The Samikhsya Desk: କଥାରେ ଅଛି ପ୍ରତିଭା ପାଖରେ ବୟସ ହାର ମାନେ। ଅର୍ଥାତ ଯାହାର ପ୍ରତିଭା ଅଛି ତାହା କେତେବେଳେ ବା ଯେ କୌଣସି ବୟସରେ ଫୁଟି ବାହାରିଯାଏ। ଉଦାହରଣ ସ୍ବରୂପ ଜଣେ ଆମେରିକାରେ ରହୁଥିବା ଭାରତୀୟ ବଂଶୋଭବର ବାଳିକାକୁ ନିଆଯାଇପାରେ। ସେ କୋଟି କୋଟି ଟଙ୍କାର ଏକ ଟେକନୋଲୋଜି କଂପାନୀ ଖୋଲି ସାରା ବିଶ୍ବରେ ଚର୍ଚ୍ଚାକୁ ଆସିଛନ୍ତି। ତାଙ୍କ ନାମ ହେଉଛି ପ୍ରାଞ୍ଜଳୀ ଅବସ୍ଥି ବା Pranjali Awasth.
ପ୍ରାଞ୍ଜଳୀ ଅବସ୍ଥି ମାତ୍ର ୧୬ ବର୍ଷ ବୟସରେ ଏକ ଟେକ୍ କଂପାନୀ ପ୍ରତିଷ୍ଠା କରି ଖବରର ଶିରୋନାମା ପାଲଟିଛନ୍ତି। ତାଙ୍କୁ ଯେତେବେଳେ ବାର ବର୍ଷ ସେତେବେଳେ ସେ କୋଡିଂ ଶିକ୍ଷା କରିଥିଲେ। ଏହାପରେ ଏହି କୋଡିଂ କାର୍ଯ୍ୟରେ ସେ ଏତେ ମଜିଗଲେ ଯେ, ତାହାକୁ ଏହି କଂପାନୀ କରିବା ପାଇଁ ମନସ୍ଥ କଲେ। ଆଉ ସେ କରି ଦେଖାଇଦେଲେ ମଧ୍ୟ। କିଶୋରୀ ପ୍ରାଞ୍ଜଳୀ ଅବସ୍ଥିଙ୍କ ଏହି କୋଡିଂ ଟେକ୍ କଂପାନୀ ମୂଲ୍ୟ ବର୍ତ୍ତମାନ ପ୍ରାୟ ୧୦୦ କୋଟି ଟଙ୍କା ହେବ ବୋଲି କୁହାଯାଉଛି।
ଯେତେବେଳେ ଅନ୍ୟ କିଶୋରୀମାନେ ସେମାନଙ୍କର ପ୍ରିୟ ପାଠ ବିଷୟ ବାଛିବାରେ ଦ୍ୱନ୍ଦ୍ୱରେ ପଡ଼ିଥାନ୍ତି, ପ୍ରାଞ୍ଜଳୀ ଷ୍ଟାର୍ଟଅପ୍ ଜଗତରେ ପ୍ରବେଶ କରିଛନ୍ତି ଏବଂ ଏକ ମାଇଲଖୁଣ୍ଟ ସୃଷ୍ଟି ମଧ୍ୟ କରିଛନ୍ତି। ୭ ବର୍ଷ ବୟସରୁ ପ୍ରାଞ୍ଜଳୀ ଜଣେ ମେଧାବୀ ଛାତ୍ରୀ ଥିଲେ। ସେତେବେଳେ ସେ କୋଡିଂକୁ କାହିକି କେଜାଣି ଭଲ ପାଇ ବସିଲେ। ସେ ୭ ବର୍ଷ ବୟସରେ ତାଙ୍କ ପିତାଙ୍କଠାରୁ କମ୍ପ୍ୟୁଟର ପ୍ରୋଗ୍ରାମିଂ ଶିଖିବା ଆରମ୍ଭ କରିଥିଲେ, ଯିଏ ଜଣେ କମ୍ପ୍ୟୁଟର ଇଞ୍ଜିନିୟର। ତାଙ୍କ ବୟସ ସହିତ ପ୍ରଯୁକ୍ତିବିଦ୍ୟା ପ୍ରତି ତାଙ୍କର ଆଗ୍ରହ ବଢ଼ିଥିଲା।
ପ୍ରାଞ୍ଜଳୀ ଯେତେବେଳେ ମାତ୍ର ୧୧ ବର୍ଷ ବୟସ ସେତେବେଳେ ତାଙ୍କ ପରିବାର ଭାରତରୁ ଆମେରିକା ଚାଲିଆସି ଥିଲେ। ସେଠାରେ ସେ ଉନ୍ନତ ଶିକ୍ଷାଗତ ସୁଯୋଗ ପାଇଥିଲେ। ଫ୍ଲୋରିଡାରେ, ସେ କମ୍ପ୍ୟୁଟର ବିଜ୍ଞାନ ଏବଂ ପ୍ରତିଯୋଗିତାମୂଳକ ଗଣିତ ପାଠ୍ୟକ୍ରମ ଅଧ୍ୟୟନ କରିଥିଲେ। ୨୦୨୨ ମସିହାରେ ଆରମ୍ଭ କଲେ AI ଷ୍ଟାର୍ଟଅପ୍, Delv.AI .
ପ୍ରାଞ୍ଜଳୀ ୧୩ ବର୍ଷ ବୟସରେ ଫ୍ଲୋରିଡା ଇଣ୍ଟରନ୍ୟାସନାଲ୍ ୟୁନିଭରସିଟିର ଏକ ମେସିନ୍ ଲର୍ନିଂ ଲ୍ୟାବରେ ତାଙ୍କର ପ୍ରଥମ ଇଣ୍ଟର୍ନସିପ୍ ଆରମ୍ଭ କରିଥିଲେ। ସେ ବାସ୍ତବ-ବିଶ୍ୱ ପ୍ରକଳ୍ପଗୁଡ଼ିକରେ କାମ କରିଥିଲେ ଏବଂ ସୂଚନା ସଂଗ୍ରହ କରିବାରେ ସହାୟତା କରିଥିଲେ। AI ବ୍ୟବହାରିକ ପ୍ରୟୋଗ ଏବଂ ମେସିନ୍ ଲର୍ନିଂ ପ୍ରତି ଏହି ଏକ୍ସପୋଜର ତାଙ୍କୁ ବହୁତ ପ୍ରଭାବିତ କରିଥିଲା।ଫଳରେ ସେ ନିଜେ କିଛି କରିବାର ସାହାସ ଜୁଟାଇ ପାରିଥିଲେ।
ଫଳରେ ପ୍ରାଞ୍ଜଳୀ ବର୍ତ୍ତମାନ ୧୦୦୦୦୦୦୦୦୦ ଟଙ୍କାର କଂପାନୀ କରି ଆମେରିକାରେ ବେଶ ଚର୍ଚ୍ଚାରେ ଅଛନ୍ତି।
