ନୂଆଦିଲ୍ଲୀ: ୨୦୨୪ ପ୍ୟାରିସ ଅଲିମ୍ପିକ୍ସ ଡବଲ ପଦକ ବିଜେତା ମନୁ ଭାକରଙ୍କ ଘରେ ଦୁଃଖର ପାହାଡ ପଡ଼ିଛି। କିଛି ଦିନ ପୂର୍ବରୁ ରାଷ୍ଟ୍ରପତି ତାଙ୍କୁ ଖେଲ ରତ୍ନ ପୁରସ୍କାରରେ ସମ୍ମାନିତ କରିଥିଲେ। କିନ୍ତୁ ବର୍ତ୍ତମାନ ସଡକ ଦୁର୍ଘଟଣାରେ ତାଙ୍କ ଆଇ ଏବଂ ମାମୁଁଙ୍କ ମୃତ୍ୟୁ ହୋଇଛି। ମନୁ ଭାକର ଏବଂ ତାଙ୍କ ପରିବାରରେ ଶୋକ ଲହରୀ ଖେଳିଯାଇଛି। ରବିବାର ସକାଳେ ଚରଖୀ ଦାଦ୍ରିସ୍ଥିତି ମହେନ୍ଦ୍ରଗଡ ବାଇପାସ୍ ରୋଡରେ ଏହି ଦୁର୍ଘଟଣା ଘଟିଛି। ଯେତେବେଳେ ମନୁଙ୍କ ମାମୁଁ ଏବଂ ଆଈ ପ୍ରାତଃ ଭ୍ରମଣ କରୁଥିଲେ, ସେତେବେଳେ ହଠାତ୍ ଏକ ବ୍ରେଜା କାର ଉଭୟଙ୍କୁ ଧକ୍କା ଦେଇଥିଲା। ଧକ୍କା ହେବାର ପ୍ରଭାବ ଏତେ ଥିଲା ଯେ, ଦୁହେଁ ଘଟଣାସ୍ଥଳରେ ମୃତ୍ୟୁ ବରଣ କରିଥିଲେ।
ଘଟଣା ସମ୍ପର୍କରେ ସୂଚନା ପାଇବା ମାତ୍ରେ ପୋଲିସ ଘଟଣାସ୍ଥଳରେ ପହଞ୍ଚିଥିଲା। ପରେ ମନୁ ଭାକରଙ୍କ ମାମୁଁ ଏବଂ ଆଈଙ୍କ ମୃତଦେହକୁ ପୋଷ୍ଟମର୍ଟମ ପାଇଁ ପଠାଯାଇଥିଲା। ପୋଲିସ ପହଞ୍ଚିବା ବେଳକୁ ଦୁର୍ଘଟଣା ଘଟାଇଥିବା ଗାଡିର ଚାଳକ ଫେରାର ହୋଇଯାଇଥିଲା। ଏବେ ପୋଲିସ ମାମଲାର ତଦନ୍ତ ଆରମ୍ଭ କରିଛି ଏବଂ ଡ୍ରାଇଭରକୁ ଧରିବା ପାଇଁ ତଳସୀ ନେଉଛି।
