ନୂଆଦିଲ୍ଲୀ: ଜଳସୀମାରେ ବେଆଇନ ଭାବରେ ମାଛ ଧରିବା ପାଇଁ ପ୍ରବେଶ କରିଥିବା ତିନୋଟି ବାଂଲାଦେଶୀ ଡଙ୍ଗା ଏବଂ ୧୯ ଜଣ କ୍ରୁ ସଦସ୍ୟଙ୍କୁ ଭାରତୀୟ ତଟରକ୍ଷୀ ବାହିନୀ ଗିରଫ କରିଛି। ତଟରକ୍ଷୀ ବାହିନୀ ଅନୁଯାୟୀ, ଏହି ଡଙ୍ଗାଗୁଡ଼ିକ ଗତ ଶନିବାର ଏବଂ ରବିବାର ବଙ୍ଗୋପସାଗରର ଉତ୍ତର ଭାଗରେ ଭାରତୀୟ ସାମୁଦ୍ରିକ ଅଞ୍ଚଳ ଆଇନ ଉଲ୍ଲଂଘନ କରିଛନ୍ତି।
ତଟରକ୍ଷୀ ବାହିନୀ କହିଛି ଯେ, କ୍ରୁ ସଦସ୍ୟମାନଙ୍କ ପାଖରେ ଭାରତୀୟ ଜଳସୀମାରେ ବୈଧ ମାଛ ଧରିବା ପାଇଁ ଅନୁମତି ନଥିଲା। ଡଙ୍ଗାଗୁଡ଼ିକ ଏବଂ ଗିରଫ ହୋଇଥିବା ଲୋକଙ୍କୁ କାର୍ଯ୍ୟାନୁଷ୍ଠାନ ପାଇଁ ସାମୁଦ୍ରିକ ପୋଲିସକୁ ହସ୍ତାନ୍ତର କରାଯାଇଛି।
