ନୂଆଦିଲ୍ଲୀ: ୨୦୨୬ ଟି-୨୦ ବିଶ୍ଵକପରେ ଟିମ ଇଣ୍ଡିଆ ଚମତ୍କାର ବିଜୟ ହାସଲ କରିଛି। ଆଜି ୫ ୱିକେଟରେ ଟିମ ଇଣ୍ଡିଆ ୱେଷ୍ଟଇଣ୍ଡିଜକୁ ପରାସ୍ତ କରିଛି। ସଞ୍ଜୁ ସାମସନଙ୍କ ବିସ୍ଫୋରକ ବ୍ୟାଟିଂ ବଳରେ ଭାରତୀୟ ଦଳ ବଡ ବିଜୟ ହାସଲ କରିଛି। ଏହି ବିଜୟ ସହିତ ଭାରତୀୟ ଦଳ ଷଷ୍ଠ ଥର ପାଇଁ ଟି-୨୦ ବିଶ୍ଵକପର ସେମିଫାଇନାଲକୁ ଉନ୍ନୀତ ହୋଇଛି। ଏହା ସହିତ ଭାରତୀୟ ଦଳ ୧୯୫ ରନର ଏକ ବଡ ସ୍କୋରର ଲକ୍ଷ୍ୟକୁ ପୂରଣ କରି ଇତିହାସ ରଚିଛି।
ପ୍ରଥମ ବ୍ୟାଟିଂ କରି ୱେଷ୍ଟଇଣ୍ଡିଜ ଦଳ ୪ ୱିକେଟ ହରାଇ ୧୯୫ ରନ ସଂଗ୍ରହ କରିଥିଲା। ଜବାବରେ ୧୯.୨ ଓଭରରେ ୫ ୱିକେଟ ହରାଇ ଟିମ ଇଣ୍ଡିଆ ୧୯୯ ରନ କରି ବିଜୟ ହାସଲ କରିଥିଲା। ସାଞ୍ଜୁ ସାମସନ (୯୭* ରନ, ୫୦ ବଲ) ଏହି ମ୍ୟାଚର ହିରୋ ଥିଲେ।
ଅଧିନାୟକ ସୂର୍ଯ୍ୟକୁମାର ଯାଦବ, ହାର୍ଦ୍ଦିକ ପାଣ୍ଡ୍ୟା ଏବଂ ତିଲକ ବର୍ମାଙ୍କ ଛୋଟ ଇନିଂସ ଭାରତର ବିଜୟରେ ଅବଦାନ ରଖିଥିଲା, କିନ୍ତୁ ଆରମ୍ଭରୁ ଶେଷ ପର୍ଯ୍ୟନ୍ତ ପିଚ୍ ରେ ରହିଥିବା ଜଣେ ଖେଳାଳି ଥିଲେ ସଞ୍ଜୁ ସାମସନ୍।