ନୂଆଦିଲ୍ଲୀ: ସଦ୍ୟତମ ଘରୋଇ ଖର୍ଚ୍ଚ ବ୍ୟୟ ସର୍ବେକ୍ଷଣକୁ ଦର୍ଶାଇ NITI ଆୟୋଗ ସିଇଓ ବିଭିଆର ସୁବ୍ରମଣ୍ୟମ୍ ଦାବି କରିଛନ୍ତି ଯେ, ଭାରତରେ ଦାରିଦ୍ର୍ୟ ୫ ପ୍ରତିଶତକୁ ଖସି ଆସିଛି ଏବଂ ଦେଶ ଅଗ୍ରଗତି କରୁଛି। ଅଗଷ୍ଟ ୨୦୨୨ରୁ ଜୁଲାଇ ୨୦୨୩ ମଧ୍ୟରେ କରାଯାଇଥିବା ଏହି ସର୍ଭେରୁ ଜଣାପଡିଛି ଯେ, ସରକାରଙ୍କ ଦ୍ୱାରା ଲାଗୁ ହୋଇଥିବା ଦାରିଦ୍ର୍ୟ ଦୂରୀକରଣ ପଦକ୍ଷେପ ଫଳପ୍ରଦ ହେଉଛି। ସୁବ୍ରମଣ୍ୟମ୍ କହିଛନ୍ତି ଯେ, ଦାରିଦ୍ର୍ୟ ଦୂରୀକରଣ ପଦକ୍ଷେପଗୁଡ଼ିକର ସଫଳତାକୁ ଆକଳନ କରିବା ପାଇଁ ଘରର ଖର୍ଚ୍ଚ ଉପରେ ସର୍ଭେ ତଥ୍ୟ ଏକ ଗୁରୁତ୍ୱପୂର୍ଣ୍ଣ ମେଟ୍ରିକ୍ ଅଟେ।
NITI ଆୟୋଗ ସିଇଓ ବିଭିଆର ସୁବ୍ରମଣ୍ୟମ କହିଛନ୍ତି ଯେ, ଗ୍ରାମାଞ୍ଚଳ ଏବଂ ସହରାଞ୍ଚଳରେ ଖର୍ଚ୍ଚ ଅଢେଇ ଗୁଣ ବୃଦ୍ଧି ପାଇଛି। ସେ କହିଛନ୍ତି ଯେ, ୨୦୧୧-୧୨ ମସିହାରୁ ସହରାଞ୍ଚଳ ପରିବାର ମଧ୍ୟରେ ମୁଣ୍ଡପିଛା ହାରାହାରି ଖର୍ଚ୍ଚ ୩୩.୫ ପ୍ରତିଶତ ବୃଦ୍ଧି ହୋଇ ୩,୫୧୦ ଟଙ୍କାରେ ପହଞ୍ଚିଥିବାବେଳେ ଗ୍ରାମାଞ୍ଚଳ ଭାରତରେ ୪୦.୪୨ ପ୍ରତିଶତ ବୃଦ୍ଧି ଘଟି ୨,୦୦୮ ଟଙ୍କାରେ ପହଞ୍ଚିଛି।
ସୁବ୍ରମଣ୍ୟମ୍ ଦାବି କରିଛନ୍ତି ଯେ, ଆୟୁଷ୍ମାନ ଭାରତ ଯୋଜନା ଅଧୀନରେ ସ୍ୱାସ୍ଥ୍ୟସେବା ଏବଂ ମାଗଣା ଶିକ୍ଷା ଭଳି ଲାଭ ଏହି ସର୍ଭେରେ ଅନ୍ତର୍ଭୁକ୍ତ ହୋଇନାହିଁ। ଯେଉଁଥିରେ ଜଣାପଡିଛି ଯେ, ଦାରିଦ୍ରତା ଏବଂ ଅଭାବ ପ୍ରାୟ ଅଦୃଶ୍ୟ ହୋଇଯାଇଛି।
