ନୂଆଦିଲ୍ଲୀ: ଇଣ୍ଡିଆ ଟୁଡେ ଗ୍ରୁପରୁ ଇସ୍ତଫା ଦେଇଛନ୍ତି ପ୍ରତିଷ୍ଠିତ ସାମ୍ବାଦିକ ରାହୁଳ କନୱାଲ। ପ୍ରାୟ 22 ବର୍ଷ ଧରି ଇଣ୍ଡିଆ ଟୁଡେ ଟିଭିରେ କାମ କରିବା ପରେ ସେ ଇସ୍ତଫା ଦେଇଛନ୍ତି। ରାହୁଳ ଇଣ୍ଡିଆ ଟୁଡେ ଟିଭି ଏବଂ ଆଜତକ୍ ର ନ୍ୟୁଜ ନିର୍ଦ୍ଦେଶକ ଭାବେ କାର୍ଯ୍ୟ କରୁଥିଲେ। ଏଥସହିତ ସେ ବିଜିନେସ ଟୁଡେର କାର୍ଯ୍ୟନିର୍ବାହୀ ନିର୍ଦ୍ଦେଶକ ମଧ୍ୟ ଥିଲେ। ସେ ଇଣ୍ଡିଆ ଟୁଡେ ଟିଭିର ଜଣେ ପ୍ରରିଚିତ ଚେହେରା। ତାଙ୍କର ନ୍ୟୁଜ ଆନାଲିସିସ୍, ନିର୍ବାଚନ କଭରେଜ, ସ୍ପେଶାଲ ସୋ ବେଶ ଲୋକପ୍ରିୟ ଥିଲେ।
ତେବେ ତାଙ୍କର ଇସ୍ତଫା କଂପାନୀ ତରଫରୁ ଗୃହିତ ହୋଇସାରିଛି। ହେଲେ ବର୍ତମାନ ସେ ନୋଟିସ ପିରିୟଡ ରେ କାର୍ଯ୍ୟ କରୁଛନ୍ତି। କଂପାନୀ ନିୟମ ଅନୁସାରେ ତିନିମାସ ନୋଟିସ ପିରୟଡରେ କାମ କରିବାକୁ ପଡିବ। ତେବେ କଂପାନୀ ଚାହିଁଲେ ତାଙ୍କୁ ଯେତେବେଳେ ହେଲେ ରିଲିଭ କରିପାରିବ।
ତେବେ ଭାରତର ଏକ ପ୍ରତିଷ୍ଠିତ ମିଡିଆ କଂପାନୀରୁ ଇସ୍ତଫା ଦେବା ପରେ ରାହୁଳ କେଉଁ ଚ୍ୟାନେଲକୁ ଯିବେ ସେ ନେଇ ପ୍ରଶ୍ନ ଉଠିଛି। ତେବେ ଜାତୀୟ ଗଣମାଧ୍ୟମ ରିପୋର୍ଟ ଅନୁସାରେ ରାହୁଳ ଶୁବ ଶିଘ୍ର NDTV ରେ ଯୋଗଦେବେ। ସେ ସେଠାରେ ଏଡିଟର ଇନ ଚିଫ ଭାବେ ଯୋଗ ଦେବେ ବୋଲି ଜଣାପଡିଛି।
ଆଦାନୀ ଗ୍ରୁପ ଦ୍ବାରା ବର୍ତ୍ତମାନ NDTV ପରିଚାଳିତ ହେଉଛି। ଯାହାର ସିଇଓ ଭାବେ କାଯ୍ୟକରୁଛନ୍ତି ଅନ୍ୟତମ ପ୍ରତିଷ୍ଠତ ସାମ୍ବାଦିକ ସଂଜୟ ପୁଗୁଲିଆ। ରାହୁଳ ସେଠାରେ ଯୋଗ ଦେବା ପରେ ସଂଜୟଙ୍କୁ ରିପୋର୍ଟ କରିବେ ବୋଲି ଜଣାପଡିଛି।
ବର୍ତ୍ତମାନ NDTV ହାତରେ NDTV 24×7, NDTV India, NDTV World, NDTV Profit, NDTV Rajasthan, NDTV Madhya Pradesh–Chhattisgarh, and NDTV Marathi ରହିଛି। ଖୁବ ଶିଘ୍ର କଂପାନୀ ଅନ୍ୟ ରାଜ୍ୟରେ ମଧ୍ୟ ତାଙ୍କର ନ୍ୟୁଜ ଚ୍ୟାନେଲ ବ୍ୟବସାୟକୁ ସଂପ୍ରସାରଣ କରିବେ ବୋଲି ଜଣାପଡିଛି।