ନୂଆଦିଲ୍ଲୀ, ଆଜି ସକାଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଭାରତର ଅଲମ୍ପିକ ବିଜେତାଙ୍କୁ ସାକ୍ଷାତ କରିଛନ୍ତି। ଗତକାଲି ସ୍ବାଧୀନତା ଦିବସରେ ଯୋଗଦାନ କରିବା ପାଇଁ ସେମାନଙ୍କୁ ନିମନ୍ତ୍ରଣ କରାଯାଇଥିଲା। ସେହି ଅନୁସାରେ ସେମାନେ ସମସ୍ତେ ଏହି ଜାତୀୟ ଉତ୍ସବରେ ଯୋଗଦେଇଥିଲେ। ଆଜି ସକାଳେ ସେମାନଙ୍କୁ ମୋଦି ବ୍ରେକଫାଷ୍ଟକୁ ନିମନ୍ତ୍ରଣ କରିଥିଲେ।
ଆଜି ସମସ୍ତ ଅଲମ୍ପିକ ବିଜେତା ପ୍ରଧାନମନ୍ତ୍ରୀଙ୍କ ଏହି ବ୍ରେକଫାଷ୍ଟରେ ଯୋଗ ଦେଇଥିଲେ। ଖୋଲା ପଡିଆରେ ଆୟୋଜିତ ଏହି କାର୍ଯ୍ୟକ୍ରମରେ ମୋଦୀ ସମସ୍ତଙ୍କ ସହିତ ଖୋଲା ମନରେ ଆଲୋଚନା କରିଥିଲେ। ସେ ଅଲମ୍ପିକ ସ୍ବର୍ଣ୍ଣ ବିଜେତା ନୀରଜ ଚୋପ୍ରାଙ୍କୁ ଲଡୁ ଖୁଆଥିଲେ। ସେହିପରି ବ୍ୟାଡମିଣ୍ଟନ ଖେଳାଳୀ ପି.ଭି ସିନ୍ଧୁଙ୍କୁ ମୋଦୀ ଆଇସକ୍ରିମ ଖୁଆଇଥିଲେ।
