ଆମେରିକା : ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ଙ୍କ ସାନ ଭାଇ ରର୍ବଟ ଟ୍ରମ୍ପଙ୍କର ମୃତ୍ୟୁ ହୋଇଛି। ଶନିବାର ଦିନ ନ୍ୟୁୟର୍କର ଏକ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ରର୍ବଟଙ୍କର ମୃତ୍ୟୁ ହୋଇଛି । 71 ବର୍ଷୀୟ ରର୍ବଟ ଗୁରୁତର ରହିଥିଲେ । ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ଘଟିଛି । ରାଷ୍ଟ୍ରପତି ଟ୍ରମ୍ପ୍ ଏକ ବୟାନ ଜରିଆରେ ଏହାର ସୂଚନା ଦେଇଛନ୍ତି । ଶୁକ୍ରବାର ଦିନ ରାଷ୍ଟ୍ରପତି ଟ୍ରମ୍ପ୍ ତାଙ୍କ ଭାଇଙ୍କ ସହ ହସ୍ପିଟାଲରେ ସାକ୍ଷାତ କରିଥିଲେ ।
ସେହିପରି ହ୍ବାଇଟ୍ ହାଉସ୍ ତରଫରୁ ଜାରି ହୋଇଥିବା ଏକ ବୟାନରେ ରାଷ୍ଟ୍ରପତି ଟ୍ରମ୍ପ୍ କହିଛନ୍ତି ଯେ, ‘ମୁଁ ବହୁତ ଦୁଃଖ ସହକାରେ ସୂଚନା ଦେଉଛି ଯେ, ମୋ ଭାଇ ରର୍ବଟଙ୍କର ଆଜି ରାତ୍ରିରେ ନିଧନ ହୋଇଯାଇଛି । ସେ କେବଳ ମୋର ଭାଇ ନଥିଲେ, ବରଂ ସେସବୁଠାରୁ ଭଲ ସାଙ୍ଗ ଥିଲେ । ତାଙ୍କ କଥା ବହୁତ ମନେ ପଡିବ।’ ସେ ସର୍ବଦା ହୃଦୟରେ ରହିବେ ବୋଲି କହିଛନ୍ତି ଟ୍ରମ୍ପ୍ । ଇଭାଙ୍କା ଟ୍ରମ୍ପ୍ ମଧ୍ୟ ରର୍ବଟ ଟ୍ରମ୍ପ୍ଙ୍କ ମୃତ୍ୟୁରେ ଏକ ଟୁଇଟ୍ କରି ଶ୍ରଦ୍ଧାଞ୍ଜଳି ଜ୍ଞାପନ କରିଛନ୍ତି ।
ସୂଚନାଯୋଗ୍ୟ, ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ଙ୍କ ଚାରି ଭାଇ ଭଉଣୀଙ୍କ ମଧ୍ୟରେ ରବର୍ଟ ଟ୍ରମ୍ପ୍ ଡୋନାଲ୍ଡ ଟ୍ରମ୍ପ୍ଙ୍କ ବେଶ୍ ନିକଟତର ଥିଲେ । (ଏଜେନ୍ସି)
