ବ୍ରିଟେନ୍ : କୁହାଯାଏ ପ୍ରେମ ଅନ୍ଧ । ନା ସେ ସମ୍ପର୍କ ଦେଖେ ନା ବୟସ । ଠିକ୍ ଏମିତି କିଛି ଘଟିଛି ବ୍ରିଟେନ୍ରେ । ବ୍ରିଟେନର ଜଣେ ବ୍ୟକ୍ତି ନିଜ ଝିଅର ପ୍ରେମିକକୁ ଭଲ ପାଇ ବିବାହ କରିବାକୁ ଯାଉଛନ୍ତି । ବ୍ରିଟେନ୍ରେ ଗେ ପିତା ରୂପେ ବର୍ରି ଡ୍ରିବେର୍ଟ୍ ଚର୍ଚ୍ଚା ରହିଥିଲେ । ନିକଟରେ ସେ ସରୋଗେସି ଜରିଆରେ ନିଜ ଝିଅକୁ ଦୁନିଆକୁ ଆଣିଛନ୍ତି । ତେବେ ବର୍ରିଙ୍କ ନବଜାତ କନ୍ୟାଙ୍କ ସ୍ବାସ୍ଥ୍ୟାବସ୍ଥା ଦୁର୍ବଳ ଥିବାବେଳେ ଏବେ ସେ ସୁସ୍ଥ ଅଛନ୍ତି । ନିଜ ଝିଅର ଜନ୍ମ ପରେ ନିଜ ବିବାହ ସମ୍ପର୍କରେ ଘୋଷଣା କରିଛନ୍ତି ବର୍ରି । ନିଜ ପାର୍ଟନର୍ ସ୍କଟ୍ ହଟଚିସନ୍ଙ୍କୁ ବିବାହ କରିବାକୁ ନେଇ ଘୋଷଣା କରିଛନ୍ତି ବର୍ରି । ତେବେ ସବୁଠୁ ଆଶ୍ଚର୍ଯ୍ୟର କଥା ହେଉଛି ଯେ ସ୍କର୍ଟ ବର୍ରିଙ୍କ ଝିଅଙ୍କୁ ମଧ୍ୟ ଡେଟ୍ କରି ସାରିଛନ୍ତି । ବିଜିନେସ୍ ଟାଇକୁନ୍ ବର୍ରି ନିଜ ଝିଅର ଏକ୍ସଙ୍କୁ ବିବାହ କରିବାକୁ ଯାଉଛନ୍ତି । ପୂର୍ବରୁ ନିଜ ଝିଅ ଜନ୍ମକୁ ନେଇ ଚର୍ଚ୍ଚାରେ ରହିଥିବା ବର୍ରି ସରୋଗେଟ୍ ମଦର ପାଇଁ ଖର୍ଚ୍ଚ କରିଥିବା ରାଶି ପାଇଁ ମଧ୍ୟ ସମସ୍ତଙ୍କ ଧ୍ୟାନର କେନ୍ଦ୍ରବିନ୍ଦୁ ପାଲଟିଥିଲେ । ସେ ସରେଗେସି ମଦର ପାଇଁ ପ୍ରାୟ 78 ଲକ୍ଷ ଖର୍ଚ୍ଚ କରିଥିଲେ ।
ବ୍ରିଟେନ୍ର ପ୍ରଥମ ଗେ ପିତା ବର୍ରି ପୁନଃ ପିତା ହୋଇଛନ୍ତି । 50 ବର୍ଷୀୟ ବର୍ରି ନିଜଠାରୁ ଅଧା ବୟସର 25 ବର୍ଷୀୟ ସ୍କର୍ଟ୍ଙ୍କୁ ବିବାହ କରିବାକୁ ଯାଉଛନ୍ତି । ସ୍କର୍ଟ ବର୍ରିଙ୍କ ବଡ ଝିଅ ସୈଫରନ୍ଙ୍କୁ ଡେଟ୍ କରି ସାରିଛନ୍ତି । ପୂର୍ବରୁ ବର୍ରି ଟୋନି ନାମକ ଜଣେ ବ୍ୟକ୍ତିଙ୍କୁ ବିବାହ କରିଥିଲେ କିନ୍ତୁ ଦୁହିଁଙ୍କ ତଲାକ୍ ହୋଇଯାଇଛି । ତଲାକ୍ ପରେ ବି ଟୋନି ବର୍ରିଙ୍କ ସହିତ ରହୁଛନ୍ତି । ଆସନ୍ତା ବର୍ଷ ବର୍ରି ସ୍କଟ୍କୁ ବିବାହ କରିବେ । ଏହି ବିବାହ କୁ ଗ୍ରାଣ୍ଡ କରିବାକୁ ଯୋଜନା କରିଛନ୍ତି ଦୁହେଁ । ତେବେ ଆଶ୍ଚର୍ଯ୍ୟର କଥା ହେଉଛି ଗୋଟିଏ ଘରେ ବର୍ରି ତାଙ୍କ ଝିଅ, ତାଙ୍କ ଏକ୍ସ ଓ ସ୍କଟ୍ ଓ ତାଙ୍କ ଏକ୍ସ ମିଶିକରି ରହୁଛନ୍ତି । ସମେସ୍ତ ସମସ୍ତଙ୍କୁ ନେଇ ବେଶ୍ ଖୁସି ରହିଥିବାର ଜଣାଯାଇଛି । (ଏଜେନ୍ସି)