ଲିସବନ : ଚାମ୍ପିୟନ୍ସ ଲିଗ୍ ଫାଇନାଲ ପରାଜୟ ପରେ ପିଏସଜି ସମର୍ଥକଙ୍କ ପକ୍ଷରୁ ହିଂସାକାଣ୍ଡ ଘଟାଯାଇଛି । ଏକାଧିକ କାରକୁ ନିଆଁ ଲଗାଇ ଦିଆଯାଇଥିବା ବେଳେ ପୋଲିସ 148 ଜଣଙ୍କୁ ଗିରଫ କରିଛି । ଫ୍ରାନ୍ସର ଚାମ୍ପସ-ଏଲିସରେ ଏହି ହିଂସାକାଣ୍ଡ ଘଟିଛି। ଲିସବନରେ ଅନୁଷ୍ଠିତ ଫାଇନାଲରେ ରବିବାର ଦିନ ବାୟେର୍ନ ମ୍ୟୁନିକ୍ 1-0 ରେ ପିଏସଜିକୁ ପରାସ୍ତ କରିଥିଲା । ପରାଜୟ ପରେ ଷ୍ଟାଡିୟମରେ ସଂଘର୍ଷ ହୋଇଥିଲା ଏବଂ ଚାମ୍ପସ-ଏଲିସରେ ଏହା ହିଂସାକାଣ୍ଡର ରୂପ ନେଇଥିଲା । ପୋଲିସ ସ୍ଥିତି ନିୟନ୍ତ୍ରଣ କରିବାକୁ ଚେଷ୍ଟା କରିଥିଲେ ମଧ୍ୟ ହିଂସାକାଣ୍ଡ ବନ୍ଦ ହୋଇନଥିଲା । ପରେ ପୋଲିସ 148 ଜଣଙ୍କୁ ଗିରଫ କରିଥିବା ଜଣାପଡିଛି ।
