ମୁମ୍ବାଇ: ଆଜି ଆଇପିଏଲ-୧୪ ସଂସ୍କରଣର ଅଷ୍ଟମ ମ୍ୟାଚ ଚେନ୍ନାଇ ସୁପରକିଙ୍ଗ୍ସ ଏବଂ ପଞ୍ଜାବ କିଙ୍ଗ୍ସ ମଧ୍ୟରେ ଖେଳାଯିବ। ଏହି ମ୍ୟାଚ ମୁମ୍ବାଇର ୱାନଖେଡ ଷ୍ଟାଡିୟମରେ ସନ୍ଧ୍ୟା ୭ ଟା ୩୦ ମିନିଟରେ ଖେଳାଯିବ। ଚେନ୍ନାଇ ପ୍ରଥମ ମ୍ୟାଚରେ ଦିଲ୍ଲୀ କ୍ୟାପିଟାଲ୍ସ ଠାରୁ ୭ ୱିକେଟରେ ପରାଜିତ ହୋଇଥିବା ବେଳେ ପଞ୍ଜାବ ଦଳ ରାଜସ୍ଥାନ ରୟାଲ୍ସ ଠାରୁ ୪ ରନରେ ବିଜୟ ହାସଲ କରିଥିଲା।
ଚେନ୍ନାଇ ଏବଂ ପଞ୍ଜାବ ମଧ୍ୟରେ କଣ ରହିଛି ପୂର୍ବ ରେକର୍ଡ:
ଚେନ୍ନାଇ ଏବଂ ପଞ୍ଜାବ ମଧ୍ୟରେ ଆଇପିଏଲରେ ଏପର୍ଯ୍ଯନ୍ତ ୨୩ ଟି ମ୍ୟାଚ ଖେଲାଯାଇଛି। ମୋଟ ୨୩ ଟି ମଧ୍ୟରୁ ଚେନ୍ନାଇ ୧୪ ଟି ମ୍ୟାଚ ଜିତି ଥିବା ବେଳେ ପଞ୍ଜାବ ୯ ଟି ମ୍ୟାଚରେ ବିଜୟ ହାସଲ କରିଛି। ଗତ ୫ ଟି ମ୍ୟାଚରେ ଚେନ୍ନାଇର ରେକର୍ଡ ଭଲ ରହିଛି। ଚେନ୍ନାଇ ୫ ଟି ମ୍ୟାଚରୁ ୪ ଟି ମ୍ୟାଚରେ ପଞ୍ଜାବକୁ ପରାଜିତ କରିଛି।