ନୂଆଦିଲ୍ଲୀ: ଭାରତ ୭ ୱିକେଟରେ ଆମେରିକାକୁ ପରାସ୍ତ କରିଛି। ଭାରତ ପାଇଁ ସୂର୍ଯ୍ୟକୁମାର ଯାଦବ ୪୯ ଟି ବଲରେ ସର୍ବାଧିକ ୫୦ ରନ୍ ସ୍କୋର କରିଥିଲେ। ଶିବମ୍ ଦୁବେଙ୍କ ସହ ତାଙ୍କର ୭୨ ରନ୍ ଭାଗିଦାରୀ ଭାରତର ବିଜୟରେ ଏକ ଗୁରୁତ୍ୱପୂର୍ଣ୍ଣ ଯୋଗଦାନ ଦେଇଥିଲା। ଦୁବେ ମଧ୍ୟ ୩୧ ରନ୍ ସ୍କୋର କରି ଭାରତର ବିଜୟରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣଥିଲେ। ପ୍ରଥମେ ବ୍ୟାଟିଂ କରି ଆମେରିକା ୨୦ ଓଭରରେ ୧୧୦ ରନ୍ ସଂଗ୍ରହ କରିଥିଲା। ଅଧିନାୟକ ମୋନାକ ପଟେଲଙ୍କ ଅନୁପସ୍ଥିତିରେ ମଧ୍ୟ ଆମେରିକାର ବ୍ୟାଟ୍ସମ୍ୟାନମାନେ ଶକ୍ତିଶାଳୀ ପ୍ରଦର୍ଶନ କରିଥିଲେ। ଷ୍ଟିଭେନ ଟେଲର ୨୪ ରନର ଗୁରୁତ୍ୱପୂର୍ଣ୍ଣ ଇନିଂସ ଖେଳିଥିଲେ ଏବଂ ନୀତୀଶ କୁମାର ୨୭ ରନର ଗୁରୁତ୍ୱପୂର୍ଣ୍ଣ ଇନିଂସ ଖେଳି ଦଳକୁ ସମ୍ମାନଜନକ ସ୍କୋରକୁ ନେଇଥିଲେ। ଜବାବରେ ଭାରତର ଟପ୍ ଅର୍ଡରଙ୍କ ଖରାପ ପ୍ରଦର୍ଶନ ହୋଇଥିଲା। କିନ୍ତୁ ସୂର୍ଯ୍ୟକୁମାର ଯାଦବ ଏବଂ ଶିବମ୍ ଦୁବେଙ୍କ ସହଭାଗିତା ଟିମ୍ ଇଣ୍ଡିଆକୁ ବିଜୟୀ କରାଇଲା।
ସୁପର-୮ ରେ ପହଞ୍ଚିଲା ଭାରତ:
୨୦୨୪ ଟି -୨୦ ବିଶ୍ୱକପରେ ଜିତିବାର ହ୍ୟାଟ୍ରିକ୍ ସହିତ ଭାରତୀୟ ଦଳ ସୁପର -୮ ପର୍ଯ୍ୟାୟରେ ନିଜର ସ୍ଥାନ ନିଶ୍ଚିତ କରିଛି। ଭାରତ ଏପର୍ଯ୍ୟନ୍ତ ଏହାର ତିନୋଟି ମ୍ୟାଚ୍ ଜିତିଛି ଏବଂ ଦଳ ୬ ପଏଣ୍ଟ ସହ ଗ୍ରୁପ୍ -ଏର ଶୀର୍ଷରେ ରହିଛି। ଯଦିଓ ଆମେରିକା ଶେଷ ମ୍ୟାଚରେ ଆୟର୍ଲାଣ୍ଡକୁ ପରାସ୍ତ କରି ୬ ପଏଣ୍ଟରେ ପହଞ୍ଚିପାରେ, କିନ୍ତୁ ପାକିସ୍ତାନ ଏବଂ କାନାଡା ବର୍ତ୍ତମାନ ୬ ପଏଣ୍ଟରେ ପହଞ୍ଚିବା ସମ୍ଭବ ନୁହେଁ। ଏଭଳି ପରିସ୍ଥିତିରେ ଟିମ୍ ଇଣ୍ଡିଆ ପରବର୍ତ୍ତୀ ମ୍ୟାଚ୍ ହାରିଗଲେ ମଧ୍ୟ ଟପ୍-୨ରୁ ବାହାରିବା ଅସମ୍ଭବ।
ସୁପର -୮ର ପାକିସ୍ତାନର ଆଶା ଉଜ୍ଜୀବିତ:
ସୁପର -୮ କୁ ଯିବା ପାଇଁ ପାକିସ୍ତାନ ଦଳ ପାଇଁ ସୁଯୋଗ ରହିଛି। ସମୀକରଣ ଅନୁଯାୟୀ ଆମେରିକାକୁ ଭାରତ ଠାରୁ ହାରିବା ଜରୁରୀ ଥିଲା। ଯେହେତୁ ଭାରତୀୟ ଦଳ ଆୟୋଜକ ଆମେରିକାକୁ ପରାସ୍ତ କରିଛି, ତେଣୁ ସୁପର- ୮ ଯିବାକୁ ପାକିସ୍ତାନର ଆଶା ଉଜ୍ଜୀବିତ ରହିଛି। ଯଦି ପାକିସ୍ତାନ ଦଳ ପରବର୍ତ୍ତୀ ପର୍ଯ୍ୟାୟକୁ ଯିବାକୁ ଚାହୁଁଛି, ତେବେ ଆୟର୍ଲାଣ୍ଡ ବିପକ୍ଷ ପରବର୍ତ୍ତୀ ମ୍ୟାଚକୁ ଏକ ବଡ଼ ବ୍ୟବଧାନରେ ଜିତିବାକୁ ପଡ଼ିବ। ଏହା ସହିତ, ପ୍ରାର୍ଥନା ରହିବ ଯେ, ଆମେରିକା ଏହାର ଗ୍ରୁପ୍ ପର୍ଯ୍ୟାୟର ଶେଷ ମ୍ୟାଚରେ ଆୟର୍ଲାଣ୍ଡ ଠାରୁ ପରାସ୍ତ ହେଉ।