ନୂଆଦିଲ୍ଲୀ: ଭାରତ ଏବଂ ଦକ୍ଷିଣ ଆଫ୍ରିକା ମଧ୍ୟରେ ୨ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍ ଗତକାଲିଠାରୁ ଆରମ୍ଭ ହୋଇଯାଇଛି। ପ୍ରଥମ ମ୍ୟାଚର ପ୍ରଥମ ଦିନରେ ଆୟୋଜକ ଦକ୍ଷିଣ ଆଫ୍ରିକା ଦଳ ଭାରତ ଉପରେ ସମ୍ପୂର୍ଣ୍ଣ ପ୍ରାଧାନ୍ୟ ବିସ୍ତାର କରିଛି। ଦିନ ଶେଷ ସୁଦ୍ଧା ଭାରତୀୟ ଦଳ ୫୯ ଓଭରରେ ୮ ୱିକେଟ୍ ହରାଇ ୨୦୮ ରନ୍ ସ୍କୋରରେ ପହଞ୍ଚିଛି। ବର୍ଷା ଶେଷରେ ଖେଳକୁ ବ୍ୟାହତ କରିଥିଲା ଏବଂ ଶେଷରେ ପ୍ରଥମ ଦିନର ଖେଳ ବନ୍ଦ ହୋଇଥିଲା। ଭାରତ ପାଇଁ କେ.ଏଲ୍ ରାହୁଲ ୭୦ ଏବଂ ମହମ୍ମଦ ସିରାଜ ଖାତା ନ ଖୋଲି ଅପରାଜିତ ଫେରିଥିଲେ। ଆଫ୍ରିକୀୟ ଦ୍ରୁତ ବୋଲର କାଗିସୋ ରାବାଡା ସର୍ବାଧିକ ୫ ଟି ୱିକେଟ୍ ନେଇଥିଲେ।
