ବ୍ରହ୍ମପୁର: ଗଞ୍ଜାମ ଜିଲ୍ଲା ବୁଗୁଡା ସ୍ଥିତ ବାଘୁଆ ଜଳସେଚନ କାର୍ଯ୍ୟାଳୟଠାରେ ଚାଷୀଙ୍କୁ ନେଇ ରବି ଚାଷ ସମ୍ପର୍କିତ ଏକ ସାଧାରଣ ବୈଠକ ବାଘୁଆ ଜଳସେଚନ ପ୍ରକଳ୍ପର ସହକାରୀ ନିର୍ବାହୀ ଯନ୍ତ୍ରୀ କୃଷ୍ଣ ଚନ୍ଦ୍ର ପାଳଙ୍କ ପୌରାହିତ୍ୟରେ ଅନୁଷ୍ଠିତ ହୋଇଥିଲା। ବୈଠକରେ ବାଘୁଆ ଜଳଭଣ୍ଡାରର ଜଳଧାରଣ କ୍ଷମତା ୩୧୦୦ ହେକ୍ଟର ହୋଇଥିବା ସ୍ଥଳେ ବର୍ତ୍ତମାନ ଯାହାକି ୧୩୮.୯୭ ହେକ୍ଟର ଜଳ ଗଛିତ ଅଛି ଯାହାକି ଜଳଧାରଣ କ୍ଷମତାର ୪.୪୮%।
ଏଥିସହ ଆଗାମୀ ଗ୍ରୀଷ୍ମ ଋତୁରେ ବୁଗୁଡ଼ା ବିଜ୍ଞାପିତ ଅଞ୍ଚଳ ପରିଷଦକୁ ପାନୀୟଜଳ ଯୋଗାଣ ଅନିବାର୍ଯ୍ୟ ହୋଇଥିବାରୁ ରବି ଋତୁରେ ଚାଷ ନିମନ୍ତେ ବାଘୁଆ ଜଳଭଣ୍ଡାରରୁ ଜଳ ଯୋଗାଣ ସମ୍ଭବ ହୋଇପାରିବ ନାହିଁ ବୋଲି ଉପସ୍ଥିତ ସମସ୍ତ ଚାଷୀଙ୍କୁ ଅବଗତ କରାଯାଇଥିଲା। ବାଘୁଆ ଜଳସେଚନ ଉପରେ ନିର୍ଭର କରି କୌଣସି ଚାଷ ନକରିବା ସହ ଅନ୍ୟ ଚାଷୀମାନଙ୍କୁ ମଧ୍ୟ ଏବିଷୟ ଅବଗତ କରାଇବା ପାଇଁ ସଭ୍ୟମାନଙ୍କୁ ଅନୁରୋଧ କରାଯାଇଥିଲା।
ବୈଠକରେ ବୁଗୁଡ଼ା ସହ କୃଷି ଅଧିକାରୀ ହରପ୍ରୀୟା ବେହେରା ରବି ଋତୁରେ କମ୍ ଜଳରେ ଉତ୍ପାଦିତ ବିଭିନ୍ନ ଫସଲ ଉପରେ ଆଲୋଚନା କରିଥିଲେ।