ଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ସଶକ୍ତ ନାରୀ – ବିକଶିତ ଭାରତ କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ ଏବଂ ନୂଆଦିଲ୍ଲୀର ପୁସାସ୍ଥିତ ଭାରତୀୟ କୃଷି ଗବେଷଣା ପ୍ରତିଷ୍ଠାନରେ ନମୋ ଡ୍ରୋନ୍ ଦିଦିମାନଙ୍କ ଦ୍ୱାରା କରାଯାଇଥିବା କୃଷି ଡ୍ରୋନ୍ ପ୍ରଦର୍ଶନୀ ପରିଦର୍ଶନ କରିଥିଲେ। ଦେଶର ୧୦ଟି ଭିନ୍ନ ଭିନ୍ନ ସ୍ଥାନରୁ ନମୋ ଡ୍ରୋନ୍ ଦିଦିମାନେ ମଧ୍ୟ ଏକାସାଙ୍ଗରେ ଡ୍ରୋନ୍ ପ୍ରଦର୍ଶନରେ ଅଂଶଗ୍ରହଣ କରିଥିଲେ। ଏହି କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ୧୦୦୦ ନମୋ ଡ୍ରୋନ ଦିଦିଙ୍କୁ ଡ୍ରୋନ ପ୍ରଦାନ କରିଥିଲେ। ପ୍ରଧାନମନ୍ତ୍ରୀ ପ୍ରତ୍ୟେକ ଜିଲ୍ଲାରେ ବ୍ୟାଙ୍କମାନଙ୍କ ଦ୍ୱାରା ସ୍ଥାପିତ ବ୍ୟାଙ୍କ ଲିଙ୍କେଜ୍ କ୍ୟାମ୍ପ ମାଧ୍ୟମରେ ସ୍ୱୟଂ ସହାୟିକା ଗୋଷ୍ଠୀ (ଏସ୍ଏଚ୍ଜି)ମାନଙ୍କୁ ରିହାତି ସୁଧ ହାରରେ ପ୍ରାୟ ୮,୦୦୦ କୋଟି ଟଙ୍କାର ବ୍ୟାଙ୍କ ଋଣ ପ୍ରଦାନ କରିଥିଲେ। ପ୍ରଧାନମନ୍ତ୍ରୀ ସ୍ୱୟଂ ସହାୟକ ଗୋଷ୍ଠୀଗୁଡ଼ିକୁ ପାଖାପାଖି ୨,୦୦୦ କୋଟି ଟଙ୍କାର ପୁଞ୍ଜି ସହାୟତା ପାଣ୍ଠି ମଧ୍ୟ ପ୍ରଦାନ କରିଥିଲେ। ପ୍ରଧାନମନ୍ତ୍ରୀ ହିତାଧିକାରୀ ମାନଙ୍କ ସହ ମଧ୍ୟ ଆଲୋଚନା କରିଥିଲେ।
ଡ୍ରୋନ୍ ଦିଦି ଓ ଲକ୍ଷପତି ଦିଦି ସଫଳତାର ନୂଆ ଅଧ୍ୟାୟ ରଚନା କରୁଥିବାରୁ ଆଜିର ଅବସରକୁ ପ୍ରଧାନମନ୍ତ୍ରୀ ଐତିହାସିକ ବୋଲି କହିଥିଲେ। ଏଭଳି ସଫଳ ମହିଳା ଉଦ୍ୟୋଗୀଙ୍କ ସହ ଆଲୋଚନା କରିବା ଦ୍ୱାରା ଦେଶର ଭବିଷ୍ୟତକୁ ନେଇ ତାଙ୍କର ଆତ୍ମବିଶ୍ୱାସ ସୃଷ୍ଟି ହୋଇଛି ବୋଲି ସେ କହିଛନ୍ତି। ନାରୀ ଶକ୍ତିର ସଂକଳ୍ପ ଓ ନିଷ୍ଠାକୁ ସେ ପ୍ରଶଂସା କରିଥିଲେ। ଏହା ମୋତେ ୩ କୋଟି ଲକ୍ଷପତି ଦିଦି ସୃଷ୍ଟି କରିବାର ଯାତ୍ରା ଆରମ୍ଭ କରିବାକୁ ଆତ୍ମବିଶ୍ୱାସ ଦେଇଛି ବୋଲି ସେ କହିଛନ୍ତି।
ନୂଆ ସୁଯୋଗ ସୃଷ୍ଟି ଏବଂ ନାରୀ ଶକ୍ତିର ମର୍ଯ୍ୟାଦା ସୁନିଶ୍ଚିତ କରିବା ଦ୍ୱାରା ହିଁ ଯେ କୌଣସି ସମାଜ ପ୍ରଗତି କରି ପାରିବ ବୋଲି ପ୍ରଧାନମନ୍ତ୍ରୀ କହିଥିଲେ। ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ ଅଳ୍ପ ସମର୍ଥନରେ ନାରୀ ଶକ୍ତି ସମର୍ଥନର ଆବଶ୍ୟକତାକୁ ଅତିକ୍ରମ କରି ଅନ୍ୟମାନଙ୍କ ପାଇଁ ସମର୍ଥନ ପାଲଟିଯାଏ। ପ୍ରଧାନମନ୍ତ୍ରୀ ଆହୁରି ମଧ୍ୟ କହିଥିଲେ ଯେ , ସେ ହେଉଛନ୍ତି ପ୍ରଥମ ପ୍ରଧାନମନ୍ତ୍ରୀ ଯିଏ କି ମହିଳା ସଶକ୍ତିକରଣର ବିଭିନ୍ନ ପ୍ରସଙ୍ଗ, ଅର୍ଥାତ୍ ସେମାନଙ୍କ ପାଇଁ ଶୌଚାଳୟ, ସାନିଟାରୀ ପ୍ୟାଡ୍, ଅସ୍ୱାସ୍ଥ୍ୟକର ଧୂଆଁଭର୍ତ୍ତି ରୋଷେଇ ଘର, ମହିଳାମାନଙ୍କୁ ଦୈନନ୍ଦିନ ଅସୁବିଧାରୁ ରକ୍ଷା କରିବା ପାଇଁ ପାଇପ୍ ପାଣି, ପ୍ରତ୍ୟେକ ମହିଳାଙ୍କ ପାଇଁ ଜନଧନ ଆକାଉଣ୍ଟ, ମହିଳାଙ୍କ ପ୍ରତି ଅପମାନଜନକ ଭାଷାକୁ ବିରୋଧ ଏବଂ ନାରୀ ଶକ୍ତି ପ୍ରତି ଉପଯୁକ୍ତ ଆଚରଣ ବିଷୟରେ ପୁଅମାନଙ୍କୁ ଶିକ୍ଷିତ କରିବାର ଆବଶ୍ୟକତା ବିଷୟରେ ଲାଲକିଲ୍ଲାର ପ୍ରାଚୀରରୁ ବକ୍ତବ୍ୟ ରଖିଥିଲେ।
ଦୈନନ୍ଦିନ ଜୀବନର ଅନୁଭୂତିରୁ ମୋଦିଙ୍କ ସମ୍ବେଦନଶୀଳତା ଏବଂ ମୋଦିଙ୍କ ଯୋଜନା ମୁଣ୍ଡ ଟେକିଥାଏ ବୋଲି ପ୍ରଧାନମନ୍ତ୍ରୀ ମୋଦୀ କହିଛନ୍ତି। ଜୀବନର ବାସ୍ତବତାକୁ ଜୀବନ୍ତ କରିବାର ଅନୁଭୂତି ଏହି ସମ୍ବେଦନଶୀଳତା ଏବଂ ଯୋଜନାଗୁଡ଼ିକୁ ସୂଚିତ କରିଛି ବୋଲି ସେ କହିଥିଲେ। ସେଥିପାଇଁ ଏହି ସବୁ ଯୋଜନା ଦେଶର ମାଆ’ ଓ ଝିଅଙ୍କ ଜୀବନକୁ ସହଜ କରିଥାଏ।
ପ୍ରଧାନମନ୍ତ୍ରୀ ନାରୀ ମାନଙ୍କ ଜୀବନର ପ୍ରତ୍ୟେକ ପର୍ଯ୍ୟାୟରେ ସେମାନଙ୍କ ସହିତ ଜଡ଼ିତ ସମସ୍ୟାର ସମାଧାନ ପାଇଁ ଅଣାଯାଉଥିବା ଯୋଜନା ବିଷୟରେ ଆଲୋଚନା କରିଥିଲେ। ଭ୍ରୁଣ ହତ୍ୟା ବନ୍ଦ କରିବା ପାଇଁ ବେଟି ବଚାଓ ବେଟି ପଢ଼ାଓ ଯୋଜନା, ଗର୍ଭବତୀ ମା’ ଙ୍କୁ ପୁଷ୍ଟି ପ୍ରଦାନ କରିବା ପାଇଁ ୬୦୦୦ ଟଙ୍କା ପ୍ରଦାନ, ପାଠ ପଢ଼ା ସମୟରେ ସମ୍ବଳ ସୁନିଶ୍ଚିତ କରିବା ପାଇଁ ସୁକନ୍ୟା ସମୃଦ୍ଧି, ଉଦ୍ୟୋଗୀ କ୍ଷେତ୍ରରେ ଲାଭଜନକ ପାଦ ଥାପିବାରେ ସାହାଯ୍ୟ କରିବା ପାଇଁ ମୁଦ୍ରା ଯୋଜନା, ମାତୃତ୍ୱ ଛୁଟି ସମ୍ପ୍ରସାରଣ, ମାଗଣା ଚିକିତ୍ସା, ସୁଲଭ ଔଷଧ ଏବଂ ମହିଳାଙ୍କ ନାମରେ ପିଏମ୍ ଆବାସ ଗୃହ ପଞ୍ଜୀକରଣ କରି ସେଥିରେ ସେମାନଙ୍କ ମାଲିକାନା ବୃଦ୍ଧି କରିବା ଭଳି ପୁରୁଣା ମାନସିକତାରେ ପରିବର୍ତ୍ତନ ଆଣିଛି। କୃଷିକ୍ଷେତ୍ରରେ ଡ୍ରୋନ୍ ଟେକ୍ନୋଲୋଜିର ପରିବର୍ତ୍ତନକାରୀ ପ୍ରଭାବ ଦେଶର ମହିଳାମାନଙ୍କ ଦ୍ୱାରା ପରିଚାଳିତ ହେଉଛି ବୋଲି ସେ ସ୍ୱୀକାର କରିଥିଲେ। ଜଣେ ଡ୍ରୋନ୍ ଦିଦିଙ୍କ ସହ ତାଙ୍କର ବାର୍ତ୍ତାଳାପକୁ ମନେ ପକାଇ ପ୍ରଧାନମନ୍ତ୍ରୀ ଡ୍ରୋନ୍ ଦିଦିଙ୍କ ଆୟ, ଦକ୍ଷତା ଏବଂ ସ୍ୱୀକୃତି ମାଧ୍ୟମରେ ସଶକ୍ତିକରଣର ଭାବନା ବିଷୟରେ ବିସ୍ତୃତ ଭାବରେ ବର୍ଣ୍ଣନା କରିଥିଲେ। ସମସ୍ତ କ୍ଷେତ୍ରରେ ମହିଳାଙ୍କ ଅଗ୍ରଗତି ବିଷୟରେ ଉଲ୍ଲେଖ କରି ପ୍ରଧାନମନ୍ତ୍ରୀ ମୋଦୀ କହିଛନ୍ତି, “ମୋର ପୂର୍ଣ୍ଣ ବିଶ୍ୱାସ ରହିଛି ଯେ ନାରୀ ଶକ୍ତି ଦେଶରେ ପ୍ରଯୁକ୍ତି ବିପ୍ଳବର ନେତୃତ୍ୱ ନେବ। କ୍ଷୀର ଓ ପନିପରିବା ଦ୍ରବ୍ୟ ବଜାରକୁ ପହଞ୍ଚାଇବା, ଔଷଧ ବିତରଣ ଇତ୍ୟାଦି କ୍ଷେତ୍ରରେ ଡ୍ରୋନ୍ ଟେକ୍ନୋଲୋଜିର ସମ୍ପ୍ରସାରଣ ସମ୍ପର୍କରେ ପ୍ରଧାନମନ୍ତ୍ରୀ ବିସ୍ତୃତ ଭାବେ ଉଲ୍ଲେଖ କରିଥିଲେ।
ଗତ ଏକ ଦଶନ୍ଧି ମଧ୍ୟରେ ଭାରତରେ ସ୍ୱୟଂ ସହାୟକ ଗୋଷ୍ଠୀର ବିସ୍ତାର ଉଲ୍ଲେଖନୀୟ ରହିଛି ବୋଲି ସେ କହିଛନ୍ତି। ଏହି ଗୋଷ୍ଠୀମାନେ ଦେଶରେ ମହିଳା ସଶକ୍ତିକରଣର କାହାଣୀକୁ ପୁନଃଲିଖିତ କରିଛନ୍ତି। ସ୍ୱୟଂ ସହାୟକ ଗୋଷ୍ଠୀରେ ମହିଳା ମାନଙ୍କର ଗୁରୁତ୍ୱପୂର୍ଣ୍ଣ ଭୂମିକାକୁ ସ୍ୱୀକାର କରି ପ୍ରଧାନମନ୍ତ୍ରୀ କୃତଜ୍ଞତା ଜ୍ଞାପନ କରି କହିଥିଲେ, “ମୁଁ ଆଜି ସ୍ୱୟଂ ସହାୟିକା ଗୋଷ୍ଠୀର ପ୍ରତ୍ୟେକ ଭଉଣୀଙ୍କୁ ହାର୍ଦ୍ଦିକ ଅଭିନନ୍ଦନ ଜଣାଉଛି। ସେମାନଙ୍କ କଠିନ ପରିଶ୍ରମ ଏହି ଗୋଷ୍ଠୀଗୁଡ଼ିକୁ ରାଷ୍ଟ୍ର ନିର୍ମାଣରେ ନେତୃତ୍ୱ ନେବାରେ ସକ୍ଷମ କରିଛି। ସ୍ୱୟଂ ସହାୟିକା ଗୋଷ୍ଠୀରେ ମହିଳାଙ୍କ ଅଂଶଗ୍ରହଣର ପ୍ରଭାବଶାଳୀ ଅଭିବୃଦ୍ଧି ଉପରେ ଗୁରୁତ୍ୱାରୋପ କରି ପ୍ରଧାନମନ୍ତ୍ରୀ ମୋଦୀ କହିଥିଲେ, “ଆଜି ସ୍ୱୟଂ ସହାୟିକା ଗୋଷ୍ଠୀରେ ମହିଳାଙ୍କ ସଂଖ୍ୟା ୧୦ କୋଟି ଅତିକ୍ରମ କରିଛି। ସ୍ୱୟଂ ସହାୟିକା ଗୋଷ୍ଠୀଗୁଡ଼ିକୁ ସମର୍ଥନ କରିବା ପାଇଁ ସରକାରଙ୍କ ପ୍ରୟାସ ଉପରେ ଆଲୋକପାତ କରି ପ୍ରଧାନମନ୍ତ୍ରୀ ମୋଦୀ କହିଥିଲେ ଯେ ଗତ ୧୦ ବର୍ଷ ମଧ୍ୟରେ ଆମ ସରକାର କେବଳ ସ୍ୱୟଂ ସହାୟିକା ଗୋଷ୍ଠୀର ସମ୍ପ୍ରସାରଣ କରିନାହାଁନ୍ତି , ବରଂ ଏହି ଗୋଷ୍ଠୀର ୯୮% ଲୋକଙ୍କ ପାଇଁ ବ୍ୟାଙ୍କ ଆକାଉଣ୍ଟ ଖୋଲିବାରେ ମଧ୍ୟ ସହାୟତା ପ୍ରଦାନ କରିଛନ୍ତି। ଏଭଳି ଗୋଷ୍ଠୀକୁ ମିଳୁଥିବା ସହାୟତାକୁ ୨୦ ଲକ୍ଷ ଟଙ୍କାକୁ ବୃଦ୍ଧି କରାଯାଇଛି ଏବଂ ଏଭଳି ଗୋଷ୍ଠୀଙ୍କ ଆକାଉଣ୍ଟରେ ୮ ଲକ୍ଷ କୋଟିରୁ ଅଧିକ ଟଙ୍କା ଜମା କରାଯାଇଛି। ପ୍ରଧାନମନ୍ତ୍ରୀ କହିଥିଲେ ଯେ ଆଧୁନିକ ଭିତ୍ତିଭୂମି ଉପରେ ଗୁରୁତ୍ୱ ଦେବା କାରଣରୁ ଏହି ସ୍ୱୟଂ ସହାୟିକା ଗୋଷ୍ଠୀ ମାନଙ୍କର ଆୟ ତିନି ଗୁଣ ବୃଦ୍ଧି ପାଇଛି।
ଅର୍ଥନୈତିକ ସଶକ୍ତିକରଣ ସହିତ ସ୍ୱୟଂ ସହାୟିକା ଗୋଷ୍ଠୀ ଗୁଡ଼ିକର ସାମାଜିକ ପ୍ରଭାବକୁ ପ୍ରଶଂସା କରି ପ୍ରଧାନମନ୍ତ୍ରୀ ମୋଦୀ କହିଥିଲେ, “ଗ୍ରାମୀଣ ଭିତ୍ତିଭୂମିର ବିକାଶ ଏବଂ ଗ୍ରାମୀଣ ସମୁଦାୟର ସାମଗ୍ରିକ ଉନ୍ନତିରେ ଏହି ଗୋଷ୍ଠୀଗୁଡ଼ିକ ଗୁରୁତ୍ୱପୂର୍ଣ୍ଣ ଯୋଗଦାନ ଦେଇଛନ୍ତି।
ବ୍ୟାଙ୍କ ସଖୀ, କୃଷି ସଖୀ, ପଶୁ ସଖୀ ଏବଂ ମାତାସ୍ୟ ସଖୀର ଭୂମିକା ଓ ସେବାକୁ ପ୍ରଧାନମନ୍ତ୍ରୀ ସ୍ୱୀକୃତି ଦେଇଥିଲେ। ସ୍ୱାସ୍ଥ୍ୟ କ୍ଷେତ୍ର ଠାରୁ ଆରମ୍ଭ କରି ଡିଜିଟାଲ ଇଣ୍ଡିଆ ପର୍ଯ୍ୟନ୍ତ ଦେଶର ଜାତୀୟ ଅଭିଯାନକୁ ଏହି ଦିଦିମାନେ ନୂଆ ପ୍ରୋତ୍ସାହନ ଦେଉଛନ୍ତି।
ପ୍ରଧାନମନ୍ତ୍ରୀ ଗ୍ରାମୀଣ ଡିଜିଟାଲ ସାକ୍ଷରତା ଅଭିଯାନ ଚଳାଉଥିବା ଲୋକଙ୍କ ମଧ୍ୟରୁ ୫୦ ପ୍ରତିଶତରୁ ଅଧିକ ହେଉଛନ୍ତି ମହିଳା ଏବଂ ୫୦ ପ୍ରତିଶତରୁ ଅଧିକ ହିତାଧିକାରୀ ମଧ୍ୟ ହେଉଛନ୍ତି ମହିଳା। ଏହି କ୍ରମାଗତ ସଫଳତା କେବଳ ନାରୀ ଶକ୍ତି ଉପରେ ମୋର ବିଶ୍ୱାସକୁ ଦୃଢ଼ କରିଥାଏ” ବୋଲି ପ୍ରଧାନମନ୍ତ୍ରୀ କହିଥିଲେ।
ପ୍ରଧାନମନ୍ତ୍ରୀ ସୂର୍ଯ୍ୟଘର ମାଗଣା ବିଜୁଳି ଯୋଜନାକୁ କାର୍ଯ୍ୟକାରୀ କରିବା ପାଇଁ ସ୍ୱୟଂ ସହାୟିକା ଗୋଷ୍ଠୀମାନଙ୍କୁ ଆଗେଇ ଆସିବାକୁ ପ୍ରଧାନମନ୍ତ୍ରୀ କହିଥିଲେ। ସ୍ୱୟଂ ସହାୟିକା ଗୋଷ୍ଠୀର ସଦସ୍ୟମାନେ ଯେଉଁଠି ପଦକ୍ଷେପ ନେବେ, ସେମାନଙ୍କୁ ଯୋଜନାରେ ପ୍ରାଥମିକତା ଦିଆଯିବ ବୋଲି ସେ କହିଛନ୍ତି।
ଏହି ଅବସରରେ କେନ୍ଦ୍ର ମନ୍ତ୍ରୀ ଅର୍ଜୁନ ମୁଣ୍ଡା, ଡକ୍ଟର ମନସୁଖ ମାଣ୍ଡଭୀୟ ଓ ଗିରିରାଜ ସିଂହ ପ୍ରମୁଖ ଉପସ୍ଥିତ ଥିଲେ।
ନମୋ ଡ୍ରୋନ୍ ଦିଦି ଏବଂ ଲକ୍ଷପତି ଦିଦି ପଦକ୍ଷେପ ବିଶେଷ କରି ଗ୍ରାମାଞ୍ଚଳରେ ମହିଳାମାନଙ୍କ ମଧ୍ୟରେ ଆର୍ଥିକ ସଶକ୍ତିକରଣ ଏବଂ ଆର୍ଥିକ ସ୍ୱାଧୀନତା ବୃଦ୍ଧି ପାଇଁ ପ୍ରଧାନମନ୍ତ୍ରୀଙ୍କ ଦୃଷ୍ଟିକୋଣର ଅବିଚ୍ଛେଦ୍ୟ ଅଙ୍ଗ। ଏହି ସ୍ୱପ୍ନକୁ ଆଗକୁ ବଢ଼ାଇବା ପାଇଁ ପ୍ରଧାନମନ୍ତ୍ରୀ ଦୀନଦୟାଲ ଅନ୍ତ୍ୟୋଦୟ ଯୋଜନା – ଜାତୀୟ ଗ୍ରାମୀଣ ଜୀବିକା ମିଶନ ସହାୟତାରେ ସଫଳତା ହାସଲ କରିଥିବା ଏବଂ ଅନ୍ୟ ସ୍ୱୟଂ ସହାୟକ ଗୋଷ୍ଠୀ ସଦସ୍ୟମାନଙ୍କୁ ସେମାନଙ୍କ ଉନ୍ନତି ପାଇଁ ସମର୍ଥନ ଓ ପ୍ରେରଣା ଦେଉଥିବା ଲକ୍ଷପତି ଦିଦିମାନଙ୍କୁ ସମ୍ବର୍ଦ୍ଧିତ କରିବେ।
