ପୋଲାଣ୍ଡ : କରୋନା ଭାରଇସ ସାରା ଦୁନିଆରେ ଆତଙ୍କ ଖେଳାଉଥିବାବେଳେ ଇଟାଲୀରେ କରୋନାଙ୍କ ମୃତ୍ୟ ସଂଖ୍ୟା ବେଶ୍ ଦ୍ରୁତ ଗତିରେ ବଢିଚାଲିଛି । ଏହି ମହାମାରୀ ଯୋଗୁଁ ବୟସ୍କ ଅର୍ଥାତ୍ 60ରୁ 80 ବର୍ଷ ବୟସ୍କଙ୍କ ମୃତ୍ୟୁ ବେଶି ଘଟୁଥିବାର ଜଣାପଡିଛି । ତେବେ ପୋଲାଣ୍ଡଠାରେ ଜଣେ 27 ବର୍ଷୀୟ ମହିଳା ଏହି ରୋଗରେ ମୃତ୍ୟୁବରଣ କରିଛନ୍ତି । କରୋନା ଭାଇରସରେ ବିଶ୍ବର ସର୍ବକନିଷ୍ଠ ଭାବେ ଏହି ମହିଳାଙ୍କ ମୃତ୍ୟୁ ହୋଇଛି ବୋଲି ଜଣାପଡିଛି ।
ମହିଳା ଜଣକ ଶିଶୁକୁ ଜନ୍ମ ଦେବା ପରେ ତାଙ୍କର ମୃତ୍ୟୁ ଘଟିଛି । ଆଶ୍ଚର୍ଯ୍ୟର କଥା ମହିଳା ଜଣକ ପୂରାପୂରି ସୁସ୍ଥ ଥିଲେ । ପୋଲାଣ୍ଡରେ ଏବେ ମୃତ୍ୟୁ ସଂଖ୍ୟା 6କୁ ବୃଦ୍ଧି ହୋଇଛି ।
ଏହି ମହିଳାଙ୍କୁ ତାଙ୍କ ମା’ଙ୍କଠାରୁ କରୋନା ସଂକ୍ରମଣ କରିଥିଲା । ତାଙ୍କ ମା’ ନିକଟରେ ଇଟାଲୀରୁ ଫେରିଥିଲେ। ଇଟାଲୀ ଏବେ କରୋନା ମହାମାରୀର କେନ୍ଦ୍ରସ୍ଥଳ ପାଲଟି ଯାଇଛି। ମହିଳା ଜଣକ ନିକଟରେ ଏକ ଶିଶୁକୁ ଜନ୍ମ ଦେଇଥିଲେ । ଏବଂ ସୁସ୍ଥ ଥିଲେ । କିନ୍ତୁ କରୋନ ଆକ୍ରମଣରେ ସେ ଜୀବନ ହାରିଛନ୍ତି । ସେହିପରି ବ୍ରିଟେନ୍ରେ କରୋନା ଭାଇରସ୍ ଯୋଗୁଁ 144 ଜଣଙ୍କର ମୃତ୍ୟୁ ହୋଇଥିବାବେଳେ ତିନିଜହାରରୁ ଅଧିକ ଆକ୍ରାନ୍ତ ହୋଇଥିବାର ଖବର ରହିଛି ।
କରୋନା ଭାଇରସରୁ ବଞ୍ଚିବା ପାଇଁ ଏଠାରେ ସରକାର ବେଶ୍ ସତର୍କତା ଗ୍ରହଣ କରୁଛନ୍ତି । ସାମାଜିକ ଦୂରତ୍ବ ପାଇଁ ଜନସାଧାରଣଙ୍କୁ ନିବେଦନ କରୁଛନ୍ତି । ପୋଲାଣ୍ଡର ସ୍ବାସ୍ଥ୍ୟ ସଚିବ କହିଛନ୍ତି ଯେ, ଲୋକଙ୍କୁ 12 ସପ୍ତାହ ପର୍ଯ୍ୟନ୍ତ ସାମାଜିକ ଦୂରତା ରଖିବା ନିମେନ୍ତ କୁହାଯାଇଛି। ସରକାର କରୋନାକୁ ନେଇ ବହୁତ ଶୀଘ୍ର ନୀତିର ଘୋଷଣା କରିବେ ।
ପୋଲାଣ୍ଡ ସରକାର ପ୍ରାୟ 14 ଲକ୍ଷ ଲୋକଙ୍କୁ ମୋବାଇଲ୍ ମେସେଜ୍ ଓ ପତ୍ର ମାଧ୍ୟମରେ ସନ୍ଦେଶ ଦେଇ ଅଲଗା ରହିବା ଅର୍ଥାତ୍ ସାମାଜିକ ଦୂରତା ରଖିବା ନିମେନ୍ତ ପରାମର୍ଶ ଦେଇଛନ୍ତି । (ଏଜେନ୍ସି)