![](https://thesamikhsya.com/odia/wp-content/uploads/2024/05/BJP2.jpg)
ମୁମ୍ବାଇ: କିଛି ମାସ ପରେ ମହାରାଷ୍ଟ୍ରରେ ବିଧାନସଭା ନିର୍ବାଚନ ଅନୁଷ୍ଠିତ ହେବ। ଏହି ପୃଷ୍ଠଭୂମିରେ ରାଜ୍ୟ ରାଜନୀତିରେ ଉତ୍ତେଜନା ବୃଦ୍ଧି ପାଇଛି। ଏହି ସମୟରେ ମହାରାଷ୍ଟ୍ରରେ ବିଜେପି କୁ ବଡ ଝଟକା ଲାଗିଛି। ପୂର୍ବତନ ବିଜେପି ବିଧାୟକ ସୁଧାକର ଭାଲେରାଓ ବିଜେପି ସଦସ୍ୟତାରୁ ଇସ୍ତଫା ଦେଇଛନ୍ତି। ସୁଧାକର ଭାଲେରାଓ ଏନସିପି ଶରଦ ପାୱାର ଦଳରେ ଯୋଗ ଦେଇଛନ୍ତି।
ଏନସିପି (ଏସପି) ଦଳରେ ଯୋଗଦେବା ସମୟରେ ମହାରାଷ୍ଟ୍ର ରାଜ୍ୟ ସଭାପତି ଜୟନ୍ତ ପାଟିଲ, ବିଧାୟକ ରାଜେଶ ଟୋପେଙ୍କ ସମେତ ବହୁ ବିଶିଷ୍ଟ ନେତା ଉପସ୍ଥିତ ଥିଲେ। ଆଗାମୀ ନିର୍ବାଚନ ପୂର୍ବରୁ ସୁଧାକର ଭାଲେରାଓଙ୍କ ବିଜେପି ଛାଡିବା ଦଳ ପାଇଁ ଏକ ବଡ ଝଟକା ବୋଲି ବିବେଚନା କରାଯାଉଛି। ଭାଲେରାଓ କ୍ରମାଗତ ଦୁଇ ଥର ଉଦଗିର ରିଜର୍ଭ ନିର୍ବାଚନମଣ୍ଡଳୀରୁ ବିଜେପି ବିଧାୟକ ରହିଛନ୍ତି।