ମୁମ୍ବାଇ: କନ୍ନଡ ଭାଷାରେ ନିର୍ମିତ ଆକ୍ସନ୍ ଡ୍ରାମା K.G.F Chapter2 ଚଳଚିତ୍ରର ଏକ ସ୍ୱତନ୍ତ୍ର ପୋଷ୍ଟର ରିଲିଜ୍ କରାଯାଇଛି। ଏହି ଚଳଚିତ୍ରଟିର ଲେଖକ ଓ ନିର୍ଦ୍ଦେଶକ ହେଉଛନ୍ତି ପ୍ରଶାନ୍ତ ନୀଲ। ହୋମ୍ବଲେ ଫିଲ୍ମସ୍ ଅଧୀନରେ ବିଜୟ କିରାଗାନ୍ଦୁରଙ୍କ ଦ୍ୱାରା ନିର୍ମିତ । ଏଥିରେ ସଞ୍ଜୟ ଦତ୍ତ, ଶ୍ରୀନଦୀ ଶେଟ୍ଟୀ, ରବିନା ଟଣ୍ଡନ୍ ଏବଂ ପ୍ରକାଶ ରାଜଙ୍କ ସହ କନ୍ନଡ ସୁପରଷ୍ଟାର ୟଶ ମୁଖ୍ୟ ଭୂମିକାରେ ଅଭିନୟ କରିଛନ୍ତି।
ଏହାର କାହାଣୀଟି କୋଲାର ଏକ ସୁନା ଖଣି ଜମି ଉପରେ ହୋଇଥିବା ରକ୍ତପାତ ଘଟଣା ଉପରେ ଆଧାରିତ। K.G.F Chapter2 ଏପ୍ରିଲ୍ 14 ତାରିଖରେ କନ୍ନଡ, ତେଲୁଗୁ, ହିନ୍ଦୀରେ IMAX ପରଦାରେ ରିଲିଜ୍ ହେବ। IMAX ର ସ୍ବତନ୍ତ୍ର ପୋଷ୍ଟରରେ ରକିଙ୍କ ଏକ ନିର୍ଦ୍ଦିଷ୍ଟ ବୈଶିଷ୍ଟ୍ୟ ରହିଛି ଯାହା ପୃଷ୍ଠଭୂମିରେ ବିଶୃଙ୍ଖଳା ଏବଂ ଗୁଣ୍ଡରାଜ ସହିତ ଦୁଇ ହାତରେ ଅସ୍ତ୍ରଶସ୍ତ୍ର ସଜ୍ଜିତ ଏକ ଭୟଙ୍କର ଦୃଶ୍ୟ ରହିଛି। ଏହି ପୋଷ୍ଟରରେ ରକି ଯେତେବେଳେ ତାଙ୍କ ଶତ୍ରୁମାନଙ୍କୁ ପ୍ରତିଶୋଧ ନେବା ପାଇଁ ଚିତ୍କାର କରୁଛନ୍ତି ସେହି ସମୟର ଚିନ୍ତାଧାରା ଏଥିରେ ପ୍ରତିଫଳିତ ହୋଇଛି।
K.G.F Chapter2 ରିଲିଜ ସଂପର୍କରେ IMAX ର ଆନ୍ତର୍ଜାତୀୟ ଉନ୍ନୟନ ଏବଂ ବିତରଣ ଉପସଭାପତି ଖ୍ରୀଷ୍ଟୋଫର୍ ଟିଲମ୍ୟାନ୍ କହିଛନ୍ତି ଯେ, “IMAX ଦର୍ଶକଙ୍କୁ ଜୀବନ୍ତ ଅଭିଜ୍ଞତା ପ୍ରଦାନ କରିବ। ଆମେ ନିଶ୍ଚିତ ଯେ IMAX ଅଭିଜ୍ଞତା ଦର୍ଶକଙ୍କୁ ଏହି ଆକର୍ଷଣୀୟ ଚଳଚ୍ଚିତ୍ରର ଏକ ଅଂଶ ହେବା ପାଇଁ ସୁଯୋଗ ପ୍ରଦାନ କରିବ। ଏକ ଶକ୍ତିଶାଳୀ କାହାଣୀ ଉପରେ ଆଧାରିତ ଏହି K.G.F Chapter2 ନିଶ୍ଚିତ ଭାବେ IMAX ରେ ଏକ ଆକର୍ଷଣୀୟ ଭାବେ ପ୍ରଦର୍ଶିତ ହେବ ବୋଲି ଆମେ ଆଶାବାଦୀ ବୋଲି ଟିଲମ୍ୟାନ୍ କହିଛନ୍ତି।
ହୋମ୍ବଲେ ଫିଲ୍ମସର ସହ-ପ୍ରତିଷ୍ଠାତା ଚଲୁଭ୍ ଗୋୱଡା କହିଛନ୍ତି, K.G.F Chapter2ର ରିଲିଜ ତାରିଖ ଘୋଷଣା କରି ଆମେ ଆନନ୍ଦିତ ଏବଂ ଗର୍ବିତ। IMAX ରେ ପ୍ରଦର୍ଶିତ ହେବାକୁ ଥିବା K.G.F Chapter2 ପ୍ରଥମ କନ୍ନଡ ଚଳଚ୍ଚିତ୍ର ହେବାକୁ ଯାଉଛି। ଆମର ପ୍ରଶଂସକମାନଙ୍କୁ ସର୍ବୋତ୍ତମ ଉପଲବ୍ଧ ଟେକ୍ନୋଲୋଜି ସହିତ ମନୋରଞ୍ଜନ ପ୍ରଦାନ କରିବାକୁ ଆମେ IMAX ସହିତ ଆମର ସହଭାଗୀତା କରିଛୁ।
ସେ ଆହୁରି କହିଛନ୍ତି ଯେ, ବର୍ତ୍ତମାନଠାରୁ ପ୍ରଶଂସକଙ୍କ ପ୍ରତିକ୍ରିୟା ଅବିଶ୍ୱସନୀୟ। ସେଥିପାଇଁ ଆମେ ଆମର ବିତରଣ ନେଟୱାର୍କକୁ ସଂପ୍ରସାରଣ କରିବାକୁ ଚେଷ୍ଟା କରିଛୁ। ଏହି ଚଳଚ୍ଚିତ୍ରଟି ବେଶ ଉଚ୍ଚ କୋଟିର ହୋଇଛି। ଆମେ ନିଶ୍ଚିତ ଯେ ଏହି K.G.F Chapter2 ଏକ ଐତିହାସିକ ଚଳଚିତ୍ର ହେବ।
IMAX ସହିତ ଆମର ସହଭାଗୀତା ଆମର ଚିନ୍ତାଧାରା ସହିତ ମେଳ ଖାଉଛି ଏବଂ ଆମେ ଆଶା କରୁଛୁ ଯେ ଏହି ସହଭାଗୀତି ସହିତ ଆମେ ଆମର ପ୍ରଶଂସକମାନଙ୍କ ପାଇଁ ଏକ ବିଶ୍ୱ ସ୍ତରୀୟ ଅଫର୍ ଆଣିବାକୁ ସକ୍ଷମ ହୋଇପାରିବୁ। ଆଗାମୀ ବର୍ଷରେ ଆମର ସହଭାଗିତାକୁ ମଜବୁତ କରିବା ପାଇଁ ଆମେ IMAX ଗ୍ରୁପ ସହିତ ଘନିଷ୍ଠ ଭାବରେ କାର୍ଯ୍ୟ କରିବା ଜାରି ରଖିବୁ ବୋଲି ଗୋୱଡା କହିଛନ୍ତି। ”
K.G.F Chapter2 ଭାରତର ସମସ୍ତ IMAX ପରଦାରେ ମୁକ୍ତିଲାଭ କରିବ। ଏଥିସହିତ ବିଶ୍ବ ବଜାରରେ କେତେକ ନିର୍ଦ୍ଧିଷ୍ଠ IMAX ପରଦାରେ ଏହା ଆସିବ।
