ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦେଶରେ ଅନୁଷ୍ଠିତ ୧୮ତମ ଲୋକସଭା ନିର୍ବାଚନରେ ବିଜୟ ପାଇଁ ଅଭିନନ୍ଦନ ବାର୍ତ୍ତା ଦେଇଥିବାରୁ ବିଶ୍ୱ ନେତାମାନଙ୍କୁ ଧନ୍ୟବାଦ ଜଣାଇଛନ୍ତି। ସୋସିଆଲ ମିଡିଆ ପ୍ଲାଟଫର୍ମ ‘ଏକ୍ସ’ରେ ବିଶ୍ୱ ନେତାଙ୍କ ବାର୍ତ୍ତାର ଉତ୍ତର ଦେଇଛନ୍ତି ଶ୍ରୀ ମୋଦୀ।
ମରିସସ୍ ର ପ୍ରଧାନମନ୍ତ୍ରୀ ପ୍ରବୀନ୍ଦ କୁମାର ଜଗନାଥଙ୍କ ଏକ ପୋଷ୍ଟର ଉତ୍ତରରେ ପ୍ରଧାନମନ୍ତ୍ରୀ କହିଛନ୍ତି;
‘‘ପ୍ରଧାନମନ୍ତ୍ରୀ ପ୍ରବିନ୍ଦ କୁମାର ଜଗନ୍ନାଥ ଜୀ, ଆପଣଙ୍କ ହୃଦୟସ୍ପର୍ଶୀ ବାର୍ତ୍ତା ପାଇଁ ଧନ୍ୟବାଦ। ମରିସସ ଆମର ପଡ଼ୋଶୀ ପ୍ରଥମ ନୀତି, ଭିଜନ ସାଗର ଏବଂ ଗ୍ଲୋବାଲ ସାଉଥ ପାଇଁ ଆମର ପ୍ରତିବଦ୍ଧତାର ସଂଯୋଗରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରେ। ଆମର ସ୍ୱତନ୍ତ୍ର ଭାଗିଦାରୀକୁ ଆହୁରି ଗଭୀର କରିବା ପାଇଁ ମୁଁ ଏକାଠି କାମ କରିବାକୁ ଆଗ୍ରହୀ।’’
‘‘ମୋର ବନ୍ଧୁ ପ୍ରଧାନମନ୍ତ୍ରୀ ସେରିଙ୍ଗ ତୋବଗେଙ୍କୁ ଶୁଭେଚ୍ଛା ପାଇଁ ଧନ୍ୟବାଦ। ଭାରତ-ଭୁଟାନ ସମ୍ପର୍କ ଆହୁରି ସୁଦୃଢ଼ ହେବ।’’
‘‘ପ୍ରଧାନମନ୍ତ୍ରୀ କମ୍ରେଡ୍ ପ୍ରଚଣ୍ଡଜୀ ଆପଣଙ୍କ ଶୁଭେଚ୍ଛା ପାଇଁ ଆପଣଙ୍କୁ ଧନ୍ୟବାଦ। ଭାରତ-ନେପାଳ ବନ୍ଧୁତାକୁ ସୁଦୃଢ଼ କରିବା ପାଇଁ ନିରନ୍ତର ସହଯୋଗ ଜାରି ରଖିବାକୁ ଚାହୁଁଛି।’’
“ଧନ୍ୟବାଦ, ମିଷ୍ଟର ରାନିଲ ବିକ୍ରମସିଂହେ। ଭାରତ-ଶ୍ରୀଲଙ୍କା ଅର୍ଥନୈତିକ ଭାଗିଦାରୀରେ ଆମର ନିରନ୍ତର ସହଯୋଗ ପାଇଁ ମୁଁ ଆଶା କରୁଛି।’’
“ଆପଣଙ୍କ ଶୁଭେଚ୍ଛା ପାଇଁ ଧନ୍ୟବାଦ, ମୋର ବନ୍ଧୁ ମହିନ୍ଦା ରାଜପକ୍ଷେ। ଭାରତ-ଶ୍ରୀଲଙ୍କା ଭାଗିଦାରୀ ନୂଆ ସୀମା ନିର୍ଦ୍ଧାରଣ କରୁଥିବାବେଳେ ଆପଣଙ୍କ ନିରନ୍ତର ସମର୍ଥନ ଆଶା କରୁଛି।’’
‘‘ଧନ୍ୟବାଦ ଶ୍ରୀ ଶରତ ଫୋନସେକା । ଶ୍ରୀଲଙ୍କା ସହ ଆମର ସମ୍ପର୍କ ବିଶେଷ। ଏହାକୁ ଆହୁରି ଗଭୀର ଓ ସୁଦୃଢ଼ କରିବା ପାଇଁ ଆମେ ଶ୍ରୀଲଙ୍କାବାସୀଙ୍କ ସହ ମିଶି କାମ ଜାରି ରଖିବୁ।’’
“ଆପଣଙ୍କ ଶୁଭେଚ୍ଛା ପାଇଁ ସଜିତ ପ୍ରେମଦାସାଙ୍କୁ ଧନ୍ୟବାଦ! ଶ୍ରୀଲଙ୍କା ସହ ଆମର ସମ୍ପର୍କ ବିଶେଷ ଏବଂ ଅନନ୍ୟ ଭାବରେ ଭ୍ରାତୃତ୍ୱପୂର୍ଣ୍ଣ । ପଡ଼ୋଶୀ ପ୍ରଥମ ନୀତି ଅନୁଯାୟୀ ଆମର ଅତୁଟ ସମ୍ପର୍କକୁ ଆହୁରି ସୁଦୃଢ଼ କରିବାକୁ ଆମେ ପ୍ରତିଶ୍ରୁତିବଦ୍ଧ।’’
‘‘ପ୍ରଧାନମନ୍ତ୍ରୀ ଜର୍ଜିଆ ମେଲୋନିଙ୍କୁ ଶୁଭେଚ୍ଛା ପାଇଁ ଧନ୍ୟବାଦ। ଭାରତ-ଇଟାଲୀ ରଣନୀତିକ ଭାଗିଦାରୀକୁ ସୁଦୃଢ଼ କରିବା ପାଇଁ ଆମେ ପ୍ରତିଶ୍ରୁତିବଦ୍ଧ ଅଛୁ ଯାହା ସହଭାଗୀ ମୂଲ୍ୟବୋଧ ଏବଂ ସ୍ୱାର୍ଥ ଉପରେ ଆଧାରିତ । ବୈଶ୍ୱିକ ଉନ୍ନତି ପାଇଁ ଏକାଠି କାମ କରିବାକୁ ଆଗ୍ରହୀ।’’
‘‘ରାଷ୍ଟ୍ରପତି ମହମ୍ମଦ ମୁଇଜୁଙ୍କୁ ଧନ୍ୟବାଦ। ଭାରତ ମହାସାଗର ଅଞ୍ଚଳରେ ମାଳଦ୍ୱୀପ ଆମର ମୂଲ୍ୟବାନ ସହଯୋଗୀ ଏବଂ ପଡ଼ୋଶୀ। ମୁଁ ମଧ୍ୟ ଆମ ଦ୍ୱିପାକ୍ଷିକ ସମ୍ପର୍କକୁ ଆହୁରି ସୁଦୃଢ଼ କରିବା ପାଇଁ ଘନିଷ୍ଠ ସହଯୋଗ ଆଶା କରୁଛି।’’
‘‘ଉପରାସଭାପତି ସେମ୍ବେ ଆପଣଙ୍କ ଶୁଭେଚ୍ଛା ପାଇଁ ଧନ୍ୟବାଦ। ଦ୍ବିପାକ୍ଷିକ ଭାଗିଦାରୀକୁ ସୁଦୃଢ଼ କରିବା ଲାଗି ଆମେ କାର୍ଯ୍ୟ କରିବା ଜାରି ରଖିବୁ।’’
‘‘ଆପଣଙ୍କ ଶୁଭେଚ୍ଛା ପାଇଁ ମହମ୍ମଦ ନାସିଦଙ୍କୁ ଧନ୍ୟବାଦ। ଭାରତ-ମାଳଦ୍ୱୀପ ସମ୍ପର୍କକୁ ସୁଦୃଢ଼ କରିବା ପାଇଁ ଆମେ ଆପଣଙ୍କ ନିରନ୍ତର ସମର୍ଥନକୁ ଗୁରୁତ୍ୱ ଦେଉଛୁ।’’
“ଆପଣଙ୍କ ଶୁଭେଚ୍ଛା ପାଇଁ ଧନ୍ୟବାଦ, ଅବଦୁଲ୍ଲା ଶାହିଦ। ମାଳଦ୍ୱୀପ ସହ ଆମର ସମ୍ପର୍କ ନୂଆ ଉଚ୍ଚତା ହାସଲ କରିବାକୁ ଆମେ ଆପଣଙ୍କ ଆଗ୍ରହରେ ସହଭାଗୀ ରହିଛୁ ।’’
‘‘ଧନବ୍ୟାଦ ପ୍ରଧାନମନ୍ତ୍ରୀ ଆଣ୍ଡ୍ର୍ୟୁ ହୋଲନେସ । ଭାରତ-ଜାମାଇକା ସମ୍ପର୍କ ଶହ ଶହ ବର୍ଷ ପୁରୁଣା ନାଗରିକ ସମ୍ପର୍କ ଉପରେ ଆଧାରିତ । ଆମ ଲୋକଙ୍କ କଲ୍ୟାଣ ପାଇଁ ଏକାଠି କାମ କରିବା ପାଇଁ ମୁଁ ଆଗ୍ରହୀ ।’’
‘‘ପ୍ରଧାନମନ୍ତ୍ରୀ ମିଆ ଆମୋର ମୋଟଲିଙ୍କୁ ଧନ୍ୟବାଦ। ଆମ ଲୋକଙ୍କ କଲ୍ୟାଣ ପାଇଁ ଭାରତ ଏବଂ ବାର୍ବାଡୋସ୍ ମଧ୍ୟରେ ଏକ ଦୃଢ଼ ଭାଗିଦାରୀ ପାଇଁ ମୁଁ ଆପଣଙ୍କ ସହ କାମ କରିବାକୁ ଆଗ୍ରହୀ।’’