ନୂଆଦିଲ୍ଲୀ: ମାଞ୍ଚେଷ୍ଟରରେ ଟେଷ୍ଟରେ ଟିମ୍ ଇଣ୍ଡିଆର ବାମହାତୀ ବ୍ୟାଟସମ୍ୟାନ ଏପରି ଏକ କୃତିତ୍ୱ ହାସଲ କରିଛନ୍ତି, ଯାହା ଟେଷ୍ଟ କ୍ରିକେଟ ଇତିହାସରେ ପୂର୍ବରୁ କେବେ ହୋଇନଥିଲା। ରବିନ୍ଦ୍ର ଜାଡେଜା, ୱାଶିଂଟନ ସୁନ୍ଦର, ସାଇ ସୁଦର୍ଶନ, ରିଷଭ ପନ୍ତ ଏବଂ ଯଶସ୍ୱୀ ଜୟସୱାଲ, ଏହି ପାଞ୍ଚ ଜଣ ‘ବାମହାତୀ’ ବ୍ୟାଟସମ୍ୟାନ ଇଂଲଣ୍ଡ ବିପକ୍ଷରେ ସମାନ ଟେଷ୍ଟରେ ଅର୍ଦ୍ଧଶତକ କିମ୍ବା ତା’ଠାରୁ ଅଧିକ ସ୍କୋର କରି ଏକ ନୂତନ ରେକର୍ଡ ସୃଷ୍ଟି କରିଥିଲେଛନ୍ତି।
ଏହି ଐତିହାସିକ ଟେଷ୍ଟର ପ୍ରଥମ ଦିନରେ ଭାରତ ପ୍ରଥମ ଇନିଂସରେ ୩୧୧ ରନ ପଛରେ ଥିଲା। ଭାରତୀୟ ଦଳ ସଙ୍କଟକାଳୀନ ସ୍ଥିତିରେ ଥିଲା ଏବଂ ପରାଜୟର ଦ୍ୱାରଦେଶରେ ଥିଲା, କିନ୍ତୁ ବାମହାତୀ ବ୍ୟାଟସମ୍ୟାନମାନେ ପ୍ରଥମେ ଧର୍ଯ୍ୟ ଏବଂ ପରେ ଆକ୍ରମଣ ଦେଖାଇ କେବଳ ମ୍ୟାଚ୍ ରକ୍ଷା କରିନଥିଲେ, ବରଂ ଇଂଲଣ୍ଡକୁ ସମ୍ପୂର୍ଣ୍ଣ ବ୍ୟାକଫୁଟରେ ଠେଲି ଦେଇଥିଲେ।
ପ୍ରଥମ ଇନିଂସରେ ତିନି ଜଣ ‘ବାମହାତୀ’ ବ୍ୟାଟସମ୍ୟାନ ଚମକିଥିଲେ
ଯଶଶ୍ୱୀ ଜୟସୱାଲ ୧୦୭ ବଲ୍ ରେ ୧୦ ଚୌକା ଏବଂ ଗୋଟିଏ ଛକା ସହାୟତାରେ ୫୮ ରନର ଅବଦାନ ଦେଇଥିଲେ।
ସାଇ ସୁଦର୍ଶନ ୧୫୧ ବଲ୍ରେ ୭ଟି ଚୌକା ସହାୟତାରେ ୬୧ ରନ୍ର ଏକ ମଜବୁତ ଇନିଂସ ଖେଳିଥିଲେ।
ରିଷଭ ପନ୍ତଙ୍କ ଆଙ୍ଗୁଠି ଭାଙ୍ଗିବା ସତ୍ତ୍ୱେ ୭୫ ବଲ୍ରେ ୫୪ ରନ୍ର ଏକ ଲଢ଼ୁଆ ଇନିଂସ ଖେଳିଥିଲେ।
ଦ୍ୱିତୀୟ ଇନିଂସରେ ଦୁଇଟି ଶତକୀୟ ପାଳି:
ରବୀନ୍ଦ୍ର ଜାଡେଜା ୧୮୫ ବଲ୍ରେ ଅପରାଜିତ ୧୦୭ ରନ୍ କରିଥିଲେ।
ୱାଶିଂଟନ୍ ସୁନ୍ଦର ୨୦୬ ବଲ୍ରେ ଅପରାଜିତ ୧୦୧ ରନ୍ର ଏକ ଚମତ୍କାର ଇନିଂସ ଖେଳିଥିଲେ।
ଏହି ଦୁଇ ଖେଳାଳି ମିଶି ପଞ୍ଚମ ୱିକେଟ୍ ପାଇଁ ୨୦୩ ରନ୍ର ଏକ ଅତୁଟ ଭାଗୀଦାରି କରିଥିଲେ ଏବଂ ମ୍ୟାଚ୍କୁ ଡ୍ର’ କରିଥିଲେ। ଭାରତ ଚତୁର୍ଥ ଏବଂ ପଞ୍ଚମ ଦିନରେ ନିରନ୍ତର ବ୍ୟାଟିଂ କରିଥିଲା ଏବଂ ଶେଷ ଦିନରେ ସମସ୍ତ ତିନୋଟି ଅଧିବେଶନ ଖେଳିଥିଲା।
ଟିମ୍ ଇଣ୍ଡିଆର ପ୍ରତ୍ୟାବର୍ତ୍ତନର କାହାଣୀ
ଅଧିନାୟକ ଶୁଭମନ ଗିଲ୍ (୧୦୩ ରନ୍, ୨୩୮ ବଲ୍) ଏବଂ କେଏଲ୍ ରାହୁଲ (୯୦ ରନ୍, ୨୩୦ ବଲ୍)ଙ୍କ ମଧ୍ୟରେ ତୃତୀୟ ୱିକେଟ୍ ପାଇଁ ୧୮୮ ରନ୍ ର ଦୃଢ଼ ଭାଗୀଦାରୀ ଦ୍ୱାରା ଭାରତର ପ୍ରତ୍ୟାବର୍ତ୍ତନର ମୂଳଦୁଆ ପଡ଼ିଥିଲା, କିନ୍ତୁ ଜାଡେଜା ଏବଂ ସୁନ୍ଦରଙ୍କ ଯୋଡ଼ି କାହାଣୀର ଅନ୍ତ ଘଟାଇଥିଲା। ଏହି ଦୁଇଜଣଙ୍କ ଶତକ ଇଂଲଣ୍ଡର ବିଜୟର ଶେଷ ଆଶାକୁ ମଧ୍ୟ ଶେଷ କରିଦେଲା।
ଇତିହାସରେ ଏହା ପ୍ରଥମ ଥର ପାଇଁ ଘଟିଛି
ପାଞ୍ଚ ଜଣ ବାମହାତୀ ବ୍ୟାଟ୍ସମ୍ୟାନ ଗୋଟିଏ ଟେଷ୍ଟ ମ୍ୟାଚ୍ ରେ ଅର୍ଦ୍ଧଶତକ କିମ୍ବା ତା’ଠାରୁ ଅଧିକ ସ୍କୋର କରିଛନ୍ତି, ଏହା ଭାରତୀୟ ଟେଷ୍ଟ ଇତିହାସରେ ଏହା ପ୍ରଥମ ଥର।
ବର୍ତ୍ତମାନ ଭାରତ ସିରିଜରେ ୧-୨ ପଛରେ ଅଛି, କିନ୍ତୁ ପଞ୍ଚମ ଟେଷ୍ଟ ଜୁଲାଇ ୩୧ ତାରିଖରେ ଆରମ୍ଭ ହେବାକୁ ଯାଉଛି ଏବଂ ଏଥିରେ ଭାରତ ସିରିଜ୍ ସମାନ କରିବାର ସୁଯୋଗ ପାଇବ।