Konark Dance & Music Festival: ପଦ୍ମଶ୍ରୀ ଗୁରୁ ଗଙ୍ଗାଧର ପ୍ରଧାନଙ୍କ ଦ୍ୱାରା ପ୍ରତିଷ୍ଠିତ କୋଣାର୍କ ନାଟ୍ୟ ମଣ୍ଡପରେ ଆୟୋଜିତ ହେବ 40ତମ କୋଣାର୍କ ନୃତ୍ୟ ଓ ସଂଗୀତ ଉତ୍ସବ। ଫେବୃୟାରୀ 19 ତାରିଖରେ ସନ୍ଧ୍ୟା 6:30 ସମୟରେ କୋଣାର୍କର କୋଣାର୍କ ନାଟ୍ୟ ମଣ୍ଡପରେ ଏହା ଆୟୋଜିତ ହେବ। ଚାରି ଦଶନ୍ଧିର କଳାତ୍ମକ ଉତ୍କର୍ଷତାକୁ ପାଳନ କରି, ଏହି ମହୋତ୍ସବ ଭାରତୀୟ ଶାସ୍ତ୍ରୀୟ ନୃତ୍ୟ ଏବଂ ସଙ୍ଗୀତକୁ ପ୍ରୋତ୍ସାହିତ କରିବା ଐତିହ୍ୟକୁ ଜାରି ରଖିଛି।
ପ୍ରଥମେ କୋଣାର୍କ ନାଟ୍ୟ ମଣ୍ଡପ ଦ୍ୱାରା ଘଣ୍ଟ ମର୍ଦ୍ଦଳରୁ ଆରମ୍ଭ ହେବ କୋଣାର୍କ ନୃତ୍ୟ ଓ ସଂଗୀତ ଉତ୍ସବ। ତା’ପରେ ଆୟୋଜକ ଅନୁଷ୍ଠାନ ଦ୍ୱାରା ପଂଚଦେବୀ ସ୍ତୁତି ପରିବେଷଣ କରାଯିବ। ପ୍ରସିଦ୍ଧ ଗୁରୁଙ୍କ ପ୍ରତି ଶ୍ରଦ୍ଧାଞ୍ଜଳି ସ୍ୱରୂପ କୋଣାର୍କ ନାଟ୍ୟ ମଣ୍ଡପ, କୋଣାର୍କ ଏବଂ ନୃତ୍ୟାଳୟ ନୃତ୍ୟ ଏକାଡେମୀ, ନିମାପଡ଼ା ଦ୍ୱାରା ମିଳିତ ଭାବରେ ଏକ ସ୍ୱତନ୍ତ୍ର ଗୁରୁ ଗଙ୍ଗାଧର ବନ୍ଦନା ପରିବେଷଣ କରାଯିବ।
ମୁମ୍ବାଇର ପ୍ରଖ୍ୟାତ ଭାୟୋଲିନ୍ ବାଦକ ପଣ୍ଡିତ କୈଳାସ ପାତ୍ର, ଭୁବନେଶ୍ୱରର ଶ୍ରୀ ବିଶ୍ୱରଞ୍ଜନ ନନ୍ଦଙ୍କ ଦ୍ୱାରା ତବଲା ସହିତ ଭାୟୋଲିନ୍ କାର୍ଯ୍ୟକ୍ରମ ପରିବେଷଣ କରାଯିବ। ଏହି ମହୋତ୍ସବରେ ଭୁବନେଶ୍ୱରର ଉତ୍କଳ ସଙ୍ଗୀତ ମହାବିଦ୍ୟାଳୟର ଛାତ୍ରଛାତ୍ରୀଙ୍କ ଦ୍ୱାରା ଓଡ଼ିଶୀ ନୃତ୍ୟ ପରିବେଷଣ କରାଯିବ। ଶେଷ ଭାଗରେ ବାଙ୍ଗାଲୋରର ନୃତ୍ୟଶିଳ୍ପୀ ଶ୍ୱେତା ପ୍ରସନ୍ନା, ଶିବରଞ୍ଜନୀ ହରିଶ ଗୋଷ୍ଠୀଙ୍କ ଦ୍ୱାରା କୁଚିପୁଡ଼ି ଏବଂ ଭାରତନାଟ୍ୟମ୍ ପ୍ରଦର୍ଶନ କରିବେ।
କୋଣାର୍କ ନାଟ୍ୟ ମଣ୍ଡପ ଦ୍ୱାରା ଆୟୋଜିତ ଏହି ମହୋତ୍ସବଟି ପ୍ରଖ୍ୟାତ ସୀତାର ବାଦକ ସ୍ୱର୍ଗତ ପଣ୍ଡିତ ରବି ଶଙ୍କର ପ୍ରଧାନଙ୍କ ପ୍ରତି ଶ୍ରଦ୍ଧାଞ୍ଜଳି ପାଇଁ ଉତ୍ସର୍ଗ କରାଯିବ।