Close Menu
The Samikhsya OdiaThe Samikhsya Odia
  • ହୋମ
  • ବିଶେଷ ଖବର
  • ରାଜ୍ୟ ଖବର
  • ଜାତୀୟ ଖବର
  • ଆଞ୍ଚଳିକ
  • ସଂସ୍କୃତି
  • ବ୍ୟବସାୟ
  • ଧର୍ମ
  • ଖେଳ
  • ମନୋରଂଜନ
  • ଅନ୍ତରାଷ୍ଟ୍ରୀୟ
  • ଜୀବନ ଶୈଳୀ
Facebook X (Twitter) LinkedIn
  • About Us
  • Contact Details
  • Grievance
  • Privacy Policy
  • Terms Of Use
Facebook X (Twitter) LinkedIn
The Samikhsya OdiaThe Samikhsya Odia
  • ହୋମ
  • ବିଶେଷ ଖବର
  • ରାଜ୍ୟ ଖବର
  • ଜାତୀୟ ଖବର
  • ଆଞ୍ଚଳିକ
  • ସଂସ୍କୃତି
  • ବ୍ୟବସାୟ
  • ଧର୍ମ
  • ଖେଳ
  • ଅନ୍ୟାନ୍ୟ
    • ମନୋରଂଜନ
    • ଅନ୍ତରାଷ୍ଟ୍ରୀୟ
    • ଜୀବନ ଶୈଳୀ
Eng
The Samikhsya OdiaThe Samikhsya Odia
Eng
Home»ଅନ୍ତରାଷ୍ଟ୍ରୀୟ»ଆଇଏଫଏଫଆଇ ୨୦୨୪ର ଗାଲା ପ୍ରିମିୟର୍ସ ଏବଂ ରେଡ୍-କାର୍ପେଟ୍ ପ୍ରସ୍ତୁତ
ଅନ୍ତରାଷ୍ଟ୍ରୀୟ

ଆଇଏଫଏଫଆଇ ୨୦୨୪ର ଗାଲା ପ୍ରିମିୟର୍ସ ଏବଂ ରେଡ୍-କାର୍ପେଟ୍ ପ୍ରସ୍ତୁତ

November 18, 2024No Comments3 Mins Read
Share Facebook Twitter LinkedIn Email WhatsApp Copy Link
IFFI
ଆଇଏଫଏଫଆଇ ୨୦୨୪ର ଗାଲା ପ୍ରିମିୟର୍ସ ଏବଂ ରେଡ୍-କାର୍ପେଟ୍ ପ୍ରସ୍ତୁତ

ନୂଆଦିଲ୍ଲୀ: ଭାରତୀୟ ଅନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବ (ଆଇଏଫଏଫଆଇ)ର ୫୫ତମ ସଂସ୍କରଣ ଏହାର ବହୁ ପ୍ରତୀକ୍ଷିତ ଗାଲା ପ୍ରିମିୟର ଏବଂ ରେଡ୍ କାର୍ପେଟ୍ କାର୍ଯ୍ୟକ୍ରମ ସହିତ ଦର୍ଶକଙ୍କୁ ଆକର୍ଷିତ କରିବାକୁ ପ୍ରସ୍ତୁତ। ଏହା ଉତ୍କୃଷ୍ଟ ଚଳଚ୍ଚିତ୍ର କଳା ଅନୁଭୂତି, ବିଶ୍ୱସ୍ତରୀୟ ପ୍ରତିଭାର ପ୍ରଦର୍ଶନ ଏବଂ ଅସାଧାରଣ କାହାଣୀ କହିବାର ଏକ ଚମତ୍କାର ଉତ୍ସବ ହେବାକୁ ଯାଉଛି। ଏହି ଆକର୍ଷଣୀୟ ବିଭାଗର ତୃତୀୟ ସଂସ୍କରଣ ସହିତ, ଆଇଏଫଏଫଆଇ ୨୦୨୪ ଏକ ଅବିସ୍ମରଣୀୟ ଅନୁଭୂତି ପାଇଁ ମଞ୍ଚ ପ୍ରସ୍ତୁତ କରୁଛି। ଏହା ଚଳଚ୍ଚିତ୍ର ଜଗତକୁ ଏହାର ଉତ୍ସାହୀ ଦର୍ଶକଙ୍କ ସହ ଯୋଡ଼ିଥାଏ।

ବିଶ୍ୱ ଏବଂ ଆଞ୍ଚଳିକ ସିନେମାର ଏକ ଭବ୍ୟ କାର୍ଯ୍ୟକ୍ରମ

ଚଳିତ ବର୍ଷର ଗାଲା ପ୍ରିମିୟର ଲାଇନ-ଅପ୍ ଏକ ଉତ୍କୃଷ୍ଟ ଚଳଚ୍ଚିତ୍ର ଅନୁଭୂତି ପାଇଁ ପ୍ରତିଶ୍ରୁତି ଦେଇଛି। ଏଥିରେ ଚଳଚ୍ଚିତ୍ର, ୱେବ୍ ସିରିଜ୍ ଏବଂ ପ୍ରାମାଣିକ ଚଳଚ୍ଚିତ୍ରର ଏକ ଆକର୍ଷଣୀୟ ସଂଗ୍ରହ ରହିଛି।

୨୦୨୪ ଗାଲା ପ୍ରିମିୟର୍ ବିଭିନ୍ନ ଶୈଳୀ, ଭାଷା ଏବଂ ସଂସ୍କୃତିରେ ବ୍ୟାପ୍ତ ହେବ, ଯେଉଁଥିରେ ନଅଟି ବିଶ୍ୱ ପ୍ରିମିୟର୍, ଚାରୋଟି ଏସିଆ ପ୍ରିମିୟର୍, ଗୋଟିଏ ଇଣ୍ଡିଆ ପ୍ରିମିୟର୍ ଏବଂ ଗୋଟିଏ ଏକ୍ସକ୍ଲୁସିଭ୍ ଶୋ’କେସ୍ ରହିବ।

ରୋମାଞ୍ଚକାରୀ ଅପରାଧିକ କାହାଣୀ ଠାରୁ ଆରମ୍ଭ କରି ହୃଦୟସ୍ପର୍ଶୀ ପାରିବାରିକ ନାଟକ ଏବଂ ଚିନ୍ତା ଉଦ୍ରେକକାରୀ ସାମାଜିକ କାହାଣୀ ପର୍ଯ୍ୟନ୍ତ, ଚଳିତ ବର୍ଷର ଲାଇନଅପ୍ ପ୍ରତ୍ୟେକ ସିନେପ୍ରେମୀଙ୍କୁ ଆକର୍ଷିତ କରିବାକୁ ପ୍ରତିଶ୍ରୁତି ଦେଇଛି। ବୈଶ୍ୱିକ ଏବଂ ଆଞ୍ଚଳିକ ଚଳଚ୍ଚିତ୍ରର ପ୍ରକୃତ ସମାବେଶୀ ଉତ୍ସବ ଭାବେ ଆଇଏଫଏଫଆଇ ୨୦୨୪କୁ ସୁଦୃଢ଼ କରି, ହିନ୍ଦୀ, ଇଂରାଜୀ, ମରାଠୀ, ମାଲାୟାଲମ୍ ଏବଂ ତେଲୁଗୁ ସମେତ ବିଭିନ୍ନ ଭାଷାରେ ଏହି ବିଶିଷ୍ଟ କୃତିମାନ ଉପସ୍ଥାପନ କରାଯିବ।

ଉଲ୍ଲେଖନୀୟ ଚଳଚ୍ଚିତ୍ର ଗୁଡ଼ିକ ମଧ୍ୟରେ ରହିଛି – ‘ଦ ପିଆନୋ ଲେସନ୍’, ‘ସାଲି ମୋହବ୍ବତ’, ‘ସ୍ନୋଫ୍ଲାୱାର’, ‘ଜିରୋ ସେ ରିଷ୍ଟାର୍ଟ’, ‘ସାଲି ମୋହବ୍ବତ’, ‘ସ୍ନୋ ଫ୍ଲାୱାର’, ‘ପୁଣେ ହାଇୱେ’, ‘ହଜାର ବାଲା ଶୋଲେ ପହିଲା ମାନୁସ୍’, ‘ଦ ମେହେଟ୍ଟା ବଏଜ୍’, ‘ଜବ ଖୁଲି କିତାବ’, ‘ହିସାବ ବାରାବର’,  ‘ମିସେସ୍ ଫାର୍ମା’, ‘ବିକ୍କଟ କବି’, ‘ହେଡ ହଣ୍ଟିଙ୍ଗ୍ ଟୁ ବିଟବକ୍ସିଙ୍ଗ୍’, ‘ମୋଆନା 2’ ଏବଂ ‘ଦ ରାଣା ଦଗ୍ଗୁବତୀ ଶୋ’। ଏହି ଚଳଚ୍ଚିତ୍ର ଓ ଶୋ’ଗୁଡିକ ସୀମା ଠାରୁ ଊର୍ଦ୍ଧ୍ବକୁ ଯାଇ ନୂତନ କାହାଣୀ ଫର୍ମାଟ୍ ଅନ୍ୱେଷଣ କରିବା ଏବଂ ଅଭିଜ୍ଞତାର ଏକ ସମୃଦ୍ଧ ପରମ୍ପରା ପ୍ରଦାନ କରିବାକୁ ପ୍ରତିଶ୍ରୁତି ଦେଇଥାଏ ଯାହା ଏକତ୍ର ହେବା ଓ ପ୍ରେରଣା ଦେବା ପାଇଁ ସିନେମାର ଶକ୍ତିକୁ ଆଲୋକିତ କରେ।

ତାରକା ଓ ଗ୍ଲାମର ପରିପୂର୍ଣ୍ଣ ରେଡ୍‌ କାର୍ପେଟ୍‌

ଆଇଏଫଏଫଆଇ ୨୦୨୪ର ପରେଡ କାର୍ପେଟରେ ଅନେକ ଚଳଚ୍ଚିତ୍ର ତାରକା ଯୋଗ ଦେବେ ଯେଉଁମାନଙ୍କ ମଧ୍ୟରେ ଅଛନ୍ତି ବିଶିଷ୍ଟ ଚଳଚ୍ଚିତ୍ର ନିର୍ମାତା, ଅଭିନେତା ଏବଂ ଚଳଚ୍ଚିତ୍ର ଦୁନିଆର ବିଶିଷ୍ଟ ବ୍ୟକ୍ତିମାନେ କାର୍ଯ୍ୟକ୍ରମର ଶୋଭା ବର୍ଦ୍ଧନ କରିବେ।

ଚଳଚ୍ଚିତ୍ର କିମ୍ବଦନ୍ତୀ ଓ ଉଦୀୟମାନଙ୍କ ତାରକାଙ୍କୁ ନେଇ ଏହି ଚଳଚ୍ଚିତ୍ର ମହୋତ୍ସବର ସନ୍ଧ୍ୟାରେ ଅନେକ ଚାକଚକ୍ୟ, ଗ୍ଲାମର ଓ ଅବିସ୍ମରଣୀୟ ଅନୁଭୂତି ଦେଖିବାକୁ ମିଳିବ। ରାଣା ଦଗ୍ଗୁବତୀ, ବିଧୁ ବିନୋଦ ଚୋପ୍ରା, ସାନ୍ୟା ମାଲହୋତ୍ରା, ବିକ୍ରାନ୍ତ ମେସୀ, ଆର ମାଧବନ, ଏ. ଆର. ରେହମାନ ଏବଂ ସୌରଭ ଶୁକ୍ଳାଙ୍କ ସମେତ ସମ୍ମାନିତ ବ୍ୟକ୍ତିତ୍ୱମାନେ ରେଡ୍ କାର୍ପେଟରେ ଚାଲିବା ସହ ଚଳଚ୍ଚିତ୍ର ଶିଳ୍ପର ଆଭ୍ୟନ୍ତରୀଣ ଏବଂ ଗଣମାଧ୍ୟମରେ ଯୋଗ ଦେଇ ସିନେମାର ଉତ୍ସବକୁ ପାଳନ କରିବେ।

ଆଇଏଫଏଫଆଇ ୨୦୨୪ର ରେଡ୍ କାର୍ପେଟ୍ ବିଭାଗ ସର୍ବାଧିକ ପ୍ରତୀକ୍ଷିତ କାର୍ଯ୍ୟକ୍ରମ ମଧ୍ୟରୁ ଅନ୍ୟତମ, ଯାହା ପ୍ରଶଂସକମାନଙ୍କୁ ସେମାନଙ୍କ ପ୍ରିୟ ତାରକା ଏବଂ ଚଳଚ୍ଚିତ୍ର ନିର୍ମାତାଙ୍କ ନିକଟତର ହେବାକୁ ଏକ ଅନନ୍ୟ ସୁଯୋଗ ପ୍ରଦାନ କରେ। ଏହା କେବଳ ଉଚ୍ଚ ଫେଶନର ପ୍ରଦର୍ଶନ ନୁହେଁ, ବରଂ ପ୍ରତିଭା, ସୃଜନଶୀଳତା ଏବଂ ସିନେମାର ସାଂସ୍କୃତିକ ଗୁରୁତ୍ୱ ବହନ କରୁଥିବା ଏକ ଉତ୍ସବ।

ଉତ୍କର୍ଷ ଓ ଗ୍ଲାମରର ଏକ ପରମ୍ପରା

ବର୍ଷ ବର୍ଷ ଧରି, ଗାଲା ପ୍ରିମିୟର୍ ଆଇଏଫଏଫଆଇର ପରମ୍ପରାର ଏକ ପରିଚୟ ପାଲଟି ଯାଇଛି, ଯେଉଁଥିରେ ଚଳଚ୍ଚିତ୍ର ଜଗତକୁ ପରିଭାଷିତ କରୁଥିବା କଳାତ୍ମକତା ଏବଂ ପ୍ରତିଭାକୁ ପାଳନ କରିବା ସହିତ ଚଳଚ୍ଚିତ୍ରର ଉତ୍କୃଷ୍ଟ କୃତି ପ୍ରଦର୍ଶିତ ହୋଇଛି।

ଏହାର ପୂର୍ବ ସଂସ୍କରଣରେ, ଗାଲା ପ୍ରିମିୟର୍ସ ବିଭାଗ ଆଇଏଫଏଫଆଇକୁ ଏକ ପ୍ରମୁଖ ବିଶ୍ୱ ଚଳଚ୍ଚିତ୍ର ମହୋତ୍ସବ ଭାବରେ ଉନ୍ନୀତ କରିବାରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛି। ଅତୀତ ଗାଲା ପ୍ରିମିୟରରେ ଦୃଶ୍ୟମ୍ ୨, ଭେଡ଼ିୟା, କଡ଼କ୍ ସିଂ, ଗାନ୍ଧୀ ଟକ୍ସ ଏବଂ ଆନ୍ତର୍ଜାତୀୟ ସିରିଜ୍ ଫାଉଡା (ସିଜନ୍ 4) ପରି ଶୋ’ ସମାଲୋଚକଙ୍କ ଦ୍ୱାରା ପ୍ରଶଂସିତ ଚଳଚ୍ଚିତ୍ର ପ୍ରଦର୍ଶିତ ହୋଇଛି। ରେଡ୍ କାର୍ପେଟରେ ସଲମାନ ଖାନ, ଅଜୟ ଦେବଗନ୍, ନୱାଜୁଦ୍ଦିନ୍ ସିଦ୍ଦିକି, ବରୁଣ ଧାୱନ, ବିଜୟ ସେତୁପତି, ଅଦିତି ରାଓ ହାଇଦରି ଏବଂ ଆହୁରି ଅନେକ ପ୍ରସିଦ୍ଧ ଅଭିନେତା ଭାଗ ନେଇଛନ୍ତି।

ଅବିସ୍ମରଣୀୟ ଚଳଚ୍ଚିତ୍ର ମହୋତ୍ସବ ଅନୁଭୂତି

ବିଶ୍ୱସ୍ତରୀୟ ଚଳଚ୍ଚିତ୍ର, ତାରକା ଖଚିତ ରେଡ୍‌ କାର୍ପେଟ୍‌ ଏବଂ ଦର୍ଶକଙ୍କ ପାଇଁ ସିନେମାର ଯାଦୁକରୀ ଅନୁଭୂତି ସହ ଜଡ଼ିତ ହେବା ପାଇଁ ଏକ ଅନନ୍ୟ ସୁଯୋଗ ସହିତ 55ତମ ଆଇଏଫଏଫଆଇ ସିନେପ୍ରେମୀମାନଙ୍କୁ କାହାଣୀ, ଗ୍ଲାମରସ୍ ଏବଂ ସାଂସ୍କୃତିକ ଉତ୍ସବର ଏକ ମନ୍ତ୍ରମୁଗ୍ଧ ଯାତ୍ରାରେ ନିଜକୁ ନିମଜ୍ଜିତ କରିବାକୁ ଆମନ୍ତ୍ରଣ କରେ ଯାହା ଏହାକୁ ଅନ୍ୟ ଉତ୍ସବ ଠାରୁ ଭିନ୍ନ କରିଥାଏ।  ଏହା ସହିତ, ଆଇଏଫଏଫଆଇ ୨୦୨୪ ଏକ ଅତୁଳନୀୟ ଅଭିଜ୍ଞତା ପ୍ରଦାନ କରିବାକୁ ଲକ୍ଷ୍ୟ ରଖିଛି ଯାହା ସର୍ବୋତ୍ତମ ବିଶ୍ୱ ତଥା ଆଞ୍ଚଳିକ ପ୍ରତିଭାକୁ ଏକାଠି କରିଥାଏ।

iffi ଆନ୍ତର୍ଜାତୀୟ ଚଳଚିତ୍ର ଉତ୍ସବ ଭାରତ ଚଳଚିତ୍ର ଉତ୍ସବ ଭାରତୀୟ ଅନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବ
Share. Facebook Twitter LinkedIn Email WhatsApp Copy Link

Related Posts

କାହା ପାଇଁ ଆଜିର ଦିନଟି ସୁଖ ଆଣିବ, କାହାର ବିଗିଡିବ ସ୍ୱାସ୍ଥ୍ୟ: ପଢନ୍ତୁ ମଙ୍ଗଳବାର ରାଶିଫଳ

August 5, 2025

ଗୋଦାବରୀଶ ମିଶ୍ର ଆଦର୍ଶ ପ୍ରାଥମିକ ବିଦ୍ୟାଳୟ କାର୍ଯ୍ୟକ୍ରମ ସମୀକ୍ଷା: ପ୍ରଥମ ପର୍ଯ୍ୟାୟରେ ନିର୍ମାଣ ହେବ ୮୩୫ ସ୍କୁଲ

August 5, 2025

ଜୀ ସାର୍ଥକରେ ଅଗଷ୍ଟ ୧୦ ସନ୍ଧ୍ୟା ୬.୩୦ରେ ଦେଖନ୍ତୁ ଓଡ଼ିଆ ଫିଲ୍ମ ‘ପାରି କରିବେ ଭୋଳାଶଙ୍କର ୪’

August 4, 2025

ଓଭାଲ ଟେଷ୍ଟରେ ଭାରତର ଚମତ୍କାର ବିଜୟ ପରେ କାହିଁକି କ୍ଷମା ମାଗିଲେ କଂଗ୍ରେସ ସାଂସଦ ଶଶି ଥରୁର?

August 4, 2025
Latest News

କାହା ପାଇଁ ଆଜିର ଦିନଟି ସୁଖ ଆଣିବ, କାହାର ବିଗିଡିବ ସ୍ୱାସ୍ଥ୍ୟ: ପଢନ୍ତୁ ମଙ୍ଗଳବାର ରାଶିଫଳ

August 5, 2025

ଗୋଦାବରୀଶ ମିଶ୍ର ଆଦର୍ଶ ପ୍ରାଥମିକ ବିଦ୍ୟାଳୟ କାର୍ଯ୍ୟକ୍ରମ ସମୀକ୍ଷା: ପ୍ରଥମ ପର୍ଯ୍ୟାୟରେ ନିର୍ମାଣ ହେବ ୮୩୫ ସ୍କୁଲ

August 5, 2025

ଜୀ ସାର୍ଥକରେ ଅଗଷ୍ଟ ୧୦ ସନ୍ଧ୍ୟା ୬.୩୦ରେ ଦେଖନ୍ତୁ ଓଡ଼ିଆ ଫିଲ୍ମ ‘ପାରି କରିବେ ଭୋଳାଶଙ୍କର ୪’

August 4, 2025

୩୩ ସିଭିଲ ଜଜଙ୍କୁ ଶପଥ ପାଠ କରାଇଲେ ଓଡିଶା ହାଇକୋର୍ଟର ମୁଖ୍ୟ ବିଚାରପତି

August 4, 2025

ଖୋର୍ଦ୍ଧା: ଜିଲ୍ଲା ସ୍ତରୀୟ ମିଳିତ ଅଭିଯୋଗ ଶୁଣାଣି ଅନୁଷ୍ଠିତ

August 4, 2025
Load More
The Samikhsya Odia
Facebook X (Twitter) LinkedIn
  • About Us
  • Contact Details
  • Grievance
  • Privacy Policy
  • Terms Of Use

Chief Editor: Sarat Paikray

© 2018-2025 All rights resorved by S M Network | Designed by Ratna Technology.

Type above and press Enter to search. Press Esc to cancel.