ନୂଆଦିଲ୍ଲୀ: ମହାରାଷ୍ଟ୍ରର ଜାଲନାରେ ଥିବା ଅନ୍ତରାୱଲୀ ସରତୀରେ ମନୋଜ ଜରାଙ୍ଗେ ପୁଣି ଥରେ ଆମରଣ ଅନଶନରେ ବସିଛନ୍ତି। ଅନ୍ତରାୱଲୀରେ ଏହା ମନୋଜ ପାଟିଲଙ୍କ ଚତୁର୍ଥ ଆନ୍ଦୋଳନ। ଅନଶନରେ ବସିବା ପରେ ପାଟିଲ ଅଭିଯୋଗ କରିଛନ୍ତି ଯେ, “ସରକାର ଏହି ଆନ୍ଦୋଳନକୁ ଭାଙ୍ଗିବାକୁ ଚାହୁଁଛନ୍ତି। ମୁଁ ସେମାନଙ୍କୁ କହିବାକୁ ଚାହୁଁଛି ଯେ, ଆମେ ରାଜନୀତି କରିବାକୁ ଚାହୁଁନାହୁଁ।”
ମନୋଜ ଜରାଙ୍ଗେ ଚେତାବନୀ ଦେଇ କହିଛନ୍ତି ଯେ, ଯଦି ସରକାର ଏହି ନିୟମକୁ କାର୍ଯ୍ୟକାରୀ ନକରନ୍ତି ତେବେ ଆମେ ମହାରାଷ୍ଟ୍ର ବିଧାନସଭାରେ ୨୮୮ ଟି ଆସନରେ ଆମର ପ୍ରାର୍ଥୀ ଦେବୁ। ପାଟିଲ କହିଛନ୍ତି ଯେ, ମୁଁ ମୋର ନିଷ୍ପତ୍ତିରେ ଛିଡା ହୋଇଛି। ଶାନ୍ତି ବଜାୟ ରଖିବାକୁ ମୁଁ ମରାଠା ସମ୍ପ୍ରଦାୟକୁ ଅନୁରୋଧ କରୁଛି।
