ମୁମ୍ବାଇ : ବଲିଉଡ୍ ଠାରୁ ବଜାର ପର୍ଯ୍ୟନ୍ତ ସବୁଠୁ କରୋନାର ଭୟ ଦେଖିବାକୁ ମିଳୁଛି । କରୋନା ଯୋଗୁଁ ଫିଲ୍ମର ରିଲିଜ୍ ଡେଟ୍କୁ ଘୁଞ୍ଚା ଚାଲିଛି । ଏତଦ୍ବ୍ୟତୀତ ବଲିଉଡ୍ର ବହୁ ହସ୍ତୀ ବଡ ବଡ କାର୍ଯ୍ୟକ୍ରମକୁ ମଧ୍ୟ ରଦ୍ଦ କରିଛନ୍ତି। ସେଲିବ୍ରିଟିମାନେ ମଧ୍ୟ ସାଧାରଣ ଜାଗାରେ ମାସ୍କ ଓ ସାନିଟାଇଜର୍ ବ୍ୟବହାର କରୁଛନ୍ତି ।
ବଲିଉଡ୍ ଅଭିନେତ୍ରୀ ପୂଜା ହେଗେଡ୍ ଏବେ ମାସ୍କରେ ନଜର ଆସିଛନ୍ତି । ସଲମାନ ଖାନ୍ଙ୍କ ଅପକମିଙ୍ଗ ଫିଲ୍ମ ‘କଭି ଇଦ୍ କଭି ଦିଓ୍ବାଲୀ’ରେ ନଜର ଆସିବାକୁ ଥିବାବେଳେ ନିକଟରେ ସୁପରଷ୍ଟାର ପ୍ରଭାସଙ୍କ ଫିଲ୍ମରେ ମଧ୍ୟ ନଜର ଆସିବେ । ଆଗାମୀ ଫିଲ୍ମର ଶୁଟିଂ ପାଇଁ ନିକଟରେ ଜର୍ଜ୍ଜିଆ ଗସ୍ତ କରିଛନ୍ତି ପୂଜା ।
ନିଜ ଇନ୍ଷ୍ଟାଗାମ୍ ଆକାଉଣ୍ଟରେ ପୂଜା ଏକ ଫଟୋ ସେୟାର କରିଛନ୍ତି ଯେଉଁଥିରେ ଏୟାରପୋର୍ଟରେ ମାସ୍କ ପିନ୍ଧିଥିବାର ନଜର ଆସିଛନ୍ତି । ପୂଜା ଏହି ଫଟରେ ଲଙ୍ଗ ସିଲ୍ଭ ଟି ସର୍ଟ ସହିତ ହାତରେ ଗ୍ଲୋବ୍ସ ପିନ୍ଧିଛନ୍ତି । କରୋନା ଭାଇସର୍ କବଳରୁ ବର୍ତ୍ତିବା ପାଇଁ ବେଶ୍ ପ୍ରସ୍ତୁତି କରିଛନ୍ତି ପୂଜା । ପୂଜାଙ୍କ ଏହି ଫଟୋଟି ସୋସିଆଲ ମିଡିଆରେ ବେଶ୍ ଭାଇରାଲ୍ ହୋଇଛି । ଫଟୋଟି ପୋଷ୍ଟ ହେବାର କେତୋଟି ମିନିଟ ପରେ 6 ଲକ୍ଷରୁ ଉର୍ଦ୍ଧ୍ବ ଲାଇକ୍ ହୋଇଛି । ଗ୍ଲୋବସ୍ ଓ ମାସ୍କ ରେ ପୂଜାଙ୍କ ଏହି ଫଟୋକୁ ପ୍ରଶଂସକମାନେ ବହୁତ ପ୍ରଶଂସା କରିବା ସହିତ ନିଜ ନିଜର ବିଚାରକୁ କମେଣ୍ଟ୍ସରେ ଲେଖିଛନ୍ତି ।