ନୂଆଦିଲ୍ଲୀ: ନଏ ନୋସ୍ତ୍ରେଦମସ ଭାବେ ପରିଚିତ କ୍ରେଗ୍ ହାମିଲଟନ୍-ପାର୍କର ଆସନ୍ତା ବର୍ଷ ପାଇଁ ଭୟଙ୍କର ଭବିଷ୍ୟବାଣୀ କରିଛନ୍ତି। ସେ କହିଛନ୍ତି ଯେ, ପ୍ରାକୃତିକ ଘଟଣା ଯୋଗୁଁ ଆମେରିକାର ଅଧିକାଂଶ ଅଂଶ ବ୍ଲାକଆଉଟ ଦେଇ ଗତି କରିବ। ଭିତ୍ତିଭୂମି ନଷ୍ଟ ହେତୁ ଟେକ୍ସାସ୍ ଏବଂ କାଲିଫର୍ନିଆର ବଡ଼ ଭାଗରେ ବ୍ଲାକଆଉଟ୍ ହେବାର ପୂର୍ବାନୁମାନ କରି କହିଛନ୍ତି ଯେ, କୌଣସି ପ୍ରମୁଖ ପାଣିପାଗ ଘଟଣା କିମ୍ବା ଝଡ଼ ଯୋଗୁଁ ବିଦ୍ୟୁତ୍ ଯୋଗାଣ ସହ ଜଡିତ ଭିତ୍ତିଭୂମି ନଷ୍ଟ ହୋଇଯିବ।
କ୍ରେଗ୍ ତାଙ୍କ ୟୁଟ୍ୟୁବ୍ ଚ୍ୟାନେଲ୍ ‘କଫି ୱିଦ କ୍ରେଗ୍’ରେ ଏକ ନୂତନ ଭିଡିଓ ଅପଲୋଡ୍ କରିଛନ୍ତି। ଏଥିରେ ସେ ଆମେରିକା ବିଷୟରେ ଏକ ଭବିଷ୍ୟବାଣୀ କରିଛନ୍ତି। ଭିଡିଓରେ ସେ କହିଛନ୍ତି ଯେ, ଆମେରିକାରେ ଶକ୍ତି ସଂପର୍କରେ ଏକ ବଡ଼ କ୍ଷତି ହେବାକୁ ଯାଉଛି। କାଲିଫର୍ନିଆ ଏବଂ ଆମେରିକାର ଟେକ୍ସାସରେ ଏକ ବଡ ବ୍ଲାକଆଉଟ୍ ହେବାକୁ ଯାଉଛି। ଏହି ଦୁଇଟି ସ୍ଥାନରେ ବହୁତ ତେଲ ଅଛି।”
ଆମେରିକାରେ ଭୂମିକମ୍ପ ଦ୍ୱାରା ସହରଗୁଡ଼ିକ ଧ୍ୱଂସ ହେବ:
୨୦୨୪ ମସିହାରେ ଆମେରିକାରେ ଅନେକ ବଡ଼ ଭୂମିକମ୍ପ ହେବ ବୋଲି କ୍ରେଗ ତାଙ୍କ ଭବିଷ୍ୟବାଣୀରେ ଦାବି କରିଛନ୍ତି। ଏହି କାରଣରୁ ପଶ୍ଚିମ ଉପକୂଳରେ ଅନେକ ଜିନିଷ ନଷ୍ଟ ହୋଇଯିବ ବୋଲି ସେ ପୂର୍ବାନୁମାନ କରିଛନ୍ତି। କ୍ରେଗ୍ କହିଛନ୍ତି ଯେ, ମୁଁ ଦେଖୁଛି ପଶ୍ଚିମ ତଟ ପର୍ଯ୍ୟନ୍ତ ବ୍ୟାପକ ଭୂମିକମ୍ପ ଏବଂ ପ୍ରାକୃତିକ ଘଟଣା ଘଟିବ, ଯାହା ଅନେକ ଧ୍ୱଂସ ହେବାକୁ ଯାଉଛି। ସେ କହିଛନ୍ତି ଯେ, ୨୦୨୪ ରେ ଯାହା ଘଟିବ ତାହା ହୃଦୟ ବିଦାରକ ହେବ।
ନୋସ୍ତ୍ରେଦମସଙ୍କ ଭବିଷ୍ୟବାଣୀ ସଠିକ୍ ପ୍ରମାଣିତ ହୋଇଛି:
ଉଲ୍ଲେଖ ଯୋଗ୍ୟ ଯେ, ନୋସ୍ତ୍ରେଦମସ ଫ୍ରାନ୍ସର ଏକ ଷୋଡଶ ଶତାବ୍ଦୀର ଭବିଷ୍ୟଦ୍ବକ୍ତା ଥିଲେ, ଯାହାର ଅନେକ ଭବିଷ୍ୟବାଣୀ ସମ୍ପୂର୍ଣ୍ଣ ରୂପେ ପୂରଣ ହୋଇଛି। ସେ ମଧ୍ୟ ବହୁ ପୂର୍ବରୁ ଋଷ ଯୁଦ୍ଧର ପୂର୍ବାନୁମାନ କରିଥିଲେ ଏବଂ ପ୍ରାକୃତିକ ଘଟଣା ସହ ଜଡିତ ଅନେକ ଭବିଷ୍ୟବାଣୀ ମଧ୍ୟ ସତ ପ୍ରମାଣିତ ହୋଇଛି।
କ୍ରେଗକୁ ବର୍ତ୍ତମାନର ନୋସ୍ତ୍ରେଦମସ କୁହାଯାଏ। ଭବିଷ୍ୟତର ଅନେକ ଘଟଣା ବିଷୟରେ ଭିଡିଓ ମାଧ୍ୟମରେ ସେ ଚେତାବନୀ ମଧ୍ୟ ଦେଇଛନ୍ତି। ଭବିଷ୍ୟତର ଘଟଣାଗୁଡ଼ିକ ବିଷୟରେ ସେ ନିଜ ୟୁଟ୍ୟୁବ୍ ଚ୍ୟାନେଲରେ ଅନେକ ଭିଡିଓ ଅପଲୋଡ୍ କରିଛନ୍ତି। ତଥାପି, ସେଗୁଡିକ କେତେ ସତ୍ୟ ପ୍ରମାଣିତ ହେବ ଭବିଷ୍ୟତରେ ଜଣା ପଡ଼ିବ। ତେବେ ତାଙ୍କର ସମସ୍ତ ଭବିଷ୍ୟବାଣୀ ସତ୍ୟ ହେବାକୁ ଯାଉଛି ବୋଲି କ୍ରେଗ ଦାବି କରିଛନ୍ତି।
