୀକ୍ଷାମୂଳକ କାର୍ୟ୍ୟ ଆବଶ୍ୟକ କରନ୍ତି ତେବେ ସ୍ଥିତିର ମୂଲ୍ୟାଙ୍କନ ଉପରେ ଆଧାର କରି ରାଜ୍ୟ ଉଚ୍ଚଶିକ୍ଷା ବିଭାଗ ଗୃହବିଭାଗ ସହିତ ପରାମର୍ଶ କରି ଅନୁମତି ଦେବେ।
୧୧-ନିମ୍ନଲିଖିତ ସମସ୍ତ କାର୍ୟ୍ୟକଳାପ ବନ୍ଦ ରହିବ। ସେଗୁଡିକ ହେଲା ସିନେମା ହଲ୍, ସୁଇମିଂ ପୁଲ୍, ମନୋରଞ୍ଜନ ପାର୍କ, ପ୍ରେକ୍ଷାଳୟ (ଖୋଲା ଆକାଶ ଥିଏଟରକୁ ବାଦ ଦେଇ)।
୧୨ ଗୃହ ବିଭାଗ ଦ୍ୱାରା ଅନୁମତି ବ୍ୟତୀତ ଅନ୍ୟ ଆନ୍ତର୍ଜାତୀୟ ବିମାନ ଉଡାଣ ୩୦ ସେପ୍ଟେମ୍ବର, ୨୦୨୦ ପର୍ୟ୍ୟନ୍ତ ବନ୍ଦ ରହିବ।
୧୩- କଣ୍ଟେନମେଣ୍ଟ ଜୋନରେ କଠୋର କଣ୍ଟେନମେଣ୍ଟ ପଦକ୍ଷେପ ଲାଗୁ ହେବ ଏବଂ କେବଳ ଜରୁରୀ କାର୍ୟ୍ୟକଳାପକୁ ଅନୁମତି ଦିଆଯିବ। ଏହି କଣ୍ଟେନମେଣ୍ଟ ଜୋନ୍ ଗୁଡିକ ସମ୍ପୃକ୍ତ ଜିଲ୍ଲାର ଜିଲ୍ଲାପାଳଙ୍କ ୱେବସାଇଟରେ ଏବଂ ରାଜ୍ୟଗୁଡିକ ଦ୍ୱାରା ସୂଚିତ କରାଯିବ
୧୪-କଣ୍ଟେନମେଣ୍ଟ ଜୋନ୍ ବାହାରେ କୌଣସି ସ୍ଥାନୀୟ ଲକଡାଉନ୍ ଲାଗୁ ନ କରିବାକୁ ନିର୍ଦ୍ଦେଶ ଦିଆଯାଇଛି। ରାଜ୍ୟ ସରକାର କେନ୍ଦ୍ର ସରକାରଙ୍କ ପୂର୍ବ ପରାମର୍ଶ ବିନା କଣ୍ଟେଣ୍ଟମେଣ୍ଟ ଜୋନ୍ ବାହାରେ କୌଣସି ସ୍ଥାନୀୟ ଲକଡାଉନ୍ ଲଗାଇବେ ନାହିଁ।
୧୫-ଆନ୍ତଃ ରାଜ୍ୟ ତଥା ରାଜ୍ୟ ଭିତରେ ଉପରେ କୈଣସି ପରିବହନ ଉପରେ ପ୍ରତିବନ୍ଧକ ନାହିଁ । ଏହିପରି ଗତିବିଧି ପାଇଁ କୌଣସି ପୃଥକ ଅନୁମତି ବା ଅନୁମୋଦନ କିମ୍ବା ଇ-ଅନୁମତିର ଆବଶ୍ୟକ ହେବ ନାହିଁ ।