ନୂଆଦିଲ୍ଲୀ: କଲିକତାର ଇଡେନ ଗାର୍ଡେନରେ ଚାଲିଥିବା ଭାରତ-ଦକ୍ଷିଣ ଆଫ୍ରିକା ମଧ୍ୟରେ ପ୍ରଥମ ଟେଷ୍ଟ ମ୍ୟାଚ ମାତ୍ର ୩ ଦିନରେ ଶେଷ ହୋଇଛି। ଏଥିରେ ଭାରତୀୟ ଦଳର ଲଜ୍ଜାଜନକ ପ୍ରଦର୍ଶନ ଦେଖିବାକୁ ମିଳିଛି।
ପ୍ରଥମେ ବ୍ୟାଟିଂ କରି ପ୍ରଥମ ଇନିଂସରେ ଭ୍ରମଣକାରୀ ଦକ୍ଷିଣ ଆଫ୍ରିକା ଦଳ ୧୫୯ ରନରେ ସମସ୍ତ ୱିକେଟ ହରାଇଥିଲେ। ଜବାବରେ ଭାରତୀୟ ଦଳ ମଧ୍ୟ ପ୍ରଥମ ଇନିଂସରେ ୧୮୯ ରନରେ ସମସ୍ତ ୱିକେଟ ହରାଇ ଦକ୍ଷିଣ ଆଫ୍ରିକା ଠାରୁ ୩୦ ରନର ଅଗ୍ରଣୀ ହାସଲ କରିଥିଲା।
ତେବେ ଦ୍ଵିତୀୟ ଇନିଂସରେ ସମସ୍ତ ୱିକେଟ ହରାଇ ଦକ୍ଷିଣ ଆଫ୍ରିକା ୧୫୩ ରନ କରିଥିଲା। ଏହିପରି ଭାରତକୁ ୧୨୪ ରନର ବିଜୟ ଲକ୍ଷ୍ୟ ଥିଲା। କିନ୍ତୁ ବ୍ୟାଟରଙ୍କ ଲଜ୍ଜାଜନକ ପ୍ରଦର୍ଶନ ଯୋଗୁଁ ଟିମ ଇଣ୍ଡିଆ ୯୩ ରନରେ ଅଟକିଯାଇଥିଲା। ଯେଉଁଥିରେ ଦକ୍ଷିଣ ଆଫ୍ରିକା ୩୦ ରନରେ ପ୍ରଥମ ଟେଷ୍ଟକୁ ନିଜ ନାମରେ କରି ସିରିଜ ୧-୦ ରେ ଅଗ୍ରଣୀ ହାସଲ କରିଥିଲା।
ଉଲ୍ଲେଖ ଯୋଗ୍ୟ ଯେ, ଭାରତ ଏବଂ ଦକ୍ଷିଣ ଆଫ୍ରିକା ମଧ୍ୟରେ ଦୁଇ ମ୍ୟାଚ ବିଶିଷ୍ଟ ଟେଷ୍ଟ ସିରିଜ ଚାଲିଛି। ଦ୍ଵିତୀୟ ଟେଷ୍ଟ ମ୍ୟାଚ ଗୌହାଟିରେ ଖେଳାଯିବ।