ନୂଆଦିଲ୍ଲୀ: ଅପରେସନ ସିନ୍ଦୁରର ସଫଳତାରେ ହତାଶ ହୋଇପଡିଥିବା ପାକିସ୍ତାନ ଗତକାଲି ରାତିରେ ଭାରତର 15ଟି ସହର ଉପରେ ଆକ୍ରମଣ କରିବାକୁ ଚେଷ୍ଟା କରିଥିଲା। ଭାରତୀୟ ସାମରିକ ବାହିନୀ ଏହି ପ୍ରୟାକୁ ପଣ୍ଡ କରିଦେଇଥିଲେ। ଏହା ପରେ, ଭାରତ ଅପରେସନ ସିନ୍ଦୂର-୨ ଅଧୀନରେ ଲାହୋରରେ ପାକିସ୍ତାନର ବାୟୁ ପ୍ରତିରକ୍ଷା ପ୍ରଣାଳୀକୁ ଧ୍ୱଂସ କରିଦେଇଥିଲା।
ଅପରେସନ ସିନ୍ଦୁର ଦ୍ୱାରା ନିରାଶ ହୋଇ ପାକିସ୍ତାନ ଭାରତର 15ଟି ସହରକୁ ଟାର୍ଗେଟ କରିବାକୁ ଚେଷ୍ଟା କରିଥିଲା। କିନ୍ତୁ ସଜାଗ ଭାରତୀୟ ସାମରିକ ବାହିନୀ ପାକିସ୍ତାନର ପ୍ରତ୍ୟେକ ଷଡ଼ଯନ୍ତ୍ରର ଉଚିତ ଜବାବ ଦେଇଥିଲା। ପରିଣାମ ସ୍ୱରୂପ ପାକିସ୍ତାନକୁ ପୁଣି ଥରେ ପରାଜୟର ସମ୍ମୁଖୀନ ହେବାକୁ ପଡିଲା।
କିନ୍ତୁ ପାକିସ୍ତାନର ଏହି ମନ୍ଦ ପ୍ରୟାସ ପରେ, ଭାରତ ଏପରି କଲା ଯାହା କେହି କଳ୍ପନା ମଧ୍ୟ କରିନଥିଲେ। ଭାରତୀୟ ସାମରିକ ବାହିନୀ ପାକିସ୍ତାନରେ ପ୍ରବେଶ କରି ଲାହୋରରେ ବାୟୁ ପ୍ରତିରକ୍ଷା ପ୍ରଣାଳୀକୁ ଧ୍ୱଂସ କରିଦେଇଚି। ରାୱଲପିଣ୍ଡି ଷ୍ଟାଡିୟମ ମଧ୍ୟ ନଷ୍ଟ ହୋଇଯାଇଥିବା ରିପୋର୍ଟ ରହିଛି।
ଭାରତର 15ଟି ସହର ଯାହାକୁ ପାକିସ୍ତାନ ଟାର୍ଗେଟ କରିବାକୁ ଚେଷ୍ଟା କରିଥିଲା
ଭାରତ ଦେଇଥିବା ସୂଚନା ଅନୁଯାୟୀ, ୭ ଏବଂ ୮ ମଇ ରାତିରେ ପାକିସ୍ତାନ ଡ୍ରୋନ୍ ଏବଂ କ୍ଷେପଣାସ୍ତ୍ର ମାଧ୍ୟମରେ ଅବନ୍ତିପୁରା, ଶ୍ରୀନଗର, ଜମ୍ମୁ, ପଠାନକୋଟ, ଅମୃତସର, କପୁରଥଲା, ଜଳନ୍ଧର, ଲୁଧିଆନା, ଆଦମପୁର, ବଥିଣ୍ଡା, ଚଣ୍ଡିଗଡ଼, ନାଲ୍, ଫାଲୋଡି, ଉତ୍ତରଲାଇ ଏବଂ ଭୁଜ ସମେତ ଉତ୍ତର ଏବଂ ପଶ୍ଚିମ ଭାରତର ଅନେକ ସାମରିକ ଘାଟିକୁ ଟାର୍ଗେଟ କରିବାକୁ ଚେଷ୍ଟା କରିଥିଲା।