ନୂଆଦିଲ୍ଲୀ: ସ୍ୱିଜରଲ୍ୟାଣ୍ଡ ଭାରତକୁ ଦେଇଥିବା ମୋଷ୍ଟ ଫେଭରଡ୍ ନେସନ୍ (MFN) ମାନ୍ୟତା ପ୍ରତ୍ୟାହାର କରିନେଇଛି। ଭାରତୀୟ କମ୍ପାନୀଗୁଡିକ ଜାନୁଆରୀ 1, 2025 ରୁ ସ୍ୱିଜରଲ୍ୟାଣ୍ଡରେ ଆୟ ଉପରେ ଅଧିକ ଟିକସ ହ୍ରାସର ସମ୍ମୁଖୀନ ହେବାକୁ ପଡିବ। MFN ସ୍ଥିତିର ପ୍ରତ୍ୟାହାର ଅର୍ଥ ହେଉଛି ଯେ, ଜାନୁୟାରୀ 1, 2025 ରୁ ସ୍ୱିଜରଲ୍ୟାଣ୍ଡ ସେହି ଦେଶରେ ଭାରତୀୟ ସଂସ୍ଥା ଦ୍ୱାରା ଅର୍ଜନ ହୋଇଥିବା ଡିଭିଡେଣ୍ଡ ଉପରେ 10 ପ୍ରତିଶତ ଟିକସ ଲାଗୁ କରିବ। ଏହି ନିଷ୍ପତ୍ତି ପରେ ସ୍ୱିଜରଲ୍ୟାଣ୍ଡରେ କାର୍ଯ୍ୟ କରୁଥିବା ଭାରତୀୟ କମ୍ପାନୀ ଉପରେ ଅଧିକ ଟିକସ ଲାଗୁ ହେବାର ସମ୍ଭାବନା ରହିଛି ଏବଂ ଭାରତରେ ସ୍ୱିଜରଲ୍ୟାଣ୍ଡର ପୁଞ୍ଜି ବିନିଯୋଗ ପ୍ରଭାବିତ ହେବ। ସ୍ୱିଜରଲ୍ୟାଣ୍ଡର ଅର୍ଥ ବିଭାଗ ଏକ ବିବୃତ୍ତିରେ MFN ସ୍ଥିତି ପ୍ରତ୍ୟାହାର ସମ୍ପର୍କରେ ସୂଚନା ଦେଇଛି।
