ମୁମ୍ବାଇ: ଜାପାନୀ ଲେଖକ ହାରୁକି ମୁରାକାମି କହିଛନ୍ତି ଯେ, “ଯଦି ଆପଣ କେବଳ ସେହି ବହି ଗୁଡିକ ପଢ଼ୁଛନ୍ତି, ଯାହା ଅନ୍ୟ ସମସ୍ତେ ପଢ଼ୁଛନ୍ତି, ଆପଣ କେବଳ ତାହା ଚିନ୍ତା କରି ପାରିବେ, ଯାହା ଅନ୍ୟମାନେ ଚିନ୍ତା କରୁଛନ୍ତି।” ଯେହେତୁ ଏବେ ଆମେ ଆଇଏଫ୍ଏଫ୍ଆଇ ଭଳି ଫିଲ୍ମ ଉତ୍ସବ ଆରମ୍ଭ କରିବାକୁ ପ୍ରସ୍ତୁତ ହେଉଛୁ, ବୋଧହୁଏ ଏହା ହେଉଛି ସେହି ସମୟ, ଯେତେବେଳେ ଆମେ ନିଜକୁ କହୁଛୁ, କେବଳ ସେହି ଚଳଚ୍ଚିତ୍ର ଦେଖିବା ପାଇଁ ଯାହାକୁ ଅନ୍ୟମାନେ ଦେଖୁଛନ୍ତି, ତେବେ ଆମେ କେବଳ ତାହା ଭାବି ପାରିବା, ସେଭଳି ବଂଚିବା ଏବଂ ଅନୁଭବ କରିପାରିବା ଯାହା ଅନ୍ୟ ସମସ୍ତେ ଅନୁଭବ କରନ୍ତି?
ଆଜ୍ଞା ହଁ, ଆମେ ବିଶ୍ୱାସ କରିଥାଉ ଅନେକ ବୈଶିଷ୍ଟ୍ୟ ଗୁଡିକ ମଧ୍ୟରୁ ଗୋଟିଏ ଯାହା ଚଳଚ୍ଚିତ୍ର ମହୋତ୍ସବକୁ ସ୍ୱତନ୍ତ୍ର କରିଥାଏ, ତାହା ହେଉଛି ସେମାନଙ୍କ ଦ୍ୱାରା ଉପସ୍ଥାପନ କରା ଯାଉଥିବା କଳାତ୍ମକ ଉତ୍କର୍ଷତାର ଚମତ୍କାର ସଂଗ୍ରହ। ବର୍ତ୍ତମାନର ଏହି ୫୩ତମ ସଂସ୍କରଣରେ, ଭାରତୀୟ ଆନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବର ବିଭିନ୍ନ ଲକ୍ଷ୍ୟ ଗୁଡିକ ମଧ୍ୟରୁ ଗୋଟିଏ ଲକ୍ଷ୍ୟ ହେଉଛି – ଉଭୟ ଭାରତୀୟ ତଥା ଆନ୍ତର୍ଜାତୀୟ ସିନେମାର ସର୍ବଶ୍ରେଷ୍ଠ କୃତି ଗୁଡିକ ସହିତ ଭାରତ ତଥା ବିଦେଶର ଦର୍ଶକଙ୍କୁ ପରିଚିତ କରାଇବା।
ତେବେ, ଠିକ୍ ଅଛି। ଏବେ ଯେତେବେଳେ ଆମେ ଚଳଚ୍ଚିତ୍ରର ଉତ୍ସବ ଆରମ୍ଭ କରିବାକୁ ଯାଉଛୁ, ଆମେ ଆପଣ ମାନଙ୍କ ପାଇଁ ମହୋତ୍ସବର ପ୍ୟାଲେଟ୍ ପ୍ରସ୍ତୁତ କରୁଛୁ। ଭାରତୀୟ ସିନେମା ଏବଂ ଆନ୍ତର୍ଜାତୀୟ ସିନେମାର ସୂଚୀ ଉପରେ ନଜର ପକାନ୍ତୁ।
ଆଇଏଫ୍ଏଫ୍ଆଇ ୫୩ ପାଇଁ ଭାରତୀୟ ସିନେମା କାଟାଲଗ୍ (ସୂଚୀ ) ଦେଖିବା ପାଇଁ ଏଠାରେ କ୍ଲିକ୍ କରନ୍ତୁ।
ଏବଂ ଆଇଏଫ୍ଏଫ୍ଆଇ ୫୩ ପାଇଁ ଅନ୍ତର୍ଜାତୀୟ ସିନେମା କାଟାଲଗ୍ (ସୂଚୀ ) ଦେଖିବା ପାଇଁ ଏଠାରେ କ୍ଲିକ୍ କରନ୍ତୁ।
ଆମେ ଆଶା କରୁଛୁ ଯେ, ଏହା ଗୋଆ ଠାରେ ବ୍ୟକ୍ତିଗତ ଭାବରେ ଆଇଏଫ୍ଏଫ୍ଆଇରେ ଯୋଗ ଦେଉଥିବା ସମସ୍ତ ବ୍ୟକ୍ତି ବିଶେଷଙ୍କୁ ଅଧିକରୁ ଅଧିକ ଭଲ ଫିଲ୍ମ ବାଛିବାରେ ସାହାଯ୍ୟ କରିବ। ଏହି ଉତ୍ସବ ଦ୍ୱାରା ଅନୁପ୍ରାଣିତ ହେବା ପାଇଁ ଆପଣଙ୍କର ଇଚ୍ଛା ଉପରେ ଆଧାର କରି ଆପଣଙ୍କ ଉତ୍ସବର ଯୋଜନା କରିବାକୁ ଏବେ ପ୍ରସ୍ତୁତ ହୋଇ ଯାଆନ୍ତୁ।
ଏବଂ ଯଦି ଆପଣ ଗୋଆରେ ବ୍ୟକ୍ତିଗତ ଭାବରେ ଏହି ଉତ୍ସବରେ ଯୋଗ ଦେଉ ନାହାଁନ୍ତି, ଆମେ ଆଶା କରୁଛୁ ଯେ, ଏହି ସୁବିଧା ଆପଣଙ୍କୁ ଶାରୀରିକ ସ୍ତରରେ ନହେଲେ ମଧ୍ୟ, ଅନ୍ତତଃ ମନ, ହୃଦୟ ଏବଂ ପ୍ରାଣରେ ଯୋଗ ଦେବାକୁ ପ୍ରେରଣା ଯୋଗାଇବ।
