ନୂଆଦିଲ୍ଲୀ: କର୍ଣ୍ଣାଟକର ହାସନ ଜିଲ୍ଲାରେ ପ୍ରଥମ କରି କାର୍ଯ୍ୟରେ ଯୋଗ ଦେବାକୁ ଯାଉଥିବା ଜଣେ ଭାରତୀୟ ପୋଲିସ ସେବା (ଆଇପିଏସ୍) ଅଧିକାରୀ ଦୁର୍ଘଟଣାରେ ମୃତ୍ୟୁ ବରଣ କରିଛନ୍ତି। ପୋଲିସ କହିଛି ଯେ, କର୍ଣ୍ଣାଟକ କ୍ୟାଡର ୨୦୨୩ ବ୍ୟାଚ୍ ର ଆଇପିଏସ୍ ଅଧିକାରୀ ହର୍ଷ ବର୍ଦ୍ଧନ (୨୬) ମଧ୍ୟପ୍ରଦେଶର ବାସିନ୍ଦା। ରବିବାର ସନ୍ଧ୍ୟାରେ ଏହି ଦୁର୍ଘଟଣା ଘଟିଥିବା ପୋଲିସ କହିଛି। ସେ କହିଛନ୍ତି ଯେ, ହାସନ ତାଲୁକର କିଟାନ ନିକଟରେ ପୋଲିସ ଗାଡିର ଟାୟାର ଫାଟି ଯାଇଥିଲା, ଯାହା ପରେ ଡ୍ରାଇଭର ନିୟନ୍ତ୍ରଣ ହରାଇ ଗାଡିଟି ରାସ୍ତା କଡ଼ରେ ଥିବା ଘର ଓ ଗଛକୁ ଧକ୍କା ଦେଇଥିଲା।
ପୋଲିସର ସୂଚନାନୁସାରେ, ହୋଲେନରସିପୁରରେ ପ୍ରୋବେସନାରୀ ଆସିଷ୍ଟାଣ୍ଟ ପୋଲିସର ସୁପରିଟେଣ୍ଡେଣ୍ଟ ଭାବରେ ଡ୍ୟୁଟି ପାଇଁ ରିପୋର୍ଟ କରିବାକୁ ବର୍ଦ୍ଧନ ଯାଉଥିଲେ। ଜଣେ ବରିଷ୍ଠ ପୋଲିସ ଅଧିକାରୀ କହିଛନ୍ତି ଯେ, ବର୍ଦ୍ଧନଙ୍କ ମୁଣ୍ଡରେ ଗଭୀର ଆଘାତ ଲାଗିଥିଲା ଏବଂ ଡାକ୍ତରଖାନାରେ ଚିକିତ୍ସା ସମୟରେ ତାଙ୍କର ମୃତ୍ୟୁ ହୋଇଥିବାବେଳେ ଡ୍ରାଇଭରସାମାନ୍ୟ ଆହତ ହୋଇଛନ୍ତି।
ପୋଲିସ କହିଛି ଯେ, ଆଇପିଏସ୍ ଅଧିକାରୀ ନିକଟରେ ମଇଶୂର କର୍ଣ୍ଣାଟକ ପୋଲିସ ଏକାଡେମୀରେ ତାଙ୍କର ଚାରି ସପ୍ତାହ ତାଲିମ ଶେଷ କରିଛନ୍ତି। ସେ କହିଛନ୍ତି ଯେ, ତାଙ୍କ ପିତା ଜଣେ ସବ-ଡିଭିଜନାଲ ଅଫିସର। କର୍ଣ୍ଣାଟକ ମୁଖ୍ୟମନ୍ତ୍ରୀ ସିଦ୍ଧରମେୟା ଅଧିକାରୀଙ୍କ ପରିବାର ପ୍ରତି ସମବେଦନା ଜଣାଇଛନ୍ତି।
