ନୂଆଦିଲ୍ଲୀ: କାନାଡାର ଟୋରଣ୍ଟୋ ବିଶ୍ୱବିଦ୍ୟାଳୟର ସ୍କାରବୋରୋ କ୍ୟାମ୍ପସ ନିକଟରେ ଗୁଳିରେ ଜଣେ ଭାରତୀୟ ଛାତ୍ର ପ୍ରାଣ ହରାଇଛନ୍ତି। ଭାରତୀୟ ଦୂତାବାସ ଏନେଇ ଗୁରୁବାର (ଡିସେମ୍ବର ୨୫) ଦିନ ଗଭୀର ଶୋକ ପ୍ରକାଶ କରିଛି। ଟୋରଣ୍ଟୋ ପୋଲିସ ମଙ୍ଗଳବାର ଦିନ କହିଛି ଯେ, ହାଇଲ୍ୟାଣ୍ଡ କ୍ରିକ୍ ଟ୍ରେଲ୍ ଏବଂ ଓଲ୍ଡ କିଙ୍ଗଷ୍ଟନ୍ ରୋଡ୍ ଅଞ୍ଚଳରେ ଘଟିଥିବା ଗୁଳିବିନିମୟରେ ଶିବାଙ୍କ ଅବସ୍ଥି ନାମକ ଜଣେ ଭାରତୀୟ ଛାତ୍ରଙ୍କ ମୃତ୍ୟୁ ହୋଇଛି।
ହିମାଂଶୀ ଖୁରାନାଙ୍କୁ ପୂର୍ବରୁ ହତ୍ୟା କରାଯାଇଥିଲା
ଟୋରଣ୍ଟୋ ପୋଲିସ ପୂର୍ବରୁ କହିଥିଲା ଯେ, ସହରରେ ଜଣେ ୩୦ ବର୍ଷୀୟ ଭାରତୀୟ ବଂଶୋଦ୍ଭବ ମହିଳା ମୃତ ଅବସ୍ଥାରେ ମିଳିଥିଲେ, ଯାହା ପରେ ସେମାନେ ପୀଡିତାଙ୍କ ପରିଚିତ ବୋଲି ବିଶ୍ୱାସ କରାଯାଉଥିବା ଜଣେ ସନ୍ଦିଗ୍ଧ ବ୍ୟକ୍ତିଙ୍କ ପାଇଁ କାନାଡା ବ୍ୟାପୀ ଗିରଫ ପରୱାନା ଜାରି କରିଥିଲେ। ମୃତକଙ୍କ ନାମ ହିମାଂଶୀ ଖୁରାନା, ଜଣେ ଟୋରଣ୍ଟୋ ନିବାସୀ। ପୋଲିସ ମୁତାବକ, ଅଭିଯୁକ୍ତ ଅବଦୁଲ ଘଫୁରିଙ୍କୁ ଧରିବା ପାଇଁ ପୋଲିସ ଜାଲ ବିଛାଇଛି।