ନୂଆଦିଲ୍ଲୀ: ପ୍ୟାରିସ୍ ପାରାଲିମ୍ପିକ୍ସରେ ଭାରତ ପାଇଁ ସପ୍ତମ ଦିନ ପଦକ ବର୍ଷା ହୋଇଛି। ସପ୍ତମ ଦିନରେ ମୋଟ 4 ଟି ପଦକ ଭାରତର ଖାତାକୁ ଆସିଛି, ଯେଉଁଥିରେ 2 ଟି ସ୍ୱର୍ଣ୍ଣ ଏବଂ 2 ଟି ରୌପ୍ୟ ରହିଛି। ଏହି ଚାରୋଟି ପଦକ ସହିତ ମୋଟ 24 ଟି ପଦକ ଭାରତର ଖାତାରେ ଯୋଡି ହୋଇଛି। ପୁରୁଷ କ୍ଲବ ଥ୍ରୋ F51 ରେ ଭାରତୀୟ ଆଥଲେଟ୍ ଧର୍ମବୀର ଏବଂ ପ୍ରଣବ ସୁରମା ଯଥାକ୍ରମେ ସ୍ୱର୍ଣ୍ଣ ଓ ରୌପ୍ୟ ଜିତିଛନ୍ତି। ଏହା ବ୍ୟତୀତ ହରବିନ୍ଦର ସିଂ ତୀରନ୍ଦାଜରେ ସ୍ୱର୍ଣ୍ଣ ଏବଂ ସଚିନ୍ ସରଜେରାଓ ଖିଲାରୀ ପୁରୁଷ ଶଟପୁଟ F46 ରେ ରୌପ୍ୟ ଜିତିଛନ୍ତି। ପ୍ରଧାନମନ୍ତ୍ରୀ ମୋଦୀ ସମସ୍ତ ପାରା ଆଥଲେଟମାନଙ୍କୁ ଅଭିନନ୍ଦନ ଜଣାଇଛନ୍ତି।
