Tina Ahuja on Periods: ଗୋବିନ୍ଦାଙ୍କ ଝିଅ ଟିନା ଆହୁଜା ନିଜ ମା’ଙ୍କ ସହିତ ଏକ ଟେଲିଭିଜନ ଆଲୋଚନାରେ ଅଂଶଗ୍ରହଣ କରିଥିଲେ। ଏହି ଆଲୋଚନାରେ ସେ ପିରିଅଡସ୍ ବା ଋତୁଶ୍ରାବ ବାବଦରେ ନିଜର ଖୋଲା ମତ ପ୍ରକାଶ କରିଛନ୍ତି। ସେ କହିଛନ୍ତି ଯେ ଏହି ଯନ୍ତ୍ରଣା ଏକ ମାନସିକ ରୋଗ।
ସେ ଦାବି କରିଛନ୍ତି ଯେ ପିରିଅଡସ୍ରେ ଯନ୍ତ୍ରଣା ମୁଖ୍ୟତଃ ମୁମ୍ବାଇ ଓ ଦିଲ୍ଲୀର ଝିଅଙ୍କଠାରେ ଅଧିକ ଦେଖାଦିଏ। ଅନ୍ୟ ସହରର ମହିଳାମାନଙ୍କଠାରେ ଏହି ଯନ୍ତ୍ରଣା ଏତେ ପରିମାଣର ହୁଏ ନାହିଁ। ସେ ଏହାକୁ ମଧ୍ୟ କହିଛନ୍ତି ଯେ ପିରିଅଡସ୍ର ଯନ୍ତ୍ରଣା ଆମର ମନୋଭାବନାରୁ ବା ମାନସିକତାରୁ ସୃଷ୍ଟି ହୁଏ।
ପିରିଅଡସ୍ର ପିଡା ମାନସିକ ରୋଗ
ଟିନା ଆହୁଜା କହିଛନ୍ତି, “ମୁଁ ମୁଖ୍ୟତଃ ଚଣ୍ଡିଗଡ଼ରେ ରହୁଛି ହେଲେ ମୁଁ ମୁମ୍ବାଇ ଓ ଦିଲ୍ଲୀର ଝିଅମାନେ ଏହି ପିରିଅଡସ୍ ଯନ୍ତ୍ରଣା ବାବଦରେ କଥା ହେବାର ଶୁଣିଛି। ହେଲେ ସେମାନେ ଏହି କଥା ଅନ୍ୟକୁ କହିଦେଲେ ତାଙ୍କର ପିଡା ବା ଯନ୍ତ୍ରଣା ଅଧା କମିଯାଉଥିବାର ଅନୁଭବ କରିଛି। ତେଣୁ ମୁଁ ଅନୁଭବ କରେ ଯେ ଏହା ଏକ ମାନସିକ ରୋଗ। ପଞ୍ଜାବ ଓ ଅନ୍ୟ ସହରର ମହିଳାମାନେ ଏହି ଯନ୍ତ୍ରଣା ଉପରେ ଧ୍ୟାନ ଦିଆନ୍ତି ନାହାଁନ୍ତି। ସେମାନେ ପିରିଅଡସ୍ ଯନ୍ତ୍ରଣାକୁ ମଧ୍ୟ ଅନୁଭବ କରନ୍ତି ନାହିଁ।”
ଘିଅ ଖାଇଲେ ଲାଭ ହେବ
ଟିନା କହିଛନ୍ତି, “ମୋର ଶରୀର ଦେଶୀ ପ୍ରକୃତିର। ମୁଁ ବ୍ୟାକ ପେନ୍ ଓ ଯନ୍ତ୍ରଣା ଅନୁଭବ କରେ ନାହିଁ। ତେବେ ଝିଅମାନେ ଯନ୍ତ୍ରଣା ବାବଦରେ କଥା ହୁଅନ୍ତି। ଯଦି ଆପଣ ଘିଅ ଖାଇବେ ଏବଂ ଠିକ ଡାଇଟିଂ କରିବେ, ତେବେ ଆପଣଙ୍କ ପିଡା ହେବ ନାହିଁ। ସମୟ ସହିତ ସବୁଠି ସାଧାରଣ ହୋଇଯିବ।”
ସୁନିତା ଆହୁଜାଙ୍କ ମତ
ଟିନାଙ୍କ ମା’ ସୁନିତା ଆହୁଜା ମଧ୍ୟ ଏହି ମତକୁ ସମର୍ଥନ କରିଛନ୍ତି। ସେ କହିଛନ୍ତି ଯେ ମହିଳାମାନେ ଏହା ଉପରେ ଏକ ଡାଇଟିସିଆନ୍ଙ୍କ ସହିତ କଥାବାର୍ତ୍ତା କରିବା ଉଚିତ। ମୋ ଝିଅ କହିଦେଲା ବୋଲି ତାହା କରିବା ଉଚିତ ନୁହେଁ। କାରଣ ପରେ କିଏ ଅଭିଯୋଗ କରିବ ଯେ, ଟିନା କହିବାରୁ ଘିଅ ଖାଇକି ମୋ ଛାତି ଫାଟିଗଲା।
