ନୂଆଦିଲ୍ଲୀ: ମୁଖ୍ୟମନ୍ତ୍ରୀ ପୁଷ୍କର ସିଂ ଧାମିଙ୍କ ଅଧ୍ୟକ୍ଷତାରେ ମୁଖ୍ୟମନ୍ତ୍ରୀଙ୍କ ବାସଭବନରେ ଆୟୋଜିତ କ୍ୟାବିନେଟ ବୈଠକରେ ଉତ୍ତରାଖଣ୍ଡ କ୍ୟାବିନେଟରେ ୟୁସିସି ଡ୍ରାଫ୍ଟକୁ ଅନୁମୋଦନ କରାଯାଇଛି। ବର୍ତ୍ତମାନ ଧାମି ସରକାର ଫେବୃଆରୀ ୬ ରେ ବିଲ୍ ଆକାରରେ ବିଧାନସଭାରେ UCC ଉପସ୍ଥାପନ କରିବେ। ଯଦି ଉତ୍ତରାଖଣ୍ଡରେ UCC ଲାଗୁ ହୁଏ, ତେବେ ଉତ୍ତରାଖଣ୍ଡ ପ୍ରଥମ ରାଜ୍ୟ ହେବ ଯେଉଁଠାରେ ୟୁନିଫର୍ମ ସିଭିଲ୍ କୋଡ୍ (UCC) ଲାଗୁ ହେବ। ନିକଟରେ ଶୁକ୍ରବାର ଦିନ ଉତ୍ତରାଖଣ୍ଡ ସରକାର ଦ୍ଵାରା ଗଠିତ କମିଟି ୟୁନିଫର୍ମ ସିଭିଲ କୋଡ (ୟୁସିସି) ର ଡ୍ରାଫ୍ଟ ମୁଖ୍ୟମନ୍ତ୍ରୀ ପୁଷ୍କର ସିଂ ଧାମିଙ୍କ ନିକଟରେ ଦାଖଲ କରିଛି।
ୟୁସିସି କମିଟିର ଅଧ୍ୟକ୍ଷ ଜଷ୍ଟିସ୍ ରଂଜନ ପ୍ରକାଶ ଦେଶାଇ ୟୁସିସି ଡ୍ରାଫ୍ଟ ସହ ଜଡିତ ୭୪୦ ପୃଷ୍ଠାର ଦଲିଲକୁ ସିଏମ୍ ଧାମିଙ୍କୁ ହସ୍ତାନ୍ତର କରିଥିଲେ। ଉତ୍ତରପ୍ରଦେଶ ବିଧାନସଭାରେ UCC ଉପରେ ବିଲ୍ ପାସ୍ କରିବା ପାଇଁ ଫେବୃଆରୀ ୫ରୁ ୮ ପର୍ଯ୍ୟନ୍ତ ଏକ ଚାରି ଦିନିଆ ସ୍ୱତନ୍ତ୍ର ଅଧିବେଶନ ଡକାଯାଇଛି। UCC ଡ୍ରାଫ୍ଟ ଆନୁଷ୍ଠାନିକ ଭାବେ ସାର୍ବଜନୀନ ହୋଇନାହିଁ କିନ୍ତୁ ଏହା ସମ୍ବନ୍ଧରେ ଅନେକ ତଥ୍ୟ ମଧ୍ୟ ସାମ୍ନାକୁ ଆସିଛି। ଯଦି ଉତ୍ତରାଖଣ୍ଡରେ UCC ଲାଗୁ ହୁଏ, ତେବେ ରାଜ୍ୟରେ ଅନେକ ନିୟମ ବଦଳିଯିବ।
