ନୂଆଦିଲ୍ଲୀ: ଜଣେ ଓକିଲଙ୍କ ଅନୁରୋଧ କ୍ରମେ ଅଗଷ୍ଟ ୬ ତାରିଖରେ ଲକ୍ଷ୍ନୌରେ ମୁଖ୍ୟମନ୍ତ୍ରୀ ବାସଭବନ ନିକଟରେ ଆତ୍ମହତ୍ୟା କରିଥିବା ମହିଳାଙ୍କ ରବିବାର ଦିନ ଚିକିତ୍ସାଧିନ ଅବସ୍ଥାରେ ମୃତ୍ୟୁ ଘଟିଛି। ଏହି ମହିଳା ଉନ୍ନାଓର ବାସିନ୍ଦା ଥିଲେ। ମହିଳା ଜଣକ ମୁଖ୍ୟମନ୍ତ୍ରୀ ବାସଭବନ ନିକଟରେ ନିଜ ଉପରେ ଜ୍ୱଳନ୍ତ ପଦାର୍ଥ ଢାଳି ନିଆଁ ଲଗାଇ ଦେଇଥିଲେ। ଏହା ପରେ ମହିଳାଙ୍କୁ ତୁରନ୍ତ ସିଭିଲ ହସ୍ପିଟାଲକୁ ନିଆଯାଇଥିଲା ଯେଉଁଠାରୁ ଡାକ୍ତରମାନେ ତାଙ୍କୁ କେଜିଏମୟୁକୁ ପଠାଇଥିଲେ ଏବଂ ମହିଳା ସେଠାରେ ଚିକିତ୍ସିତ ହେଉଥିଲେ।
ଏହି ଘଟଣାର ଅନୁସନ୍ଧାନ କରୁଥିବା ପୋଲିସ ମହିଳାଙ୍କ ମୋବାଇଲରୁ ଅନେକ ଫୋନ ରେକର୍ଡିଂ ଜବତ କରିଛି। ଯେଉଁଥିରେ ମହିଳା ଏବଂ ଓକିଲଙ୍କ ମଧ୍ୟରେ ହୋଇଥିବା ବାର୍ତ୍ତାଳାପରେ ଓକିଲଙ୍କ ଦ୍ୱାରା ମହିଳାଙ୍କୁ ପ୍ରବର୍ତ୍ତାଇବା ମାମଲା ସାମ୍ନାକୁ ଆସିଛି। ଏହା ପରେ ପୋଲିସ ମହିଳାଙ୍କ ଓକିଲ ସୁନୀଲ କୁମାରଙ୍କୁ ଗିରଫ କରି ଜେଲକୁ ପଠାଇଛି। ଯେତେବେଳେ ମହିଳା ଆତ୍ମହତ୍ୟା କରିବାକୁ ମୁଖ୍ୟମନ୍ତ୍ରୀ ବାସଭବନ ନିକଟରେ ପହଞ୍ଚିଥିଲେ, ସେତେବେଳେ ଦୁଇ ବର୍ଷର ଶିଶୁ ମଧ୍ୟ ତାଙ୍କ ସହ ଥିଲେ।