ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ବାରାଣସୀରେ ୧୩,୦୦୦ କୋଟି ଟଙ୍କାରୁ ଅଧିକ ମୂଲ୍ୟର ଏକାଧିକ ଉନ୍ନୟନ ମୂଳକ ପ୍ରକଳ୍ପର ଉଦଘାଟନ ଏବଂ ଶିଳାନ୍ୟାସ କରିଛନ୍ତି। ପ୍ରଧାନମନ୍ତ୍ରୀ ବାରାଣସୀର କରଖିଆଓଁସ୍ଥିତ ୟୁପିଏସଆଇଡିଏ ଆଗ୍ରୋ ପାର୍କରେ ନିର୍ମିତ ବନାସକଣ୍ଠା ଜିଲ୍ଲା ସମବାୟ ଦୁଗ୍ଧ ଉତ୍ପାଦକ ସଂଘ ଲିମିଟେଡର ଦୁଗ୍ଧ ପ୍ରକ୍ରିୟାକରଣ ୟୁନିଟ୍ ବନାସ କାଶୀ ସଂକୁଳ ପରିଦର୍ଶନ କରିବା ସହ ଗାଈ ହିତାଧିକାରୀଙ୍କ ସହ ଆଲୋଚନା କରିଥିଲେ । ପ୍ରଧାନମନ୍ତ୍ରୀ ମୋଦୀ ନିଯୁକ୍ତି ପତ୍ର ଏବଂ ଜିଆଇ-ଅନୁମୋଦିତ ଉପଭୋକ୍ତା ପ୍ରମାଣପତ୍ର ମଧ୍ୟ ପ୍ରଦାନ କରିଥିଲେ। ସଡ଼କ, ରେଳ, ବିମାନ ଚଳାଚଳ, ପର୍ଯ୍ୟଟନ, ଶିକ୍ଷା, ସ୍ବାସ୍ଥ୍ୟ, ପାନୀୟ ଜଳ, ନଗର ଉନ୍ନୟନ ଓ ପରିମଳ ଭଳି ଗୁରୁତ୍ବପୂର୍ଣ୍ଣ କ୍ଷେତ୍ରକୁ ଆଜିର ବିକାଶ ମୂଳକ ପ୍ରକଳ୍ପ ଗୁଡ଼ିକ ପରିପୂର୍ଣ୍ଣ କରୁଛି ।
ସଭାକୁ ସମ୍ବୋଧିତ କରି ପ୍ରଧାନମନ୍ତ୍ରୀ ପୁଣି ଥରେ କାଶୀରେ ଉପସ୍ଥିତ ଥିବାରୁ କୃତଜ୍ଞତା ଜ୍ଞାପନ କରିବା ସହ ୧୦ ବର୍ଷ ପୂର୍ବେ ସହରର ସାଂସଦ ଭାବେ ନିର୍ବାଚିତ ହୋଇଥିବା କଥା ମନେ ପକାଇଥିଲେ। ସେ କହିଛନ୍ତି ଯେ ଏହି ୧୦ ବର୍ଷ ମଧ୍ୟରେ ବନାରସ ତାଙ୍କୁ ବନାରସୀରେ ପରିଣତ କରିଛି । ଶ୍ରୀ ମୋଦୀ କାଶୀବାସୀଙ୍କ ସମର୍ଥନ ଏବଂ ଅବଦାନକୁ ପ୍ରଶଂସା କରିବା ସହ ଆଜିର ୧୩,୦୦୦ କୋଟି ଟଙ୍କାରୁ ଅଧିକ ମୂଲ୍ୟର ଉନ୍ନୟନ ମୂଳକ ପ୍ରକଳ୍ପ ସହିତ ଏକ ନୂତନ କାଶୀ ସୃଷ୍ଟି ପାଇଁ ଅଭିଯାନ ଚାଲିଛି ବୋଲି କହିଥିଲେ। ରେଳ, ସଡ଼କ, ବିମାନବନ୍ଦର ସମ୍ବନ୍ଧୀୟ ପ୍ରକଳ୍ପ, ପଶୁପାଳନ, ଶିଳ୍ପ, କ୍ରୀଡ଼ା, ଦକ୍ଷତା ବିକାଶ, ସ୍ୱଚ୍ଛତା, ସ୍ୱାସ୍ଥ୍ୟ, ଆଧ୍ୟାତ୍ମିକତା, ପର୍ଯ୍ୟଟନ ଏବଂ ଏଲପିଜି ଗ୍ୟାସ ଆଦି କ୍ଷେତ୍ରର ବିକାଶ ପ୍ରକଳ୍ପ କେବଳ କାଶୀ ନୁହେଁ ବରଂ ସମଗ୍ର ପୂର୍ବାଂଚଳର ବିକାଶକୁ ତ୍ୱରାନ୍ୱିତ କରିବ । ଏହାଦ୍ୱାରା ନୂତନ ନିଯୁକ୍ତି ସୁଯୋଗ ମଧ୍ୟ ସୃଷ୍ଟି ହେବ ବୋଲି ସେ କହିଛନ୍ତି। ପ୍ରଧାନମନ୍ତ୍ରୀ ସନ୍ଥ ରବିଦାସଜୀଙ୍କ ସହ ଜଡ଼ିତ ପ୍ରକଳ୍ପ ବିଷୟରେ ମଧ୍ୟ ଉଲ୍ଲେଖ କରିଥିଲେ ଏବଂ ନାଗରିକମାନଙ୍କୁ ଅଭିନନ୍ଦନ ଜଣାଇଥିଲେ ।
କାଶୀ ଏବଂ ପୂର୍ବ ଉତ୍ତରପ୍ରଦେଶର ବିକାଶ ମୂଳକ ପ୍ରକଳ୍ପ କୁ ନେଇ ଖୁସି ବ୍ୟକ୍ତ କରି ପ୍ରଧାନମନ୍ତ୍ରୀ ଗତକାଲି ରାତିରେ ଗେଷ୍ଟ ହାଉସ ଯିବା ବାଟରେ ତାଙ୍କ ସଡ଼କ ଯାତ୍ରାକୁ ମନେ ପକାଇଥିଲେ ଏବଂ ଫୁଲୱାରିଆ ଫ୍ଲାଏଓଭର ପ୍ରକଳ୍ପର ଲାଭ ବିଷୟରେ ଉଲ୍ଲେଖ କରିଥିଲେ । ସେ ବିଏଲଡବ୍ଲୁରୁ ବିମାନବନ୍ଦର ପର୍ଯ୍ୟନ୍ତ ଯାତ୍ରାରେ ସୁଗମତା ବିଷୟରେ ମଧ୍ୟ ଉଲ୍ଲେଖ କରିଥିଲେ । ପ୍ରଧାନମନ୍ତ୍ରୀ ତାଙ୍କ ଗୁଜରାଟ ଗସ୍ତରୁ ଆସିବା ପରେ ଗତକାଲି ରାତିରେ ଏହି ଉନ୍ନୟନ ପ୍ରକଳ୍ପର ତଦାରଖ କରିଥିଲେ । ବିଗତ ୧୦ ବର୍ଷମଧ୍ୟରେ ବିକାଶର ଅଗ୍ରଗତି ବିଷୟରେ ପ୍ରଧାନମନ୍ତ୍ରୀ କହିଥିଲେ ଯେ ସିଗ୍ରା ସ୍ପୋର୍ଟସ ଷ୍ଟାଡିୟମ ଫେଜ୍ -୧ ଏବଂ ଜିଲ୍ଲା ରାଇଫଲ ସୁଟିଂ ରେଞ୍ଜ ଏହି ଅଞ୍ଚଳର ଯୁବ ଆଥଲେଟମାନଙ୍କୁ ବହୁତ ଉପକୃତ କରିବ ।
ପ୍ରଧାନମନ୍ତ୍ରୀ ବନାସ ଡାଏରୀ ପରିଦର୍ଶନ କରିବା ଏବଂ ଅନେକ ପଶୁପାଳକ ମହିଳାଙ୍କ ସହ ବାର୍ତ୍ତାଳାପ କରିବା ବିଷୟରେ ଉଲ୍ଲେଖ କରିଥିଲେ। ସେ କହିଛନ୍ତି ଯେ କୃଷି ପୃଷ୍ଠଭୂମିର ମହିଳାମାନଙ୍କୁ ସଚେତନତା ସୃଷ୍ଟି କରିବା ପାଇଁ ୨-୩ ବର୍ଷ ପୂର୍ବେ ଦେଶୀ ପ୍ରଜାତିର ଗିର ଗାଇ ଯୋଗାଇ ଦିଆଯାଇଥିଲା। ଗିର୍ ଗାଇମାନଙ୍କ ସଂଖ୍ୟା ଏବେ ପ୍ରାୟ ୩୫୦ରେ ପହଞ୍ଚିଛି ବୋଲି ଉଲ୍ଲେଖ କରି ପ୍ରଧାନମନ୍ତ୍ରୀ ସୂଚନା ଦେଇଛନ୍ତି ଯେ ସେମାନେ ସାଧାରଣ ଗାଈମାନଙ୍କ ଦ୍ୱାରା ଉତ୍ପାଦିତ ୫ ଲିଟର କ୍ଷୀର ତୁଳନାରେ ୧୫ ଲିଟର ପର୍ଯ୍ୟନ୍ତ କ୍ଷୀର ଉତ୍ପାଦନ କରନ୍ତି। ସେ ଆହୁରି ମଧ୍ୟ କହିଛନ୍ତି ଯେ ଏଭଳି ଏକ ଗିର ଗାଇ ୨୦ ଲିଟର କ୍ଷୀର ଉତ୍ପାଦନ କରୁଛି ଯାହା ମହିଳାମାନଙ୍କୁ ଲଖପତି ଦିଦି ତିଆରି କରି ଅତିରିକ୍ତ ରୋଜଗାର ସୃଷ୍ଟି କରୁଛି । ଦେଶର ସ୍ୱୟଂ ସହାୟକ ଗୋଷ୍ଠୀ ସହ ଜଡ଼ିତ ୧୦ କୋଟି ମହିଳାଙ୍କ ପାଇଁ ଏହା ଏକ ବଡ଼ ପ୍ରେରଣା ବୋଲି ସେ କହିଛନ୍ତି।
ଦୁଇ ବର୍ଷ ପୂର୍ବେ ବନାସ ଡାଏରୀର ଶିଳାନ୍ୟାସ କାର୍ଯ୍ୟକ୍ରମକୁ ମନେ ପକାଇ ପ୍ରଧାନମନ୍ତ୍ରୀ କହିଥିଲେ ଯେ ସେହି ଦିନ ଦିଆଯାଇଥିବା ଗ୍ୟାରେଣ୍ଟି ଆଜି ଲୋକଙ୍କ ସାମ୍ନାରେ ରହିଛି । ସଠିକ୍ ନିବେଶ ମାଧ୍ୟମରେ ନିଯୁକ୍ତି ସୃଷ୍ଟିର ଏକ ଉତ୍ତମ ଉଦାହରଣ ହେଉଛି ବନାସ ଡାଏରୀ ବୋଲି ସେ କହିଛନ୍ତି। ବାରଣାସୀ, ମିର୍ଜାପୁର, ଗାଜିପୁର ଏବଂ ରାଏବରେଲିରୁ ବନାସ ଡାଏରୀ ପ୍ରାୟ ୨ ଲକ୍ଷ ଲିଟର କ୍ଷୀର ସଂଗ୍ରହ କରିଥାଏ। ନୂଆ ପ୍ଲାଣ୍ଟ ଆରମ୍ଭ ହେବା ପରେ ବାଲିଆ, ଚାନ୍ଦୌଲି, ପ୍ରୟାଗରାଜ ଓ ଜୌନପୁରର ପଶୁପାଳକମାନେ ମଧ୍ୟ ଉପକୃତ ହେବେ। ଏହି ପ୍ରକଳ୍ପ ଅଧୀନରେ ବାରଣାସୀ, ଜୌନପୁର, ଚାନ୍ଦୌଲି, ଗାଜିପୁର ଏବଂ ଆଜମଗଡ଼ ଜିଲ୍ଲାର ୧୦୦୦ ରୁ ଅଧିକ ଗାଁରେ ନୂତନ ଦୁଗ୍ଧ ମଣ୍ଡି ପ୍ରତିଷ୍ଠା କରାଯିବ।
ବନାସ କାଶୀ ସଂକୁଳ ହଜାର ହଜାର ନୂତନ ନିଯୁକ୍ତି ସୁଯୋଗ ସୃଷ୍ଟି କରିବ ବୋଲି ପ୍ରଧାନମନ୍ତ୍ରୀ ଗୁରୁତ୍ୱାରୋପ କରିଥିଲେ । ଏକ ଆକଳନ ଅନୁଯାୟୀ, ପ୍ରଧାନମନ୍ତ୍ରୀ କହିଥିଲେ, ବନାସ କାଶୀ ସଂକୁଳ ୩ ଲକ୍ଷରୁ ଅଧିକ କୃଷକଙ୍କ ଆୟକୁ ବୃଦ୍ଧି କରିବ । ଏହି ୟୁନିଟ୍ ଅନ୍ୟ ଦୁଗ୍ଧଜାତ ଦ୍ରବ୍ୟ ଯଥା ଛେନା, ଦହି, ଲସ୍ସି, ଆଇସ୍କ୍ରିମ୍, ପନିର ଓ ସ୍ଥାନୀୟ ମିଠା ଉତ୍ପାଦନ କରିବ ବୋଲି ସେ ସୂଚନା ଦେଇଛନ୍ତି। ବନାରସର ମିଠାକୁ ଭାରତର କୋଣ ଅନୁକୋଣରେ ପହଞ୍ଚାଇବାରେ ଏହି ପ୍ଲାଣ୍ଟ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବ ବୋଲି ପ୍ରଧାନମନ୍ତ୍ରୀ ମୋଦୀ ଗୁରୁତ୍ୱାରୋପ କରିଥିଲେ। ଦୁଗ୍ଧ ପରିବହନ କୁ ରୋଜଗାରର ମାଧ୍ୟମ ଏବଂ ପଶୁ ପୋଷଣ ଶିଳ୍ପକୁ ପ୍ରୋତ୍ସାହନ ଦେବା ଉପରେ ମଧ୍ୟ ସେ ଆଲୋକପାତ କରିଥିଲେ।
ଦୁଗ୍ଧ କ୍ଷେତ୍ରରେ ମହିଳାଙ୍କ ପ୍ରାଧାନ୍ୟକୁ ଦୃଷ୍ଟିରେ ରଖି ଡିଜିଟାଲ ମାଧ୍ୟମରେ ପଶୁପାଳକ ଭଉଣୀଙ୍କ ଆକାଉଣ୍ଟକୁ ସିଧାସଳଖ ଟଙ୍କା ଟ୍ରାନ୍ସଫର କରିବାର ବ୍ୟବସ୍ଥା ବିକଶିତ କରିବାକୁ ପ୍ରଧାନମନ୍ତ୍ରୀ ଦୁଗ୍ଧ ବ୍ୟବସାୟୀଙ୍କ ନେତୃତ୍ୱଙ୍କୁ ଅନୁରୋଧ କରିଥିଲେ। କ୍ଷୁଦ୍ର କୃଷକ ଏବଂ ଭୂମିହୀନ ଶ୍ରମିକମାନଙ୍କୁ ସାହାଯ୍ୟ କରିବାରେ ପଶୁପାଳନର ଭୂମିକା ଉପରେ ପ୍ରଧାନମନ୍ତ୍ରୀ ଗୁରୁତ୍ୱାରୋପ କରିଛନ୍ତି ।
ଅନ୍ନଦାତାଙ୍କୁ ଉର୍ଜାଦାତା ଠାରୁ ଉର୍ବରକଦାତା କରିବା ପାଇଁ ସରକାରଙ୍କ ସଂକଳ୍ପକୁ ପ୍ରଧାନମନ୍ତ୍ରୀ ଦୋହରାଇଥିଲେ। ସେ ଗୋବର ଧନରେ ସୁଯୋଗ ବିଷୟରେ ସୂଚନା ଦେଇଥିଲେ ଏବଂ ବାୟୋ ସିଏନଜି ଏବଂ ଜୈବିକ ସାର ତିଆରି ପାଇଁ ଦୁଗ୍ଧ କାରଖାନା ବିଷୟରେ ଆଲୋଚନା କରିଥିଲେ । ଗଙ୍ଗା ନଦୀ କୂଳରେ ପ୍ରାକୃତିକ ଚାଷର ବୃଦ୍ଧି ପାଉଥିବା ଧାରାକୁ ଉଲ୍ଲେଖ କରି ପ୍ରଧାନମନ୍ତ୍ରୀ ଗୋବର ଧନ ଯୋଜନାରେ ଜୈବିକ ସାରର ଉପଯୋଗୀତାକୁ ସ୍ୱୀକାର କରିଥିଲେ । ଏନଟିପିସି ଦ୍ୱାରା କୋଇଲା କାରଖାନାକୁ ସହରାଞ୍ଚଳର ବର୍ଜ୍ୟବସ୍ତୁ ବିଷୟରେ ଉଲ୍ଲେଖ କରି ପ୍ରଧାନମନ୍ତ୍ରୀ କାଶୀର ‘କଚରା’କୁ କାଞ୍ଚନରେ ପରିଣତ କରିବାର ଭାବନାକୁ ପ୍ରଶଂସା କରିଥିଲେ ।
ପ୍ରଧାନମନ୍ତ୍ରୀ କହିଥିଲେ ଯେ କିଷାନ ଏବଂ ପଶୁପାଳକ ହେଉଛି ସରକାରଙ୍କ ସର୍ବୋଚ୍ଚ ପ୍ରାଥମିକତା । ଗତ କ୍ୟାବିନେଟ ବୈଠକରେ ଆଖୁର ଏଫଆରପି ସଂଶୋଧନ କରି କୁଇଣ୍ଟାଲ ପିଛା ୩୪୦ ଟଙ୍କା ଏବଂ ଜାତୀୟ ପଶୁସମ୍ପଦ ମିଶନରେ ସଂଶୋଧନ ସହିତ ପଶୁଧନ ବୀମା କାର୍ଯ୍ୟକ୍ରମକୁ କୋହଳ କରିବା ବିଷୟରେ ସେ ଉଲ୍ଲେଖ କରିଥିଲେ । ସେ କହିଛନ୍ତି ଯେ କେବଳ ଚାଷୀଙ୍କ ବକେୟା ଟଙ୍କା ପ୍ରଦାନ କରାଯାଉନାହିଁ ବରଂ ଫସଲର ମୂଲ୍ୟ ମଧ୍ୟ ବୃଦ୍ଧି କରାଯାଉଛି ।
ପୂର୍ବ ଓ ବର୍ତ୍ତମାନର ସରକାରଙ୍କ ଚିନ୍ତାଧାରା ମଧ୍ୟରେ ଥିବା ପାର୍ଥକ୍ୟ ଉପରେ ଆଲୋକପାତ କରି ପ୍ରଧାନମନ୍ତ୍ରୀ କହିଥିଲେ, “ଆତ୍ମନିର୍ଭର ଭାରତ ବିକଶିତ ଭାରତର ମୂଳଦୁଆ ହେବ” । ଆତ୍ମନିର୍ଭର ଭାରତ ସେତେବେଳେ ବାସ୍ତବରୂପ ନେବ ଯେତେବେଳେ ଦେଶର କ୍ଷୁଦ୍ର ସମ୍ଭାବନାକୁ ପୁନର୍ଜୀବିତ କରାଯିବ ଏବଂ କ୍ଷୁଦ୍ର କୃଷକ, ପଶୁପାଳକ, କାରିଗର ଏବଂ କ୍ଷୁଦ୍ର ଓ ମଧ୍ୟମ ଉଦ୍ୟୋଗକୁ ସହାୟତା ପ୍ରଦାନ କରାଯିବ। ପ୍ରଧାନମନ୍ତ୍ରୀ କହିଥିଲେ ଯେ ଭୋକାଲ୍ ଫର ଲୋକାଲ ପାଇଁ ଆହ୍ୱାନ ବଜାରର କ୍ଷୁଦ୍ର ବ୍ୟବସାୟୀଙ୍କ ପାଇଁ ଏକ ବିଜ୍ଞାପନ ଯେଉଁମାନେ ଟେଲିଭିଜନ ଏବଂ ଖବରକାଗଜ ବିଜ୍ଞାପନରେ ଖର୍ଚ୍ଚ କରିପାରିବେ ନାହିଁ । “ମୋଦୀ ନିଜେ ସ୍ୱଦେଶୀ ସାମଗ୍ରୀ ଉତ୍ପାଦନ କରୁଥିବା ଲୋକଙ୍କ ବିଜ୍ଞାପନ କରନ୍ତି”, ବୋଲି ସେ କହିଥିଲେ, “ମୋଦୀ ପ୍ରତ୍ୟେକ କ୍ଷୁଦ୍ର କୃଷକ ଏବଂ ଶିଳ୍ପର ରାଷ୍ଟ୍ରଦୂତ। ଏହା ଖଦି, ଖେଳନା ଉତ୍ପାଦନକାରୀ, ମେକ୍ ଇନ୍ ଇଣ୍ଡିଆ କିମ୍ବା ଦେଖୋ ଅପନା ଦେଶର ପ୍ରଚାର ପ୍ରସାର ହେଉ ନା କାହିଁକି। ଏଭଳି ଆହ୍ୱାନର ପ୍ରଭାବ କାଶୀରେ ହିଁ ଦେଖିବାକୁ ମିଳୁଛି ଯେଉଁଠାରେ ବିଶ୍ୱନାଥ ଧାମର ପୁନରୁଦ୍ଧାର ପରଠାରୁ ୧୨ କୋଟିରୁ ଅଧିକ ପର୍ଯ୍ୟଟକ ସହର ପରିଦର୍ଶନ କରିଛନ୍ତି ଯାହା ଫଳରେ ରୋଜଗାର ଏବଂ ନିଯୁକ୍ତି ସୁଯୋଗ ବୃଦ୍ଧି ପାଇଛି । ବାରାଣାସୀ ଏବଂ ଅଯୋଧ୍ୟା ପାଇଁ ଭାରତୀୟ ଆଭ୍ୟନ୍ତରୀଣ ଜଳପଥ ପ୍ରାଧିକରଣ (ଆଇଡବ୍ଲ୍ୟୁଏଆଇ) ଦ୍ୱାରା ପ୍ରଦାନ କରାଯାଇଥିବା ଇଲେକ୍ଟ୍ରିକ୍ କାଟାମାରନ୍ ଜାହାଜର ଶୁଭାରମ୍ଭ ବିଷୟରେ ଉଲ୍ଲେଖ କରି ପ୍ରଧାନମନ୍ତ୍ରୀ ମୋଦୀ କହିଥିଲେ ଯେ ଏହା ପରିଦର୍ଶନ କରୁଥିବା ଲୋକଙ୍କ ପାଇଁ ଏକ ଅନନ୍ୟ ଅନୁଭୂତି ସୃଷ୍ଟି କରିବ ।
ପୂର୍ବ କାଳରେ ବଂଶବାଦ ରାଜନୀତି, ଦୁର୍ନୀତି ଓ ତୁଷ୍ଟୀକରଣର କୁପ୍ରଭାବ ସମ୍ପର୍କରେ ମଧ୍ୟ ପ୍ରଧାନମନ୍ତ୍ରୀ ବିସ୍ତୃତ ଭାବେ ବର୍ଣ୍ଣନା କରିଥିଲେ। କାଶୀର ଯୁବକମାନଙ୍କୁ କେତେକ ମହଲରେ ବଦନାମ କରାଯାଉଥିବାରୁ ସେ ସମାଲୋଚନା କରିଛନ୍ତି। ସେ ଯୁବ ଓ ବଂଶବାଦ ରାଜନୀତିର ବିକାଶ ମଧ୍ୟରେ ଥିବା ବିରୋଧାଭାସ ଉପରେ ଆଲୋକପାତ କରିଥିଲେ । ଏହି ଶକ୍ତିମାନଙ୍କ ମଧ୍ୟରେ କାଶୀ ଓ ଅଯୋଧ୍ୟାର ନୂଆ ରୂପ ପ୍ରତି ଘୃଣା ଥିବା ମଧ୍ୟ ସେ ଉଲ୍ଲେଖ କରିଥିଲେ।
ମୋଦିଙ୍କ ତୃତୀୟ ପାଳି ଭାରତର ସାମର୍ଥ୍ୟକୁ ବିଶ୍ୱରେ ଆଗରେ ପହଞ୍ଚାଇବ ଏବଂ ଭାରତର ଅର୍ଥନୈତିକ, ସାମାଜିକ, ରଣନୈତିକ ଏବଂ ସାଂସ୍କୃତିକ କ୍ଷେତ୍ର ନୂଆ ଉଚ୍ଚତାରେ ପହଞ୍ଚିବ ବୋଲି ପ୍ରଧାନମନ୍ତ୍ରୀ କହିଥିଲେ । ଭାରତର ପ୍ରଗତି ଉପରେ ଆଲୋକପାତ କରି ପ୍ରଧାନମନ୍ତ୍ରୀ ଗତ ୧୦ ବର୍ଷ ମଧ୍ୟରେ ବିଶ୍ୱର ୧୧ତମ ବୃହତ୍ତମ ଅର୍ଥନୀତିରୁ ପଞ୍ଚମ ବୃହତ୍ତମ ଅର୍ଥନୀତିରେ ପରିଣତ ହୋଇଥିବା ଉଲ୍ଲେଖ କରିଥିଲେ । ଆଗାମୀ ୫ ବର୍ଷ ମଧ୍ୟରେ ଭାରତ ତୃତୀୟ ବୃହତ୍ତମ ଅର୍ଥନୀତିରେ ପରିଣତ ହେବ ବୋଲି ସେ କହିଛନ୍ତି। ଡିଜିଟାଲ ଇଣ୍ଡିଆ, ସଡ଼କ ପ୍ରଶସ୍ତୀକରଣ, ରେଳ ଷ୍ଟେସନର ଆଧୁନିକୀକରଣ ଏବଂ ବନ୍ଦେ ଭାରତ, ଅମୃତ ଭାରତ ଏବଂ ନମୋ ଭାରତ ଟ୍ରେନ୍ ଭଳି ଉନ୍ନୟନମୂଳକ କାର୍ଯ୍ୟକୁ ଆଗାମୀ ୫ ବର୍ଷ ମଧ୍ୟରେ ତ୍ୱରାନ୍ୱିତ କରାଯିବ ବୋଲି ପ୍ରଧାନମନ୍ତ୍ରୀ ମୋଦୀ ବିଶ୍ୱାସ ବ୍ୟକ୍ତ କରିଛନ୍ତି। ପୂର୍ବ ଭାରତକୁ ବିକାଶର ଇଂଜିନରେ ପରିଣତ କରିବା ପାଇଁ ମୋଦିଙ୍କ ଗ୍ୟାରେଣ୍ଟି ବୋଲି ପ୍ରଧାନମନ୍ତ୍ରୀ ମୋଦୀ କହିଛନ୍ତି । ବାରଣାସୀରୁ ଔରଙ୍ଗାବାଦ ପର୍ଯ୍ୟନ୍ତ ୬ ଲେନ୍ ବିଶିଷ୍ଟ ରାଜପଥର ପ୍ରଥମ ପର୍ଯ୍ୟାୟ ଉଦଘାଟନ ବିଷୟରେ ପ୍ରଧାନମନ୍ତ୍ରୀ କହିଥିଲେ ଯେ ଆଗାମୀ ୫ ବର୍ଷ ମଧ୍ୟରେ ବାରଣାସୀ-ରାଞ୍ଚି-କୋଲକାତା ଏକ୍ସପ୍ରେସୱେ ସମ୍ପୂର୍ଣ୍ଣ ହେବା ଦ୍ୱାରା ଉତ୍ତର ପ୍ରଦେଶ, ବିହାର, ଝାଡ଼ଖଣ୍ଡ ଏବଂ ପଶ୍ଚିମବଙ୍ଗ ମଧ୍ୟରେ ଦୂରତା ହ୍ରାସ ପାଇବ । ଭବିଷ୍ୟତରେ ବନାରସରୁ କୋଲକାତା ଯାତ୍ରା ସମୟ ପ୍ରାୟ ଅଧା ହୋଇଯିବ ବୋଲି ସେ କହିଛନ୍ତି।
ଆଗାମୀ ୫ ବର୍ଷ ମଧ୍ୟରେ କାଶୀର ବିକାଶର ନୂତନ ଦିଗ ହେବ ବୋଲି ପ୍ରଧାନମନ୍ତ୍ରୀ ଆକଳନ କରିଥିଲେ । ସେ କାଶୀ ରୋପୱେ ଏବଂ ବିମାନବନ୍ଦର କ୍ଷମତାରେ ଦ୍ରୁତ ବୃଦ୍ଧି ବିଷୟରେ ଉଲ୍ଲେଖ କରିଥିଲେ । ସେ କହିଥିଲେ ଯେ କାଶୀ ଦେଶର ଏକ ଗୁରୁତ୍ୱପୂର୍ଣ୍ଣ କ୍ରୀଡ଼ା ସହର ଭାବେ ଉଭା ହେବ। ସେ କାଶୀକୁ ମେକ୍ ଇନ୍ ଇଣ୍ଡିଆ ଏବଂ ଆତ୍ମନିର୍ଭର ଭାରତ ଅଭିଯାନରେ ଏକ ପ୍ରମୁଖ ଯୋଗଦାନ ଭାବରେ ସ୍ୱୀକାର କରିଥିଲେ । ଆଗାମୀ ୫ ବର୍ଷ ମଧ୍ୟରେ କାଶୀ ରୋଜଗାର ଓ ଦକ୍ଷତାର କେନ୍ଦ୍ର ପାଲଟିବ ବୋଲି ସେ ସୂଚନା ଦେଇଛନ୍ତି। ଏହି ସମୟ ମଧ୍ୟରେ ନ୍ୟାସନାଲ ଇନଷ୍ଟିଚ୍ୟୁଟ୍ ଅଫ୍ ଫ୍ୟାଶନ ଟେକ୍ନୋଲୋଜି କ୍ୟାମ୍ପସ ମଧ୍ୟ ସମ୍ପୂର୍ଣ୍ଣ ହେବ ଯାହା ଅଞ୍ଚଳର ଯୁବକ ଏବଂ ବୁଣାକାରମାନଙ୍କ ପାଇଁ ନୂତନ ସୁଯୋଗ ସୃଷ୍ଟି କରିବ । ବିଗତ ଦଶନ୍ଧି ମଧ୍ୟରେ ଆମେ କାଶୀକୁ ସ୍ୱାସ୍ଥ୍ୟ ଓ ଶିକ୍ଷାର କେନ୍ଦ୍ର ଭାବେ ଏକ ନୂଆ ପରିଚୟ ଦେଇଛୁ। ଏବେ ଏଥିରେ ଏକ ନୂତନ ମେଡିକାଲ କଲେଜ ମଧ୍ୟ ଯୋଡ଼ି ହେବାକୁ ଯାଉଛି ବୋଲି ପ୍ରଧାନମନ୍ତ୍ରୀ ମୋଦୀ କହିଛନ୍ତି। ଆଜି ବିଏଚୟୁସ୍ଥିତ ନ୍ୟାସନାଲ ସେଣ୍ଟର ଅଫ୍ ଏଜିଙ୍ଗ୍ ସହ ୩୫ କୋଟି ଟଙ୍କାର ଅନେକ ଡାଇଗ୍ନୋଷ୍ଟିକ୍ ମେସିନ୍ ଓ ଉପକରଣ ଉଦଘାଟିତ ହୋଇଛି। ଡାକ୍ତରଖାନାରୁ ଜୈବ ବିପଜ୍ଜନକ ବର୍ଜ୍ୟବସ୍ତୁର ମୁକାବିଲା ପାଇଁ ଏକ ସୁବିଧା ମଧ୍ୟ ବିକଶିତ କରାଯାଉଛି।
ଅଭିଭାଷଣ ଶେଷ କରି ପ୍ରଧାନମନ୍ତ୍ରୀ କହିଥିଲେ ଯେ କାଶୀ ଏବଂ ଉତ୍ତର ପ୍ରଦେଶ ର ଦ୍ରୁତ ବିକାଶ ଜାରି ରହିବା ଦରକାର ଏବଂ କାଶୀର ପ୍ରତ୍ୟେକ ବାସିନ୍ଦା ଏକଜୁଟ ହେବା ପାଇଁ ଆହ୍ୱାନ ଦେଇଥିଲେ । ମୋଦିଙ୍କ ଗ୍ୟାରେଣ୍ଟି ଉପରେ ଯଦି ଦେଶ ଓ ବିଶ୍ୱର ଏତେ ବିଶ୍ୱାସ ରହିଛି, ତେବେ ତାହା ଆପଣଙ୍କ ସ୍ନେହ ଓ ବାବାଙ୍କ ଆଶୀର୍ବାଦ ଯୋଗୁଁ ହୋଇଛି।
ଅନ୍ୟମାନଙ୍କ ମଧ୍ୟରେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଶ୍ରୀ ଯୋଗୀ ଆଦିତ୍ୟନାଥ, ଉତ୍ତରପ୍ରଦେଶର ଉପମୁଖ୍ୟମନ୍ତ୍ରୀ ଶ୍ରୀ ବ୍ରିଜେଶ ପାଠକ, କେନ୍ଦ୍ରମନ୍ତ୍ରୀ ଶ୍ରୀ ମହେନ୍ଦ୍ର ନାଥ ପାଣ୍ଡେ ଏବଂ ବନାସ ଡାଏରୀର ଅଧ୍ୟକ୍ଷ ଶ୍ରୀ ଶଙ୍କରଭାଇ ଚୌଧୁରୀ ଉପସ୍ଥିତ ଥିଲେ ।
ପୃଷ୍ଠଭୂମି
ବାରାଣସୀରେ ସଡ଼କ ଯୋଗାଯୋଗକୁ ଆହୁରି ବଢ଼ାଇବା ପାଇଁ ପ୍ରଧାନମନ୍ତ୍ରୀ ଜାତୀୟ ରାଜପଥ-୨୩୩ ର ଘରଗ୍ରା-ସେତୁ-ବାରଣାସୀ ସେକ୍ସନକୁ ଚାରି ଲେନ୍ କରିବା ସମେତ ଏକାଧିକ ସଡ଼କ ପ୍ରକଳ୍ପର ଉଦଘାଟନ ଏବଂ ଶିଳାନ୍ୟାସ କରିଥିଲେ। ଜାତୀୟ ରାଜପଥ-୫୬ ର ସୁଲତାନପୁର-ବାରାଣାସୀ ସେକ୍ସନକୁ ୪ ଲେନ୍, ପ୍ୟାକେଜ୍-୧; ଜାତୀୟ ରାଜପଥ-୧୯ ର ବାରଣାସୀ-ଔରଙ୍ଗାବାଦ ସେକ୍ସନର ପ୍ରଥମ ପର୍ଯ୍ୟାୟକୁ ୬ ଲେନ୍ କରିବା; ୩୫ ନମ୍ବର ଜାତୀୟ ରାଜପଥରେ ପ୍ୟାକେଜ୍-୧ ବାରାଣାସୀ-ହନୁମାନା ସେକ୍ସନର ୪ ଲେନ୍ ନିର୍ମାଣ; ଏବଂ ବାବାଟପୁର ନିକଟରେ ବାରଣାସୀ-ଜୌନପୁର ରେଳ ସେକ୍ସନରେ ଆରଓବି ଅନ୍ତର୍ଭୁକ୍ତ। ସେ ବାରଣାସୀ-ରାଞ୍ଚି-କୋଲକାତା ଏକ୍ସପ୍ରେସ ୱେ ପ୍ୟାକେଜ -୧ ନିର୍ମାଣ ପାଇଁ ଶିଳାନ୍ୟାସ କରିଛନ୍ତି।
ଏହି ଅଞ୍ଚଳରେ ଶିଳ୍ପ ବିକାଶକୁ ତ୍ୱରାନ୍ୱିତ କରିବା ପାଇଁ ପ୍ରଧାନମନ୍ତ୍ରୀ ସେବାପୁରୀରେ ଏଚପିସିଏଲ ଦ୍ୱାରା ଏଲପିଜି ବଟଲିଂ ପ୍ଲାଣ୍ଟକୁ ଉଦଘାଟନ କରିଥିଲେ । ୟୁପିଏସଆଇଡିଏ ଆଗ୍ରୋ ପାର୍କ କାର୍ଖିଆଁଓରେ ଥିବା ବନାସ କାଶୀ ସଂକୁଳ ଦୁଗ୍ଧ ପ୍ରକ୍ରିୟାକରଣ ୟୁନିଟ୍; କାର୍ଖିଆଁଓ ସ୍ଥିତ ୟୁପିଏସିଡିଏ ଆଗ୍ରୋ ପାର୍କରେ ବିଭିନ୍ନ ଭିତ୍ତିଭୂମି କାର୍ଯ୍ୟ; ଏବଂ ବୁଣାକାରମାନଙ୍କ ପାଇଁ ରେଶମ କପଡ଼ା ମୁଦ୍ରଣ ସାଧାରଣ ସୁବିଧା କେନ୍ଦ୍ର ରହିଛି।
ପ୍ରଧାନମନ୍ତ୍ରୀ ରମଣାଠାରେ ଏନଟିପିସି ଦ୍ୱାରା ବାରଣାସୀରେ ସହରାଞ୍ଚଳ ବର୍ଜ୍ୟବସ୍ତୁ ଠାରୁ କୋଇଲା ପ୍ଲାଣ୍ଟ ସମେତ ଏକାଧିକ ନଗର ଉନ୍ନୟନ ପ୍ରକଳ୍ପର ଉଦଘାଟନ କରିଥିଲେ । ସିସ୍-ବରୁଣା ଅଞ୍ଚଳରେ ଜଳ ଯୋଗାଣ ନେଟୱାର୍କର ଉନ୍ନତିକରଣ; ଏବଂ ଏସଟିପି ଏବଂ ସ୍ୱେରେଜ ପମ୍ପିଂ ଷ୍ଟେସନର ଅନଲାଇନ ଇଫ୍ଲୁଏଣ୍ଟ ମନିଟରିଂ ଏବଂ ଏସସିଡିଏ ଅଟୋମେସନ୍ ସୁବିଧା ରହିଛି। ପ୍ରଧାନମନ୍ତ୍ରୀ ବାରଣାସୀର ସୌନ୍ଦର୍ଯ୍ୟକରଣ ପାଇଁ ଏକାଧିକ ପ୍ରକଳ୍ପର ଶିଳାନ୍ୟାସ କରିଥିଲେ ଯେଉଁଥିରେ ପୋଖରୀର ପୁନରୁଦ୍ଧାର ଏବଂ ପାର୍କର ପୁନଃବିକାଶ ପାଇଁ ପ୍ରକଳ୍ପ ଅନ୍ତର୍ଭୁକ୍ତ ଥିଲା; ଏବଂ ଏକ 3ଡି ସହରାଞ୍ଚଳ ଡିଜିଟାଲ ମାନଚିତ୍ର ଏବଂ ଡାଟାବେସ୍ ର ଡିଜାଇନ୍ ଏବଂ ବିକାଶ ମଧ୍ୟ ଏଥିରେ ଅନ୍ତର୍ଭୁକ୍ତ ରହିଛି।
ପ୍ରଧାନମନ୍ତ୍ରୀ ବାରଣାସୀରେ ପର୍ଯ୍ୟଟନ ଏବଂ ଆଧ୍ୟାତ୍ମିକ ପର୍ଯ୍ୟଟନ ସହ ଜଡିତ ଏକାଧିକ ପ୍ରକଳ୍ପର ଉଦଘାଟନ କରିଥିଲେ । ପଞ୍ଚକୋଶୀ ପରିକ୍ରମା ମାର୍ଗ ଓ ପବନ ପଥର ପାଞ୍ଚଟି ପଦଭରେ ଥିବା ସରକାରୀ ସୁବିଧାଗୁଡ଼ିକର ପୁନଃନିର୍ମାଣ ସହ ଦଶଟି ଆଧ୍ୟାତ୍ମିକ ଯାତ୍ରା ଅନ୍ତର୍ଭୁକ୍ତ। ବାରାଣାସୀ ଓ ଅଯୋଧ୍ୟା ପାଇଁ ଭାରତୀୟ ଆଭ୍ୟନ୍ତରୀଣ ଜଳପଥ ପ୍ରାଧିକରଣ (ଆଇଡବ୍ଲ୍ୟୁଏଆଇ) ଦ୍ୱାରା ଯୋଗାଇ ଦିଆଯାଇଥିବା ଇଲେକ୍ଟ୍ରିକ୍ କାଟାମାରନ୍ ଜାହାଜର ଶୁଭାରମ୍ଭ; ଏବଂ ସାତଟି ଚେଞ୍ଜରୁମ୍ ଭାସୁଥିବା ଜେଟି ଏବଂ ଚାରିଟି କମ୍ୟୁନିଟି ଜେଟି ରହିଛି। ଇଲେକ୍ଟ୍ରିକ୍ କ୍ୟାଟାମାରନ୍ ସବୁଜ ଶକ୍ତିର ବ୍ୟବହାର ସହିତ ଗଙ୍ଗାରେ ପର୍ଯ୍ୟଟନ ଅନୁଭୂତିକୁ ବଢ଼ାଇବ। ପ୍ରଧାନମନ୍ତ୍ରୀ ବିଭିନ୍ନ ସହରରେ ଆଇଡବ୍ଲ୍ୟୁଏଆଇର ତେରଟି କମ୍ୟୁନିଟି ଜେଟିର ଶିଳାନ୍ୟାସ ଏବଂ ବଲିଆରେ କ୍ୱିକ୍ ପଣ୍ଟୁନ୍ ଉଦଘାଟନ ବ୍ୟବସ୍ଥାର ଶିଳାନ୍ୟାସ କରିଥିଲେ ।
ବାରାଣସୀର ପ୍ରସିଦ୍ଧ ବୟନଶିଳ୍ପ କ୍ଷେତ୍ରକୁ ପ୍ରୋତ୍ସାହିତ କରିବା ପାଇଁ ପ୍ରଧାନମନ୍ତ୍ରୀ ବାରଣାସୀରେ ନ୍ୟାସନାଲ ଇନଷ୍ଟିଚ୍ୟୁଟ୍ ଅଫ୍ ଫ୍ୟାଶନ ଟେକ୍ନୋଲୋଜି (ନିଫ୍ଟ)ର ଶିଳାନ୍ୟାସ କରିଛନ୍ତି । ଏହି ନୂତନ ଅନୁଷ୍ଠାନ ବୟନଶିଳ୍ପ କ୍ଷେତ୍ରର ଶିକ୍ଷା ଏବଂ ପ୍ରଶିକ୍ଷଣ ଭିତ୍ତିଭୂମିକୁ ସୁଦୃଢ଼ କରିବ।
ବାରାଣସୀରେ ସ୍ୱାସ୍ଥ୍ୟ ଭିତ୍ତିଭୂମିକୁ ସୁଦୃଢ଼ କରିବା ପାଇଁ ପ୍ରଧାନମନ୍ତ୍ରୀ ବାରାଣସୀରେ ଏକ ନୂତନ ମେଡିକାଲ କଲେଜର ଶିଳାନ୍ୟାସ କରିଥିଲେ। ସେ ବିଏଚୟୁରେ ନ୍ୟାସନାଲ ସେଣ୍ଟର ଅଫ୍ ଏଜିଙ୍ଗର ଶିଳାନ୍ୟାସ କରିଛନ୍ତି। ସହରରେ କ୍ରୀଡ଼ା ଭିତ୍ତିଭୂମିକୁ ସୁଦୃଢ଼ କରିବା ଦିଗରେ ଏକ ପଦକ୍ଷେପ ସ୍ୱରୂପ ପ୍ରଧାନମନ୍ତ୍ରୀ ସିଗ୍ରା ସ୍ପୋର୍ଟସ ଷ୍ଟାଡିୟମ ଫେଜ୍ -୧ ଏବଂ ଜିଲ୍ଲା ରାଇଫଲ ସୁଟିଂ ରେଞ୍ଜକୁ ଉଦଘାଟନ କରିଛନ୍ତି।