ଉତ୍ତରକୋରିଆ: ଉତ୍ତର କୋରିଆର ଏକଛତ୍ରବାଦ ଶାସକ କିମ୍ ଜୋଙ୍ଗ୍ ଉନ୍ଙ୍କ କାର୍ଯ୍ୟକୁ ନେଇ ସର୍ବଦା ଚର୍ଚ୍ଚା ରହିଛି । ଜୋଙ୍ଗ ଉନ୍ଙ୍କ ଅମାନବୀୟ କାର୍ଯ୍ୟଧାରାକୁ ନେଇ ପୁଣି ଥରେ ଚର୍ଚ୍ଚା ଲାଗି ରହିଛି । ନିକଟରେ ତାଙ୍କ ନୀତିକୁ ସମାଲୋଚନା କରିବା ଯୋଗୁଁ 5 ଜଣ କର୍ମଚାରୀଙ୍କୁ ମୃତ୍ୟୁବରଣ କରିବାକୁ ପଡିଛି । ମିଳିଥିବା ସୂଚନା ଅନୁସାରେ ତାଙ୍କ ଦ୍ବାରା ପ୍ରଣୟନ ହୋଇଥିବା ଆର୍ଥିକ ନୀତିର ସମାଲୋଚନା କରିବାରୁ ଅର୍ଥ ମନ୍ତ୍ରାଳୟର ପାଞ୍ଚ ଜଣ ଅଧିକାରୀଙ୍କୁ ଗୁଳି କରି ହତ୍ୟା କରାଯାଇଛି । ଜୁଲାଇ 30 ତାରିଖରେ ଏହି ଅଧିକାରୀଙ୍କୁ ଗୁଳି କରାଯାଇଥିବାର ସୂଚନା ରହିଛି । ଏକ ରାତ୍ର ଭୋଜନରେ ସେମାନେ କିମ୍ଙ୍କ ନୀତିର କଡ଼ା ସମାଲୋଚନା କରିଥିଲେ। ପରେ ସେମାନଙ୍କୁ ଗିରଫ କରାଯାଇ ଥିଲା। କରୋନା ମହାମାରୀ ସଙ୍କଟ ଯୋଗୁ ଦେଶର ଆର୍ଥିକ ସ୍ଥିତି ଖରାପ ହେବାରେ ଲାଗିଛି।
Tags:
