ଶ୍ରୀନଗର : ପାକିସ୍ତାନ ପକ୍ଷରୁ ଅସ୍ତ୍ରବିରତି ଉଲ୍ଲଂଘନ କରାଯାଇଥିବା ବେଳେ ଜଣେ ଭାରତୀୟ ଯବାନ ଶହୀଦ ହୋଇଛନ୍ତି । ମଙ୍ଗଳବାର ଅପରାହ୍ନରେ ସୁନ୍ଦରବନି ସୀମାରେ ପାକିସ୍ତାନ ପକ୍ଷରୁ ମୋର୍ଟାର ମାଡ କରାଯିବା ସହିତ ଆକ୍ରମଣ କରାଯାଇଥିଲା । ଏଥିରେ ଜଣେ ଯବାନ ପ୍ରାଣ ହରାଇଥିବା ବେଳେ ଜଣେ ମେଜର ଏବଂ ଆଉ ଜଣେ ଯବାନ ଗୁରୁତର ଆହତ ହୋଇଛନ୍ତି । ନିହତ ଯବାନଙ୍କ ନାମ ନାୟକ ଅନୀଶ ଥୋମାସ । ଥୋମାସ କେରଳର କୋଲ୍ଲାମ ଜିଲ୍ଲାର ବାସିନ୍ଦା । ଦୁଇ ଆହତ ଯବାନଙ୍କୁ ସ୍ଥାନୀୟ ମିଲିଟାରୀ ହସ୍ପିଟାଲରେ ଭର୍ତ୍ତି କରାଯାଇଛି । ଗତକାଲି ଜାତୀୟ ଗଣମାଧ୍ୟମରେ ପ୍ରକାଶିତ ଏକ ରିପୋର୍ଟ ଅନୁଯାୟୀ ବିଗତ 17 ବର୍ଷ ମଧ୍ୟରେ ଏହା ପାକିସ୍ତାନ ପକ୍ଷରୁ ସବୁଠାରୁ ବଡ ଅସ୍ତ୍ରବିରତି ଉଲ୍ଲଂଘନ ।
Tags:
