Four New Tahasils: ଓଡ଼ିଶା ସରକାର ଚାରୋଟି ନୂତନ ତହସିଲ ଗଠନ ପାଇଁ ଘୋଷଣା କରିଛନ୍ତି। ଏଥିରେ ପୂର୍ବରୁ ଥିବା ଭୁବନେଶ୍ୱର ତହସିଲକୁ ବିଭାଜିତ କରି ଦୁଇଟି ନୂତନ ତହସିଲ ଗଠନ ପାଇଁ ନିଷ୍ପତି ଗ୍ରହଣ କରାଯାଇଛି। ସେହିପରି କଟକ ତହସିଲକୁ ବିଭାଜିତ କରି ଗୋଟିଏ ନୂତନ ତହସିଲ ସମ୍ବଲପୁର ତହସିଲକୁ ବିଭାଜିତ କରି ଗୋଟିଏ ନୂତନ ତହସିଲ ଗଠନ କରାଯିବ।
ସହରୀକରଣ ଏବଂ ଜନବହୁଳ ଅଞ୍ଚଳରେ ପ୍ରଶାସନିକ ଦକ୍ଷତା ବୃଦ୍ଧି ଏବଂ ସେବା ପ୍ରଦାନରେ ଉନ୍ନତି ଆଣିବା ପାଇଁ ଓଡ଼ିଶା ସରକାର ଚାରୋଟି ନୂତନ ତହସିଲ ଗଠନକୁ ଅନୁମୋଦନ କରିଛନ୍ତି। ଭୁବନେଶ୍ୱର, କଟକ ଏବଂ ସମ୍ବଲପୁରର ଥିବା ତହସିଲଗୁଡ଼ିକରେ ହେଉଥିବା ନୂଆ ଚ୍ୟାଲେଞ୍ଜର ସମାଧାନ ପାଇଁ ଏହି ନିଷ୍ପତ୍ତି ନିଆଯାଇଛି। ଏ ନେଇ ଜିଲ୍ଲାପାଳମାନେ ରିପୋର୍ଟ ଦେବା ପାଇଁ କୁହାଯାଇଛି।
ଜନସଂଖ୍ୟା ବୃଦ୍ଧି ତଥା ବହୁ କାମ ରହୁଥିବାରୁ ଏହି ତହସିଲଗୁଡ଼ିକ ଉପରେ ଯଥେଷ୍ଟ ପ୍ରଶାସନିକ ବୋଝ ପଡିବାରେ ଲାଗିଛି। ଦ୍ରୁତ, ଅଧିକ ସୁଗମ ଏବଂ ନାଗରିକ-କୈନ୍ଦ୍ରିକ ଶାସନ ସୁନିଶ୍ଚିତ କରିବା ପାଇଁ, ସରକାର ଏହି ନୂଆ ତହସିଲ ପାଇଁ ଅନୁମୋଦନ କରିଛନ୍ତି। ନୂତନ ତହସିଲ ପୁନର୍ଗଠନ ପ୍ରଶାସନକୁ ଲୋକଙ୍କ ନିକଟତର କରିବ, ଜମି ଏବଂ ରାଜସ୍ୱ ସମ୍ପର୍କିତ ସେବାରେ ଉନ୍ନତି ଆଣିବା, କ୍ଷେତ୍ରସ୍ତରୀୟ ଶାସନକୁ ସୁଦୃଢ଼ କରିବ। ଏଥିସହିତ ବର୍ତ୍ତମାନ ତହସିଲ ଉପରେ ଚାପ ହ୍ରାସ କରିବାର ସରକାର ଲକ୍ଷ୍ୟ ରଖିଛନ୍ତି।
ରାଜସ୍ୱ ଏବଂ ବିପର୍ଯ୍ୟୟ ପରିଚାଳନା ବିଭାଗ ସମ୍ପୃକ୍ତ ଜିଲ୍ଲା କର୍ତ୍ତୃପକ୍ଷଙ୍କୁ ବିସ୍ତୃତ ପ୍ରସ୍ତାବ ଦାଖଲ କରିବାକୁ ନିର୍ଦ୍ଦେଶ ଦେଇଛନ୍ତି। ଏଥିରେ ସେମାନେ ନୂତନ ତହସିଲର ପ୍ରସ୍ତାବିତ ସୀମା ଏବଂ ସ୍ଥାନ, ଆରଆଇ ସର୍କଲ, ଗ୍ରାମ ଏବଂ ପୋଲିସ ଷ୍ଟେସନ କ୍ଷେତ୍ରାଧିକାର ଅନୁଧ୍ୟାନ କରି ରିପୋର୍ଟ ଦେବେ। ଆଞ୍ଚଳିକ ବିଭାଜନ ଦର୍ଶାଉଥିବା ଡିଜିଟାଲ୍ ମାନଚିତ୍ର କର୍ମଚାରୀଙ୍କ ଆବଶ୍ୟକତା ଏବଂ ଆର୍ଥିକ ପ୍ରଭାବ ନିର୍ବାଚିତ ପ୍ରତିନିଧି ଏବଂ ପ୍ରମୁଖ ଅଂଶୀଦାରଙ୍କ ସହ ପରାମର୍ଶ ଚୂଡ଼ାନ୍ତ ଅନୁମୋଦନ ପାଇଁ ସମସ୍ତ ପ୍ରସ୍ତାବ ସମ୍ପୃକ୍ତ ଆରଡିସିଙ୍କ ମାଧ୍ୟମରେ ୭ ଦିନ ମଧ୍ୟରେ ଦାଖଲ କରିବାକୁ ପଡିବ।
Sai Baba Birth Centenary: PM Modi Addresses Celebrations in Puttaparthi (Click Here To Read)
