ନୂଆଦିଲ୍ଲୀ: ମଧ୍ୟପ୍ରଦେଶରେ ଲୋକସଭା ନିର୍ବାଚନକୁ ଦୃଷ୍ଟିରେ ରଖି କଂଗ୍ରେସ ରାଜ୍ୟ ସଭାପତି ଜିତୁ ପଟୱାରୀଙ୍କ ସମସ୍ୟା କମିବାରେ କୌଣସି ସଂକେତ ଦେଖାଯାଉନାହିଁ। ପୂର୍ବତନ ମନ୍ତ୍ରୀ ଇମରତୀ ଦେବୀଙ୍କ ବିଷୟରେ ଦିଆଯାଇଥିବା ବିବୃତ୍ତି ଦ୍ଵାରା ସୃଷ୍ଟି ହୋଇଥିବା ଉତ୍ତେଜନା ଏପର୍ଯ୍ୟନ୍ତ ଶାନ୍ତ ହୋଇନଥିବା ବେଳେ ଉମ୍ରି ପୋଲିସ ଷ୍ଟେସନରେ ଆଉ ଏକ ମାମଲା ରୁଜୁ ହୋଇଛି। ବହୁଜନ ସମାଜ ପାର୍ଟିର ଆଦର୍ଶ ଆଚରଣ ବିଧି ଉଲ୍ଲଂଘନ ଅଭିଯୋଗ ପରେ ଏହି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି।
ବହୁଜନ ସମାଜ ପାର୍ଟି (ବିଏସପି) ପ୍ରାର୍ଥୀ ଦେୱାସୀ ଜରରିୟା ନିର୍ବାଚନ ଏଜେଣ୍ଟ ଅଶୋକ କୁମାର ଗୁପ୍ତା ଦେଇଥିବା ଆବେଦନ ଉପରେ ଉମ୍ରି ପୋଲିସ ଷ୍ଟେସନ ଆଚରଣ ବିଧି ଉଲ୍ଲଂଘନ ଧାରା ୧୮୮ ଅନୁଯାୟୀ ଏକ ମାମଲା ରୁଜୁ କରିଛି।
ପ୍ରକାଶ ଯେ, ମଧ୍ୟପ୍ରଦେଶ କଂଗ୍ରେସ ରାଜ୍ୟ ସଭାପତି ଜିତୁ ପଟୱାରୀ ଏପ୍ରିଲ ୨୩ ତାରିଖରେ ଉମ୍ରିରେ ପହଞ୍ଚି ପାର୍ଟିର ପ୍ରାର୍ଥୀ ଫୁଲ ସିଂ ବରେୟାଙ୍କ ସପକ୍ଷରେ ଏକ ସଭା କରିଥିଲେ, ଯେଉଁଠାରେ ସେ ବହୁଜନ ସମାଜ ପାର୍ଟି ପ୍ରାର୍ଥୀ ଦେୱାସୀ ଜରାରିୟାଙ୍କୁ ଅଶାଳୀନ ଭାଷାରେ ଗାଳିଗୁଲଜ କରିଥିଲେ। ଏଥିସହ ଦେୱାସୀ ଜରାରିୟାଙ୍କୁ ବିଜେପି ଏଜେଣ୍ଟ ବୋଲି ଅଭିଯୋଗ ହୋଇଥିଲା। ଏହା ପରେ, ଏହି ଅଭିଯୋଗ ଉପରେ, ଶନିବାର ଦିନ ଉମ୍ରି ପୋଲିସ ଭାରତୀୟ ଦଣ୍ଡ ସଂହିତା ୧୮୬୦ ର ଧାରା ୧୮୮, ଜନ ପ୍ରତିନିଧୀ ଆଇନ ୧୯୫୦,୧୯୫୧, ୧୯୮୯ ଆଦର୍ଶ ଆଚରଣ ସଂହିତା ଅଧିନିୟମ ଅନୁଯାୟୀ ବିଳମ୍ବିତ ରାତିରେ ଏକ ମାମଲା ରୁଜୁ କରିଥିଲା।
ଏହାପୂର୍ବରୁ କଂଗ୍ରେସ ନେତା ଜିତୁ ପଟୱାରୀ ବିଜେପିର ଇମର୍ତ୍ତୀ ଦେବୀଙ୍କୁ ନେଇ ବିବାଦୀୟ ମନ୍ତବ୍ୟ ଦେଇଥିଲେ। ଯାହା ପରେ ତାଙ୍କ ବିରୋଧରେ ଏକ ମାମଲା ରୁଜୁ ହୋଇଛି। ଇମର୍ତ୍ତୀ ଦେବୀ କହିଥିଲେ ଯେ, ସେ ଏସସି ସମ୍ପ୍ରଦାୟର ଜଣେ ମହିଳା ଏବଂ ରାଜନୀତିରେ ବହୁ ବର୍ଷ ବିତାଇଛନ୍ତି। ସେ ମଧ୍ୟ ଅନେକ ଥର ମନ୍ତ୍ରୀ ଥିଲେ। ଏସସି ସମ୍ପ୍ରଦାୟର ଜଣେ ମହିଳାଙ୍କ ସହ କଂଗ୍ରେସ କିପରି ଦୁର୍ବ୍ୟବାହାର କରିପାରିବ? ଏଥିସହ ସେ ସୋନିଆ ଗାନ୍ଧୀ ଏବଂ ରାହୁଲ ଗାନ୍ଧୀଙ୍କୁ ତାଙ୍କ ଇସ୍ତଫା ଦାବି କରିବାକୁ ଅନୁରୋଧ କରିଥିଲେ।
