ଇସ୍ରାଏଲ୍ : ଇସ୍ରାଏଲରେ ପୁଣିଥରେ ଦେଖିବାକୁ ମିଳିଛି ରାଜନୈତିକ ସଙ୍କଟ। ପୁଣିଥରେ ଇସ୍ରାଏଲରେ ନିର୍ବାଚନ ହୋଇପାରେ। ଦେଶର ସଂସଦରେ ସଂସଦ ଭାଙ୍ଗିବା ପାଇଁ ବୁଧବାର ଦିନ ପ୍ରାଥମିକ ମତଦାନ ପାରିତ ହୋଇଛି। ଯାହାଫଳରେ ଦେଶବାସୀ ଦୁଇବର୍ଷରେ ଚାରିଥର ନିର୍ବାଚନର ସାମ୍ନା କରି ପାରନ୍ତି। ସେହିପରି ପ୍ରଧାନମନ୍ତ୍ରୀ ବେଞ୍ଜାମିନ୍ ନେତନ୍ୟାହୁଙ୍କ ଆସନ ଟଳମଳ ହୋଇଛି । ଏପରିକି ତାଙ୍କ ଚୌକି ଛାଡିବାର ସମ୍ଭାବନା ବହୁ ଅଧିକ ରହିଛି । 120 ସଦସ୍ୟ ବିଶିଷ୍ଟ ସଂସଦ ଭଙ୍ଗ କରିବା ସପକ୍ଷରେ 61ଟି ମତଦାନ ରହିଛି। ବିପକ୍ଷରେ 54 ଭୋଟ ପଡ଼ିଛି। ଏହି ପ୍ରସ୍ତାବ ସଂସଦରେ ଆଗତ ହେବା ପରେ ଏହି ବିଷୟ ସବୁଠି ଚର୍ଚ୍ଚାର ବିଷୟ ପାଲଟିଛି।
ଗଠବନ୍ଧନର ସହଯୋଗୀ ବେନି ଗାଣ୍ଟଜ୍ ନେତନ୍ୟାହୁଙ୍କ ଉପରେ ପ୍ରତିଶ୍ରୁତି ଭଙ୍ଗର ଆରୋପ ଲଗାଇଛନ୍ତି । ପ୍ରଧାନମନ୍ତ୍ରୀ ବେଞ୍ଜାମିନ୍ ନେତନ୍ୟାହୁଙ୍କ ଉପରେ ଭ୍ରଷ୍ଟାଚାରର ସଙ୍ଗୀତ ଅଭିଯୋଗ ଲଗାଇ ପ୍ରଦର୍ଶନ ମଧ୍ୟ ଚାଲୁ ରହିଛି । ନେତନ୍ୟାହୁ ଲିକୁଡ୍ ପାର୍ଟିର ଅଧ୍ୟକ୍ଷ । ଗାଣ୍ଟଜ୍ ବ୍ଲୁ ଏଣ୍ଡ ଦ୍ବାଇଟ୍ ପାର୍ଟିର ଲିଡର୍ । ମଇ ମାସରେ ଏହି ଦୁଇ ଦଳ ଏକ ସାଧାରଣ କାର୍ଯ୍ୟକ୍ରମ ଜରିଆରେ ସରକାର ନିର୍ମାଣ ପାଇଁ ସହମତି ପ୍ରକାଶ କରିଥିଲେ । ଏହା ଆଧାରରେ ନେତନ୍ୟାହୁ ପ୍ରଥମ 18 ମାସ ପ୍ରଧାନମନ୍ତ୍ରୀ ରହିବା ପାଇଁ ନିଶ୍ଚିତ ହୋଇଥିବାବେଳେ ଆଉ 18 ମାସ ଗାଣ୍ଟଜ୍ ପ୍ରଧାନମନ୍ତ୍ରୀ ରହିବା ନେଇ ସୂଚନା ରହିଥିଲା । ତେବେ ସରକାର ଗଢିବା ପରେ ଦୁଇ ଦଳ ମଧ୍ୟରେ ମତଭେଦ ସାମ୍ନାକୁ ଆସିଥିଲା ।
ସୂଚନାଯୋଗ୍ୟ, ଇସ୍ରାଏଲ୍ରେ ଆଜି ପର୍ଯ୍ୟନ୍ତ ପୂର୍ଣ୍ଣ ବହୁମତ ସରକାର ଗଢିପାରିନାହାନ୍ତି । ନେସେଟ୍ ପ୍ରାଚୀନ ହିବ୍ରୁ ଶବ୍ଦ, ଯାହା ଇଦୁଦୀ ପରମ୍ପରା ଅନୁସାରେ 120 ଋଷି ତଥା ପେଗମ୍ବରଙ୍କ ଏକ ବିଧାନସଭା ଥିଲା । ନେସେଟ ସଦସ୍ୟର କାର୍ଯ୍ୟକାଳ ଚାରି ବର୍ଷର ଥାଏ । ନେସେଟ୍ ଇସ୍ରାଏଲ୍ର ଆଇନ୍ ପ୍ରସ୍ତୁତ କରିଥାନ୍ତି । ଏଥିରେ ମୋଟ୍ 120 ସଦସ୍ୟ ଥାନ୍ତି । (ଏଜେନ୍ସି)