ନୂଆଦିଲ୍ଲୀ: ନିର୍ବାଚନ ଆୟୋଗ ଉପରେ ରାଜ୍ୟସଭା ସାଂସଦ କପିଲ ସିବଲ ପ୍ରଶ୍ନ ଉଠାଇଛନ୍ତି। ସେ କହିଛନ୍ତି ଯେ, ୧୧ ଦିନ ପରେ ଆୟୋଗର ୱେବସାଇଟରେ ଭୋଟ୍ ତଥ୍ୟ ଆସୁଛି। ଏଭଳି ପରିସ୍ଥିତିରେ, ମୋର ପ୍ରଶ୍ନ ହେଉଛି ୧୧ ଦିନ ପରେ ତଥ୍ୟ କାହିଁକି ଆସିଲା? ଆଜି ଲୋକମାନେ କୌଣସି ଅନୁଷ୍ଠାନ ଉପରେ ବିଶ୍ୱାସ କରନ୍ତି ନାହିଁ।
କପିଲ ସିବଲ କହିଛନ୍ତି ଯେ, ଇଭିଏମ୍ ଉପରେ ସୁପ୍ରିମକୋର୍ଟଙ୍କ ନିଷ୍ପତ୍ତି ଆସିଛି। କୋର୍ଟ କହିଛନ୍ତି ଯେ, ନିର୍ବାଚନ ଆୟୋଗ ଉପରେ ଲୋକଙ୍କ ବିଶ୍ୱାସ ରହିବା ଉଚିତ୍। ପ୍ରଥମ ପର୍ଯ୍ୟାୟ ଭୋଟିଂର ୧୧ ଦିନ ପରେ ଏହାର ତଥ୍ୟ ଆସିଛି। କେତେ ପ୍ରତିଶତ ଭୋଟ ହୋଇଛି କୁହାଯାଇଛି, ହେଲେ କେତେ ସଂଖ୍ୟାରେ ଭୋଟ ପଡିଛି, ତାହା କୁହାଯାଇନାହିଁ। ଏହାର କାରଣ ମୁଁ ବୁଝିପାରୁନାହିଁ।
ସେ ଆହୁରି ମଧ୍ୟ କହିଛନ୍ତି ଯେ, ନିର୍ବାଚନ ଆୟୋଗ ଉପରେ ଆମର ବିଶ୍ୱାସ ରହିବ, ଯେତେବେଳେ ଆୟୋଗ ଏକ ସାମ୍ବାଦିକ ସମ୍ମିଳନୀ କରି ତଥ୍ୟ ପ୍ରକାଶ କରିବାକୁ ୧୧ ଦିନ କାହିଁକି ସମୟ ନେଲେ, ତାହା ବୁଝାଇବେ। ଯେତେବେଳେ ସନ୍ଦେହ ଉପୁଜେ, ଲୋକଙ୍କ ବିଶ୍ୱାସ ମଧ୍ୟ କମିଯାଏ। ଏପରି ପରିସ୍ଥିତିରେ ଜାଣିବା ଜରୁରୀ ଅଟେ।
ବାସ୍ତବରେ ଲୋକସଭା ନିର୍ବାଚନର ସାତୋଟି ପର୍ଯ୍ୟାୟ ମଧ୍ୟରୁ ଦୁଇଟି ପର୍ଯ୍ୟାୟ ହୋଇସାରିଛି। ପ୍ରଥମ ପର୍ଯ୍ୟାୟ ପାଇଁ ମତଦାନ ଏପ୍ରିଲ ୧୯ ତାରିଖରେ ଏବଂ ଦ୍ୱିତୀୟ ପର୍ଯ୍ୟାୟ ପାଇଁ ଏପ୍ରିଲ ୨୬ ତାରିଖରେ ଭୋଟ୍ ଅନୁଷ୍ଠିତ ହୋଇଥିଲା। ମଇ ୭ ତାରିଖରେ ତୃତୀୟ ପର୍ଯ୍ୟାୟ, ମେ ୧୩ ତାରିଖରେ ଚତୁର୍ଥ ପର୍ଯ୍ୟାୟ ପାଇଁ, ମଇ ୨୦ ତାରିଖରେ ପଞ୍ଚମ ପର୍ଯ୍ୟାୟ ପାଇଁ, ମେ ୨୫ ତାରିଖରେ ଷଷ୍ଠ ପର୍ଯ୍ୟାୟ ଏବଂ ଜୁନ୍ ୧ ତାରିଖ’ରେ ସପ୍ତମ ପର୍ଯ୍ୟାୟ ପାଇଁ ଭୋଟ୍ ଗ୍ରହଣ କରାଯିବ। ଫଳାଫଳ ଜୁନ୍ ୪ ତାରିଖରେ ଆସିବ।
