ୱାସିଂଟନ, ବହୁ ବାଦବିବାଦ ପରେ ଶେଷରେ ଯୋଶେଫ ରୋବିନେଟ ବାଇଡେନ ଜୁନିୟର ବା ଜୋ ବାଇଡେନ ଆମେରିକାର ରାଷ୍ଟ୍ରପତି ଭାବେ ଶପଥ ନେଇଛନ୍ତି। କ୍ୟାପିଟୋଲ ହିଲରେ ଆୟୋଜିତ ଏକ ବର୍ଣ୍ଣଢ୍ୟ ଉତ୍ସବରେ ସେ 46 ତମ ରାଷ୍ଟ୍ରପତି ଭାବେ ଶପଥ ନେଇଛନ୍ତି। ତାଙ୍କୁ ଶପଥ କରାଇଥିଲେ ସୁପ୍ରିମ କୋର୍ଟର ମୁଖ୍ୟ ବିଚାରପତି ଜନ୍ ରବର୍ଟ। ବାଇବେଲକୁ ଛୁଇଁ ସେ ଏହି ଶପତ କରିଥିଲେ। 78 ବର୍ଷ ବୟସ୍କ ବାଇଡେନ ଶପଥ ନେବା ପରେ ଆମେରିକାବାସୀଙ୍କୁ ସମ୍ବୋଧିତ କରିଥିଲେ।
ତାଙ୍କ ସମ୍ବୋଧନରେ ବାଇଡେନ କହିଥିଲେ ଯେ, ବର୍ତ୍ତମାନ ଆମେରିକାରେ ଗଣତନ୍ତ୍ର ଆସିଲା। ବର୍ତ୍ତମାନ ଏକ ମାହାମାରୀ ସମୟରେ ଆମେରିକାର ରାଷ୍ଟ୍ରପତି ଭାବେ ଦାୟିତ୍ବ ନେବାକୁ ପଡିଛି। ସମସ୍ତ ଆମେରିକାବାସୀ ହେଉଛନ୍ତି ମୋର। ସମସ୍ତଙ୍କୁ ସମାନ ଭାବେ ଦେଖିବା ମୋର କର୍ତ୍ତବ୍ୟ ବୋଲି ବାଇଡେନ କହିଛନ୍ତି।
