ନୂଆଦିଲ୍ଲୀ: କାନାଡା ବିମାନବନ୍ଦରରେ ଜଣେ ଏୟାର ଇଣ୍ଡିଆ ପାଇଲଟ୍ ମଦ୍ୟପାନ କରିଥିବାରୁ ତାଙ୍କୁ ଅଟକ ରଖାଯାଇଛି। ଡିସେମ୍ବର ୨୩ ତାରିଖ ୨୦୨୫ରେ ବୈଙ୍କୁୱର-ଦିଲ୍ଲୀ (ଭିଏନା ଦେଇ) ଉଡ଼ାଣ ସମୟରେ ନୂଆ ବର୍ଷ ପାଳନ କରିବା ଏୟାର ଇଣ୍ଡିଆର ପାଇଲଟ୍ ପାଇଁ ମହଙ୍ଗା ସାବ୍ୟସ୍ତ ହୋଇଛି। ତାଙ୍କ ମୁହଁରୁ ମଦ୍ୟପାନର ଗନ୍ଧ ଆସିବା ପରେ ତାଙ୍କୁ ଅଟକ ରଖାଯାଇଛି।
ଗଣମାଧ୍ୟମ ରିପୋର୍ଟ ଅନୁଯାୟୀ, ବୈଙ୍କୁୱରର ଏକ ଡ୍ୟୁଟି-ଫ୍ରି ଷ୍ଟୋରର ଜଣେ କର୍ମଚାରୀ ପାଇଲଟ୍ ମଦ୍ୟପାନ କରୁଥିବା ଦେଖିଥିଲେ। ଦାବି କରାଯାଉଛି ଯେ, ପାଇଲଟ୍ ମଦ ବୋତଲ କିଣିବା ସମୟରେ ତାଙ୍କ ମୁହଁରୁ ମଦର ଗନ୍ଧ ଆସିଥିଲା। କର୍ମଚାରୀ ତୁରନ୍ତ କାନାଡିୟ କର୍ତ୍ତୃପକ୍ଷଙ୍କୁ ପାଇଲଟ୍ ବିଷୟରେ ଖବର ଦେଇଥିଲେ। ଉଡ଼ାଣ ପୂର୍ବରୁ, କାନାଡିୟ ବିମାନବନ୍ଦରର ଅଧିକାରୀମାନେ ପାଇଲଟ୍ଙ୍କ ଫିଟନେସ୍ ବିଷୟରେ ଚିନ୍ତା ପ୍ରକାଶ କରିଥିଲେ। ଯାଞ୍ଚ ସମୟରେ ତାଙ୍କ ଆଚରଣ ବିଷୟରେ ସନ୍ଦେହ ପ୍ରକାଶ ପାଇଥିଲା, ଯାହା ଫଳରେ ତାଙ୍କୁ ଅଧିକ ପଚରାଉଚରା ପାଇଁ ଅଲଗା କରାଯାଇଥିଲା।
ଡିଜିସିଏ ଏହି ଘଟଣାର ତଦନ୍ତ କରୁଛି
ଏୟାର ଇଣ୍ଡିଆ ଏହି ମାମଲାରେ କଡା ପଦକ୍ଷେପ ଗ୍ରହଣ କରୁଛି। କିଛି ଦିନ ପରେ ପାଇଲଟ୍ଙ୍କୁ ଦିଲ୍ଲୀ ଅଣାଯାଇଥିଲା ଏବଂ ତାଙ୍କୁ ପଚରାଉଚରା କରାଯାଉଛି। ସିଭିଲ୍ ଏଭିଏସନ୍ ମହାନିର୍ଦ୍ଦେଶାଳୟ (ଡିଜିସିଏ) କୁ ଘଟଣାର ସୂଚନା ଦିଆଯାଇଛି, ଯାହା ତଦନ୍ତ କରୁଛି। ଏୟାର ଇଣ୍ଡିଆର ମୁତାବକ ସେମାନେ ଏହି ମାମଲାରେ କାନାଡିୟ କର୍ତ୍ତୃପକ୍ଷଙ୍କୁ ପୂର୍ଣ୍ଣ ସହଯୋଗ କରୁଛନ୍ତି। ତଦନ୍ତ ସମାପ୍ତ ନହେବା ପର୍ଯ୍ୟନ୍ତ ସମ୍ପୃକ୍ତ ପାଇଲଟଙ୍କୁ ବିମାନ କାର୍ଯ୍ୟରୁ ହଟାଇ ଦିଆଯାଇଛି।