ଭୁବନେଶ୍ବର, ଡିସେମ୍ବର, ୨୦୨୧ ରେ ଅନୁଷ୍ଠିତ ହେବାକୁ ଥିବା ସିନିୟର ନ୍ୟାସନାଲ କବାଡି ଚାମ୍ପିଅନସିପକୁ ଦୃଷ୍ଟିରେ ରଖି; ଭାରତୀୟ ରେଳ କ୍ରୀଡା ପ୍ରୋତ୍ସାହନ ବୋର୍ଡ (ଆଇଆରଏସପିବି) ଭୁବନେଶ୍ୱରର ପୂର୍ବ ତଟ ରେଳପଥ ଇନଡୋର ଷ୍ଟାଡିୟମରେ ଏହାର ମହିଳା କବାଡି ଦଳ ପାଇଁ ପ୍ରଶିକ୍ଷଣ ଶିବିର ଆୟୋଜନ କରିବ।
ଏହି ଶିବିର ୧୩ ସେପ୍ଟେମ୍ବରରୁ ୧୩ ଅକ୍ଟୋବର, ୨୦୨୧ ପର୍ୟ୍ୟନ୍ତ ଅନୁଷ୍ଠିତ ହେବ। ଭୁବନେଶ୍ୱରର ପ୍ରଶିକ୍ଷଣ ଶିବିରରେ କବାଡି ଖେଳାଳି, କୋଚ୍, ଅଧିକାରୀ ଏବଂ ସହାୟକ କର୍ମଚାରୀଙ୍କ ସମେତ ପ୍ରାୟ ୩୦ ଜଣ କ୍ରୀଡ଼ା କର୍ମଚାରୀ ଅଂଶଗ୍ରହଣ କରିବେ। ପ୍ରଶିକ୍ଷଣ ତଥା ସମ୍ପୂର୍ଣ୍ଣ ଶିବିରରେ ବିଶିଷ୍ଟ ଜାତୀୟ ଏବଂ ଆନ୍ତର୍ଜାତୀୟ ସ୍ତରର କବାଡି ଖେଳାଳିଙ୍କୁ ମଧ୍ୟ ଦେଖିବାକୁ ମିଳିବ।
ଜାପାନରେ ଅନୁଷ୍ଠିତ ହେବାକୁ ଥିବା ସିନିୟର ଏସୀୟ ଭଲିବଲ୍ ଚାମ୍ପିଅନସିପ୍ ପାଇଁ ପ୍ରସ୍ତୁତି ଏବଂ ଅଭ୍ୟାସ ସମୟରେ ରେଳ ଇନଡୋର ଷ୍ଟାଡିୟମରେ ଭାରତୀୟ ଭଲି ବଲ୍ ଟିମ୍ ପାଇଁ ପ୍ରଶିକ୍ଷଣ ଓ ଅଭ୍ୟାସ ଶିବିର ମଧ୍ୟ ଆୟୋଜିତ ହୋଇଥିଲା।
