PhonePe SBI Card: ଫୋନପେ ପକ୍ଷରୁ ନିକଟରେ ଶୁଭାରମ୍ଭ ହୋଇଥିବା ଫୋନପେ ଏସବିଆଇ କାର୍ଡ କ୍ରେଡିଟ କାର୍ଡ ଉପରେ ଏକ ସୀମିତ-ସମୟ ଅଫର ଘୋଷଣା କରାଯାଇଛି । ଏହି କାର୍ଡକୁ ଶୂନ ଜଏନିଂ ଫି’ ସହ ପ୍ରଥମ ବର୍ଷ ପାଇଁ ସମ୍ପୂର୍ଣ୍ଣ ମାଗଣାରେ ଦିଆଯାଉଛି ।
ଆଧୁନିକ ଡିଜିଟାଲ ଉପଭୋକ୍ତାଙ୍କ ପାଇଁ ଡିଜାଇନ ହୋଇଥିବା ଫୋନପେ ଏସବିଆଇ କାର୍ଡ ଉଭୟ ରୁପେ ଓ ଭିସା ପ୍ଲାଟଫର୍ମରେ ଉପଲବ୍ଧ ରହିଛି ଏବଂ ଏହା ଉପଭୋକ୍ତାଙ୍କୁ ପ୍ରତ୍ୟେକ ଅନ୍ଲାଇନ କ୍ରୟ ଉପରେ ରିୱାର୍ଡ ଜିତିବା ପାଇଁ ସକ୍ଷମ କରୁଛି । ଏହି କାର୍ଡର ଉପଭୋକ୍ତାମାନେ ପ୍ରଥମ ବର୍ଷ ପାଇଁ ବିନା କୌଣସି ମୂଲ୍ୟରେ କାର୍ଡର ପ୍ରିମିୟମ ଲାଭ ଉପଭୋଗ କରିପାରିବେ । ଏଥିସହିତ ସମସ୍ତ ଅନ୍ଲାଇନ ବ୍ରାଣ୍ଡ ଉପରେ ଅନ୍ଲାଇନ ଟ୍ରାଞ୍ଜାକ୍ସନରେ ୫% ରିୱାର୍ଡ ପାଇବେ ।
ଫୋନପେ ଏସବିଆଇ କାର୍ଡରେ ରିଚାର୍ଜ ଭଳି ନିୟମିତ ପେମେଂଟ, ସିଲିଣ୍ଡର ବୁକିଙ୍ଗ ମୋବାଇଲ ରିଚାର୍ଜ, ବିଲ୍ ପେମେଂଟ ଭଳି ୟୁଟିଲିଟି ପେମେଂଟ ଉପରେ ୧୦% ରିୱାର୍ଡ ମିଳିପାରିବ। ସେହିପରି ଫୋନପେ ପ୍ଲାଟଫର୍ମରେ ଇନ୍ସୁରାନ୍ସ ପ୍ରିମିୟମ ପେମେଂଟ ଉପରେ ମଧ୍ୟ ଉପଭୋକ୍ତାମାନେ ରିୱାର୍ଡ ପାଇବା ସହ ୧୦% ସଂଚୟ କରିପାରିବେ । ପ୍ରତ୍ୟେକ ରୁପେ କ୍ୟୁଆର ସ୍କାନ ଉପରେ ୧% ରିୱାର୍ଡ ମିଳିବ ।
ଏହି କାର୍ଡହୋଲ୍ଡରମାନେ ଡୋମେଷ୍ଟିକ ଏୟାରପୋର୍ଟ ଲାଉଞ୍ଜଗୁଡିକରେ ବିନା ବ୍ୟୟ ସୀମା ସହ ୪ ବର୍ଷ ପର୍ଯ୍ୟନ୍ତ ମାଗଣା ଆକ୍ସେସ ପାଇପାରିବେ ଏବଂ ଇଂଟରନ୍ୟାଶନାଲ ଲାଉଞ୍ଜରେ ୨ ବର୍ଷ ପାଇଁ ପ୍ରାୟୋରିଟି ପାସ ମେମ୍ବରସିପ ପାଇପାରିବେ ।
ଏସବିଆଇ କାର୍ଡରେ ମିଳିଥିବା ରିୱାର୍ଡ ପଏଂଟଗୁଡିକୁ ଉପଭୋକ୍ତାଙ୍କ କ୍ରେଡିଟ କାର୍ଡ ବିଲ ପଇଠ କରିବା ପାଇଁ ବ୍ୟବହାର କରାଯାଇପାରିବ । ପ୍ରତ୍ୟେକ ପଏଂଟର ମୂଲ୍ୟ ୧ ଟଙ୍କା ରହିଛି । ମିଳିଥିବା ସମସ୍ତ ରିୱାର୍ଡ କାର୍ଡର ଲିମିଟ ଏବଂ ସର୍ତାବଳୀ ଅଧୀନରେ ରହିଛି । ଫୋନପେ ଏସବିଆଇ କାର୍ଡ ପାଇଁ ଫୋନପେ ଆପ୍ରେ ସିଧାସଳଖ ଆବେଦନ କରାଯାଇପାରିବ ।