ସ୍ପେନ : ଦୁନିଆରେ ବହୁତ କିଛି ଅଜବ ଜିନିଷ ରହିଥାଏ, ଯାହାକୁ ଜାଣିଲେ ଆମକୁ ଆଶ୍ଚର୍ଯ୍ୟ ଲାଗିଥାଏ । ଆସନ୍ତୁ ଜାଣିବା ଏକ ଅଜବ ରେଷ୍ଟୁରାଣ୍ଟ ବିଷୟରେ । ଯେଉଁଠାରେ ଖାଦ୍ୟ ଖାଇଲେ ଭୟରେ ଥରିଯିବେ । ଏହି ରେଷ୍ଟୁରାଣ୍ଟରେ ଖାଦ୍ୟ ପରିବେଷଣ କୌଣସି ମନୁଷ୍ୟ ନୁହେଁ ବରଂ ଭୂତମାନେ କରିଥା’ନ୍ତି । ଏହି ରେଷ୍ଟୁରାଣ୍ଟରେ ଅତିଥିମାନଙ୍କୁ ସ୍ବାଗତ ରକ୍ତରେ ଜୁଡୁବୁଡ ଛୁରୀ ଦ୍ବାରା କରାଯାଇଥାଏ । ଏହି ପରି ଏକ ରେଷ୍ଟୁରାଣ୍ଟ ସ୍ପେନ୍ ଲା ମାସିଆ ଏଙ୍କାଟେଣ୍ଡାରେ ରହିଛି । ଐତିହାସିକ ବସ୍ତୁ ଦ୍ବାରା ପ୍ରେରିତ ଏହି ରେଷ୍ଟୁରାଲ୍ରେ କନସ୍ପେଟ । ତେବେ ଏଠାରେ କୌଣସି ଅସଲି ଭୂତ ନାହାନ୍ତି ବରଂ ଏଠାକାର କର୍ମଚାରୀମାନେ ନିଜକୁ ଭୂତ ବେଶରେ ସଜ୍ଜାଇ ଥା’ନ୍ତି । ଲୋକଙ୍କୁ ହରର୍ର ପୂରା ତ୍ଡକା ଦେବା ପାଇଁ ଏଠାରେ ସମସ୍ତ ପ୍ରକାରର ବ୍ୟବସ୍ଥାକରାଯାଇଥାଏ । 17ଶତାବ୍ଦୀରେ ଜୋସେଫ୍ ମା ରିଏସ୍ ମାସିଆ ଓ ସୁରୋକା ନେ ମାସିଆ ସେଣ୍ଟା ରୋଜା ନିର୍ମାଣ କରିଥିଲେ । ଏହାପରେ ଏହି ସମ୍ପତ୍ତିକୁ ନେଇ ପାରିବାରିକ ବିବାଦ ଦେଖାଦେଇଥିଲା । ବିବାଦକୁ ଦେଖି ରିଏସ ଓ ସୁରେକା କଏନ୍ ଜରିଆରେ ନିଜର ଭାଗ୍ୟପରୀକ୍ଷା କରିଥିଲେ । ଏଥିରେ ରିଏସ୍ ହାରିଯାଇଥିଲେ । ଏହାପରେ ଦୁହେଁ ଏହି ଘରକୁ ଛାଡି ଦେଇଥିଲେ । ଏହାପରେ ମାସିଆ ସେଣ୍ଟା ରୋଜା ଏକ ଧ୍ବଂସାବଶେଷରେ ପରିଣତ ହେଲା । ପ୍ରାୟ ଦୁଇ ବର୍ଷ ପରେ ଏହି ଧ୍ବଂସାବଶେଷରେ ଏକ କୋଠା ନିର୍ମାଣ ହୋଇଥିଲା । ସୁରେକାଙ୍କ ପରିବାର 1970 ମସିହାରେ ଏଠାରେ ରେଷ୍ଟୁରାଣ୍ଟ ନିର୍ମାଣ କଲେ । ଏହି ରେଷ୍ଟୁରାଣ୍ଟରୁ ଥିମ୍ଭାବେ ଭୂତକୁ ନିଆଯାଇଥିଲା ।
ଏହି ହୋଟେଲ୍ରେ ଓ୍ବେଟର ଭୂତ ବେଶରେ ସଜ୍ଜେଇ ହୋଇ ଅତିଥିଙ୍କୁ ଖାଦ୍ୟ ପରିବେଷଣ ସହ ଆତିଥ୍ୟୟେତା ପ୍ରଦାନ କରିଥା’ନ୍ତି। ଏଠାରେ କେବଳ ତିନି ଘଣ୍ଟାରେ ଖାଦ୍ୟ ପରିବେଶଣ କରାଯାଇଥାଏ । ଏଠାରେ 60ଟି ସିଟ୍ ରହିଛି । ଏହାକୁ ପୂର୍ବରୁ ବୁକିଂ କରିବାକୁ ପଡିଥାଏ । ରେଷ୍ଟୁରାଣ୍ଟ ଭିତରକୁ ଗଲାବେଳେ ରକ୍ତଲଗା ଛୁରୀରେ ସ୍ବାଗତ କରାଯାଇଥାଏ । ଏହାପରେ ଏକ ହରର୍ ଶୋ’ ପ୍ରଦର୍ଶନ କରାଯାଇଥାଏ । ଏହି ରେଷ୍ଟୁରାଣ୍ଟରେ ଭୂତ ଜରିଆରେ ଲୋକଙ୍କୁ ଆନନ୍ଦିତ କରାଇବା ପାଇଁ ଚେଷ୍ଟା ଜାରି ରଖାଯାଇଥାଏ ।