ହାଥରସ, ସାରା ଦେଶରେ ଚାଞ୍ଚଲ୍ୟ ଖେଲାଇଥିବା ହାଥରସ ଦୁଷ୍କର୍ମ ଘଟଣାରେ ଦିନକୁ ଦିନ ନୂଆନୂଆ ତଥ୍ୟ ପଦାକୁ ଆସିବାରେ ଲାଗିଛି। ତେବେ ଏହି ଘଟଣାରେ ଗିରଫ ହୋଇଥିବା ଚାରି ଅଭିଯୁକ୍ତ ସ୍ଥାନୀୟ ଏସପି ଙ୍କୁ ଏକ ଚିଠି ଲେଖିଛନ୍ତି। ଏହି ଚିଠିରେ ସେମାନେ ଉଲ୍ଲେଖ କରିଛନ୍ତି ଯେ, ଏହି ହତ୍ୟା ଘଟଣାରେ ସେମାନଙ୍କର ସଂପୃକ୍ତି ନାହିଁ।
ହାତରେ ଲେଖାଥିବା ଏବଂ ଟିପ ଚିହ୍ନ ଥିବା ଏହି ଏକ ପୃଷ୍ଠା ବିଶିଷ୍ଠ ଚିଠିର ସେମାନେ ସେଦିନର ଘଟଣା ସଂପର୍କରେ ବର୍ଣ୍ଣନା କରିଛନ୍ତି। ସେମାନେ କହିଛନ୍ତି ଯେ, ମୃତ ପିଡିତା ସହିତ ସେମାନଙ୍କ ବହୁ ଭଲ ସଂପର୍କ। ଆମେ ମଝିରେ ମଝିରେ ତାଙ୍କୁ ଫୋନ କରି ଡାକୁ। ହେଲେ ଏହାକୁ ନେଇ ତାଙ୍କ ପରିବାର ଲୋକ ଖୁସି ନ ଥିଲେ। ଆମ ସହିତ ମିଳାମିଶା ନ କରିବା ପାଇଁ ତାଗିଦ କରୁଥିଲେ।
ଯେଉଁଦିନ ଏହି ଘଟଣା ଘଟିଥିଲା ସେଦିନ ମଧ୍ୟ ତାକୁ ଡାକାଯାଇଥିଲା। ହେଲେ ସେଠାରେ ତାହାର ଭାଇ ଓ ବୋଉ ଆସିଯିବାରୁ ଆମେ ଘଟଣା ସ୍ଥଳ ଛାଡି ପଳାଇ ଆସିଲୁ। ହେଲେ ପରେ ଜାଣିଲୁ ଯେ ତାକୁ ତା ଭାଇ ଓ ବୋଉ ମିଶି ପ୍ରବଳ ପିଟିଛନ୍ତି। ପରବର୍ତ୍ତି ସମୟରେ ଆମକୁ ତାଙ୍କ ପରିବାର ଜାଣିଶୁଣି ଫସେଇଛନ୍ତି ବୋଲି ସେମାନେ କହିଛନ୍ତି।
ଏହି ଚାରି ଅଭିଯୁକ୍ତ ସନ୍ଦୀପ, ରାମୁ, ରବି ଏବଂ ଲବକୁଶ ଟିପ ଚିହ୍ନ ଦେଇ ଏହି ଚିଠି ଲେଖିଛନ୍ତି।
